30

ഹൈദരാബാദിലെ തിരക്കേറിയ സൈക്ലിംഗ് ട്രാക്കിൽ പ്രഭാത സവാരിക്കിടെയുണ്ടായ ഒരു സംഭവം സ്ത്രീ സുരക്ഷയെക്കുറിച്ചുള്ള ആശങ്കകൾ വീണ്ടും ശക്തമാക്കിയിരിക്കുകയാണ്.

രാവിലെ ആറുമണിയോടെ പതിവുപോലെ വ്യായാമത്തിനായി എത്തിയ യുവതിക്ക് നേരിടേണ്ടി വന്നത് അങ്ങേയറ്റം അശ്ലീലകരമായ അനുഭവമാണ്.

ആളുകൾ ധാരാളമായി വന്നുപോകുന്ന ഒരു പൊതുസ്ഥലത്ത് വെച്ച് ഇത്തരമൊരു പ്രവർത്തി ഉണ്ടായത് വലിയ ഞെട്ടലാണ് സൃഷ്ടിച്ചിരിക്കുന്നത്. ഇൻസ്റ്റാഗ്രാമിൽ പങ്കുവെച്ച വീഡിയോയിലൂടെ താൻ അനുഭവിച്ച മാനസിക പ്രയാസം യുവതി തുറന്നുപറഞ്ഞു.

അനാവശ്യമായ തുറിച്ചുനോട്ടങ്ങളും മറ്റും ഭയന്ന് സൂര്യോദയത്തിന് ശേഷം മാത്രം പുറത്തിറങ്ങാൻ ശ്രദ്ധിക്കാറുള്ള തനിക്ക്, സുരക്ഷിതമെന്ന് കരുതിയ ഒരിടത്ത് വെച്ചുപോലും ഇത്തരമൊരു ദുരനുഭവം ഉണ്ടായെന്നത് നിരാശാജനകമാണെന്ന് യുവതി വ്യക്തമാക്കി.

ഓട്ടോ ഡ്രൈവർമാരും മറ്റ് യാത്രക്കാരും ഉൾപ്പെടെയുള്ളവരുടെ ഭാഗത്തുനിന്നുണ്ടാകുന്ന ഇത്തരം മോശം പെരുമാറ്റങ്ങൾ സ്ത്രീകളുടെ ദൈനംദിന ജീവിതത്തെയും പുറത്തിറങ്ങാനുള്ള സ്വാതന്ത്ര്യത്തെയും സാരമായി ബാധിക്കുന്നുണ്ടെന്നും യുവതി ചൂണ്ടിക്കാട്ടി.

സംഭവം പുറത്തറിഞ്ഞതിന് പിന്നാലെ സോഷ്യൽ മീഡിയയിൽ വലിയ പ്രതിഷേധമാണ് ഉയർന്നുവരുന്നത്. ഹൈദരാബാദ് പോലുള്ള നഗരങ്ങളിൽ സ്ത്രീകൾക്ക് ലഭിക്കേണ്ട സുരക്ഷയെക്കുറിച്ച് വലിയ ചർച്ചകളാണ് നടക്കുന്നത്.

അക്രമിയെ കണ്ടെത്തണമെന്നും കർശന നിയമനടപടികൾ സ്വീകരിക്കണമെന്നുമാണ് സൈബർ ലോകത്തിന്‍റെ ആവശ്യം.

പൊതുസ്ഥലങ്ങളിൽ നിരീക്ഷണം ശക്തമാക്കണമെന്നും സ്ത്രീകൾക്ക് ഭയമില്ലാതെ പുറത്തിറങ്ങാൻ കഴിയുന്ന സാഹചര്യം ഒരുക്കണമെന്നും ആവശ്യപ്പെട്ടുകൊണ്ട് നിരവധി പേരാണ് രംഗത്തെത്തിയിരിക്കുന്നത്.

പലപ്പോഴും സ്ത്രീകൾ ഇത്തരം അനുഭവങ്ങൾ പങ്കുവെക്കുമ്പോൾ അത് അതിശയോക്തിയാണെന്ന് കരുതുന്ന സമൂഹത്തിന്‍റെ മനോഭാവത്തെയും സോഷ്യൽ മീഡിയ വിമർശിക്കുന്നുണ്ട്.

സുരക്ഷിതമെന്ന് വിശ്വസിക്കുന്ന ഇടങ്ങളിൽ പോലും സ്ത്രീകൾക്ക് ഒട്ടും സുരക്ഷിതത്വം അനുഭവപ്പെടുന്നില്ല എന്നത് ഗൗരവകരമായ ഒരു വിഷയമായി മാറിയിരിക്കുകയാണ്.

