ന്യൂഡൽഹി : എൻസിഇആർടി എട്ടാം ക്ലാസിലെ പാഠപുസ്തകവിവാദത്തിൽ അതൃപ്തി അറിയിച്ച് പ്രധാനമന്ത്രി നരേന്ദ്ര മോദി. ജുഡീഷറിക്കെതിരായ പരാമർശങ്ങളിൽ കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാനെയാണു പ്രധാനമന്ത്രി അതൃപ്തി അറിയിച്ചത്. പ്രശ്നം പരിഹരിക്കണമെന്നും വിഷയത്തിൽ ഉത്തരവാദികളെ കണ്ടെത്തണമെന്നും പ്രധാനമന്ത്രി നിർദേശിച്ചു.
അതേസമയം, സുപ്രീംകോടതിയുടെ അതിശക്തമായ ഇടപെടലിനു പിന്നാലെ പാഠപുസ്തക വിവാദത്തിൽ കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ ഖേദം പ്രകടിപ്പിച്ചു.
നീതിന്യായ വ്യവസ്ഥയെ അപമാനിക്കാൻ തങ്ങൾക്ക് ഉദ്ദേശ്യമില്ലായിരുന്നുവെന്നും നടന്ന സംഭവത്തിൽ അതീവദുഃഖമുണ്ടെന്നും അദ്ദേഹം വ്യക്തമാക്കി. അന്വേഷണം നടത്തുമെന്നും കുറ്റക്കാർക്കെതിരേ നടപടി സ്വീകരിക്കുമെന്നും മന്ത്രി വിശദീക രിച്ചു.