തേഞ്ഞിപ്പലം: തേഞ്ഞിപ്പലം എക്യുമെനിക്കൽ ഫെലോഷിപ്പിന്റെ 2026-07 വർഷത്തെ ജനറൽ ബോഡി യോഗം സെന്റ് ഗ്രീഗോറിയോസ് പള്ളിയിൽ നടത്തി. ചടങ്ങിൽ വികാരി ഫാ. ജസ്റ്റിൻ ആന്റണി അധ്യക്ഷനായിരുന്നു. പുതുതായി ചുമതലയേറ്റ സെന്റ് മേരീസ് പള്ളി വികാരി ഫാ. സിബി എംഎസ്ടി, ബഥേൽ മാർത്തോമ പള്ളി വികാരി ഫാ. നിതിൻ മാത്യു എന്നിവരെ ആദരിച്ചു.
യോഗത്തിൽ മൗണ്ട് കാർമൽ, സെന്റ് പോൾസ് കോണ്വന്റുകളിലെ സിസ്റ്റർമാർ, ജനറൽ ബോഡി അംഗങ്ങൾ തുടങ്ങിയവർ പങ്കെടുത്തു. മുൻ സെക്രട്ടറി ഷൈൻ ഇ. ജോസഫ് സ്വാഗതവും മത്തായി ഉമ്മൻ നന്ദിയും പറഞ്ഞു.ഭാരവാഹികൾ: ഫാ. കെവിൻ മാത്യു (ജനറൽ കണ്വീനർ), മത്തായി ഉമ്മൻ (പ്രസിഡന്റ്), തോമസ് മാളിയേക്കൽ (സെക്രട്ടറി), സെലീന ഡിക്രൂസ് (ട്രഷറർ).