ഡിജിറ്റൽ ഇടപാടുകളിലെ സുരക്ഷാ പാളിച്ചകളെക്കുറിച്ച് ഗൗരവകരമായ ചർച്ചകൾക്ക് വഴിതുറന്ന് താനെയിലെ മീരാ റോഡിൽ നിന്നുള്ള ഒരു ഞെട്ടിക്കുന്ന ദൃശ്യം വീണ്ടും സമൂഹമാധ്യമങ്ങളിൽ ശ്രദ്ധനേടുന്നു.

ഓട്ടോറിക്ഷാ യാത്രയ്ക്ക് ശേഷം ഓൺലൈനായി പണം കൈമാറിയ 17 കാരിയെ ഫോൺ നമ്പറിലൂടെ പിന്തുടരുകയും ശല്യം ചെയ്യുകയും ചെയ്ത ഡ്രൈവറെ നാട്ടുകാർ പിടികൂടി ശിക്ഷിക്കുന്നതാണ് വീഡിയോയുടെ ഉള്ളടക്കം.

കഴിഞ്ഞ നവംബറിൽ നടന്ന ഈ സംഭവം, നമ്മുടെ സ്വകാര്യ വിവരങ്ങൾ എത്രത്തോളം അപകടകരമായ രീതിയിൽ ദുരുപയോഗം ചെയ്യപ്പെടാം എന്നതിന്‍റെ ഉദാഹരണമായി മാറുകയാണ്. യാത്രാക്കൂലി നൽകാൻ പെൺകുട്ടി ഉപയോഗിച്ച ജി-പേ വിവരങ്ങളിൽ നിന്നാണ് പ്രതി പെൺകുട്ടിയുടെ ഫോൺ നമ്പർ കൈക്കലാക്കിയത്.

ഈ നമ്പറിലൂടെ ഇൻസ്റ്റാഗ്രാം ഐഡി കണ്ടെത്തിയ ഇയാൾ നിരന്തരമായി സന്ദേശങ്ങൾ അയക്കുകയും പെൺകുട്ടിയുടെ വീടിന് സമീപവും പാർക്കിലും കാത്തുനിന്ന് ശല്യം ചെയ്യുകയും ചെയ്തു. ഡ്രൈവറുടെ പെരുമാറ്റത്തിൽ ഭയന്ന പെൺകുട്ടി വിവരമറിയിച്ചതിനെ തുടർന്ന് നാട്ടുകാർ ഇയാളെ വളയുകയായിരുന്നു.

വീഡിയോയിൽ ദേഷ്യപ്പെട്ട നാട്ടുകാർ ഡ്രൈവറെ ചോദ്യം ചെയ്യുന്നതും മർദ്ദിക്കുന്നതും കാണാം. ഒടുവിൽ ചെവിയിൽ പിടിച്ച് ഏത്തമിടീച്ചും ഇനി ഇത്തരം പ്രവർത്തികൾ ആവർത്തിക്കില്ലെന്ന് മാപ്പ് പറയിപ്പിച്ചുമാണ് ഇയാളെ വിട്ടയച്ചത്.

ഈ ദൃശ്യങ്ങൾ പ്രചരിച്ചതോടെ വലിയ രീതിയിലുള്ള പ്രതികരണങ്ങളാണ് സൈബർ ലോകത്ത് ഉയരുന്നത്. ഇത്തരക്കാരെ നാട്ടുകാർ ശിക്ഷിക്കുന്നതിന് പകരം പോക്സോ നിയമപ്രകാരം പോലീസിൽ ഏൽപ്പിക്കുകയായിരുന്നു വേണ്ടതെന്ന് പലരും അഭിപ്രായപ്പെടുന്നു.

ഡിജിറ്റൽ പേയ്‌മെന്‍റുകൾ നടത്തുമ്പോൾ നമ്മുടെ പേരും ഫോൺ നമ്പറും അനായാസം മറ്റൊരാൾക്ക് ലഭിക്കുന്നത് വലിയൊരു സുരക്ഷാ ഭീഷണിയാണെന്ന് ഈ സംഭവം ഓർമ്മിപ്പിക്കുന്നു.

ഓട്ടോ പോലുള്ള പൊതുഗതാഗത സംവിധാനങ്ങൾ ഉപയോഗിക്കുമ്പോൾ കൃത്യം വീട്ടുപടിക്കൽ ഇറങ്ങാതെ അല്പം മാറി ഇറങ്ങുന്നതും, നേരിട്ട് പണം നൽകുന്നതും ഇത്തരം സൈബർ വേട്ടക്കാരിൽ നിന്ന് രക്ഷപ്പെടാൻ സഹായിക്കുമെന്ന് സുരക്ഷാ വിദഗ്ധർ ചൂണ്ടിക്കാട്ടുന്നു.

സാങ്കേതിക വിദ്യകൾ ഉപകാരപ്രദമാകുമ്പോഴും അജ്ഞാതരായ വ്യക്തികളുമായി വ്യക്തിഗത വിവരങ്ങൾ പങ്കുവെക്കേണ്ടി വരുന്ന സാഹചര്യങ്ങളിൽ അതീവ ജാഗ്രത പാലിക്കണമെന്ന മുന്നറിയിപ്പാണ് ഈ സംഭവം നൽകുന്നത്.

ഇ​ന്ത്യ​യി​ലെ പൊ​തു​വേ​ദി​ക​ളി​ൽ സ്ത്രീ ​സു​ര​ക്ഷ​യും ക​ലാ​കാ​രി​ക​ൾ നേ​രി​ടു​ന്ന വെ​ല്ലു​വി​ളി​ക​ളും വീ​ണ്ടും വ​ലി​യ ച​ർ​ച്ച​ക​ൾ​ക്ക് വ​ഴി​യൊ​രു​ക്കി​യി​രി​ക്കു​ക​യാ​ണ്.

ഹ​രി​യാ​ൻ​വി ഗാ​യി​ക​യും പ്ര​ശ​സ്ത ന​ർ​ത്ത​കി​യു​മാ​യ പ്ര​ഞ്ജ​ൽ ദ​ഹി​യ​ക്ക് ത​ന്‍റെ പ​രി​പാ​ടി​ക്കി​ടെ നേ​രി​ടേ​ണ്ടി വ​ന്ന ദു​ര​നു​ഭ​വം ഇ​തി​ന്‍റെ ഏ​റ്റ​വും പു​തി​യ ഉ​ദാ​ഹ​ര​ണ​മാ​ണ്.

സ്റ്റേ​ജി​ൽ നി​ൽ​ക്കു​ന്ന ഒ​രു ക​ലാ​കാ​രി​യോ​ട് കാ​ണി​ക്കേ​ണ്ട അ​ടി​സ്ഥാ​ന​പ​ര​മാ​യ മ​ര്യാ​ദ പോ​ലും മ​റ​ന്ന് പെ​രു​മാ​റു​ന്ന പു​രു​ഷ​ന്മാ​രു​ടെ എ​ണ്ണം വ​ർ​ധി​ക്കു​ന്ന​ത് ആ​ശ​ങ്കാ​ജ​ന​ക​മാ​ണെ​ന്ന് ഈ ​സം​ഭ​വം തെ​ളി​യി​ക്കു​ന്നു.

ത​ന്‍റെ പ​രി​പാ​ടി കാ​ണാ​നെ​ത്തി​യ സ​ദ​സി​ലെ ഒ​രു മ​ധ്യ​വ​യ​സ്ക​ൻ പ​രി​ധി​വി​ട്ട് പെ​രു​മാ​റി​യ​താ​ണ് ഗാ​യി​ക​യെ പ്ര​കോ​പി​പ്പി​ച്ച​ത്. ക​ല​യെ ആ​സ്വ​ദി​ക്കു​ന്ന​തി​ന് പ​ക​രം അ​ശ്ലീ​ല​മാ​യ രീ​തി​യി​ൽ പെ​രു​മാ​റു​ക​യും മോ​ശ​മാ​യ പ​രാ​മ​ർ​ശ​ങ്ങ​ൾ ന​ട​ത്തു​ക​യും ചെ​യ്ത വ്യ​ക്തി​ക്ക് പ്ര​ഞ്ജ​ൽ വേ​ദി​യി​ൽ വെ​ച്ച് ത​ന്നെ ശ​ക്ത​മാ​യ മ​റു​പ​ടി ന​ൽ​കി.

പ​രി​പാ​ടി പ​കു​തി​ക്ക് വെ​ച്ച് നി​ർ​ത്തി മൈ​ക്കി​ലൂ​ടെ ആ ​വ്യ​ക്തി​യെ വി​ര​ട്ടി​യ അ​വ​ർ, താ​ൻ അ​യാ​ളു​ടെ മ​ക​ളു​ടെ പ്രാ​യ​മേ​യു​ള്ളൂ എ​ന്ന് ഓ​ർ​മ്മി​പ്പി​ച്ചു.

സ്വ​ന്തം മ​ക​ളു​ടെ പ്രാ​യ​മു​ള്ള കു​ട്ടി​യോ​ട് ഇ​ത്ത​ര​ത്തി​ലാ​ണോ പെ​രു​മാ​റു​ന്ന​ത് എ​ന്ന പ്ര​ഞ്ജ​ലി​ന്‍റെ ചോ​ദ്യ​ത്തി​ന് മു​ന്നി​ൽ സ​ദ​സ് ഒ​ന്ന​ട​ങ്കം നി​ശ​ബ്ദ​മാ​യി.

ത​ന്‍റെ വ്യ​ക്തി​സ്വാ​ത​ന്ത്ര്യ​ത്തെ​യും അ​ന്ത​സി​നെ​യും ചോ​ദ്യം ചെ​യ്യു​ന്ന രീ​തി​യി​ലു​ള്ള യാ​തൊ​രു ഇ​ട​പെ​ട​ലും ഒ​രു ക​ലാ​കാ​രി എ​ന്ന നി​ല​യി​ൽ താ​ൻ സ​ഹി​ക്കി​ല്ലെ​ന്ന് അ​വ​ർ ഉ​റ​പ്പി​ച്ചു പ​റ​ഞ്ഞു.

ഈ ​സം​ഭ​വ​ത്തി​ന്‍റെ വീ​ഡി​യോ ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ പ്ര​ച​രി​ച്ച​തോ​ടെ വ​ലി​യ രീ​തി​യി​ലു​ള്ള പി​ന്തു​ണ​യാ​ണ് പ്ര​ഞ്ജ​ലി​ന് ല​ഭി​ക്കു​ന്ന​ത്.

പു​റ​ത്തു​വ​ന്ന ദൃ​ശ്യ​ങ്ങ​ൾ ഇ​ന്ത്യ​യി​ലെ പു​രു​ഷ​ന്മാ​രു​ടെ പൊ​തു​വാ​യ പെ​രു​മാ​റ്റ രീ​തി​ക​ളെ​യും സ്ത്രീ ​സു​ര​ക്ഷാ മാ​ന​ദ​ണ്ഡ​ങ്ങ​ളെ​യും കു​റി​ച്ചു​ള്ള ഗൗ​ര​വ​ക​ര​മാ​യ സം​വാ​ദ​ങ്ങ​ൾ​ക്കാ​ണ് തു​ട​ക്ക​മി​ട്ട​ത്.

ക​ലാ​കാ​രി​ക​ൾ വേ​ദി​യി​ൽ നൃ​ത്തം ചെ​യ്യു​ന്ന​തോ പാ​ടു​ന്ന​തോ അ​വ​ർ ആ​ർ​ക്കും കീ​ഴ​ട​ങ്ങാ​ൻ ത​യ്യാ​റാ​ണെ​ന്നോ അ​ല്ലെ​ങ്കി​ൽ മോ​ശ​മാ​യി പെ​രു​മാ​റാ​ൻ ന​ൽ​കു​ന്ന അ​നു​വാ​ദ​മോ അ​ല്ലെ​ന്ന് പ​ല​രും സോ​ഷ്യ​ൽ മീ​ഡി​യ​യി​ലൂ​ടെ അ​ഭി​പ്രാ​യ​പ്പെ​ട്ടു.

പ്രാ​യ​മാ​യ​വ​രി​ൽ നി​ന്ന് പോ​ലും ഇ​ത്ത​ര​ത്തി​ലു​ള്ള പെ​രു​മാ​റ്റം ഉ​ണ്ടാ​കു​ന്ന​ത് ല​ജ്ജാ​ക​ര​മാ​ണെ​ന്നും ഇ​തി​നെ​തി​രെ ക​ർ​ശ​ന​മാ​യ ന​ട​പ​ടി​ക​ൾ ഉ​ണ്ടാ​ക​ണ​മെ​ന്നും സോ​ഷ്യ​ൽ മീ​ഡി​യ ഉ​പ​യോ​ക്താ​ക്ക​ൾ ആ​വ​ശ്യ​പ്പെ​ടു​ന്നു.

സ​ദ​സി​ലി​രു​ന്ന് അ​പ​മാ​നി​ക്കാ​ൻ ശ്ര​മി​ച്ച വ്യ​ക്തി​യെ യാ​തൊ​രു ഭ​യ​വു​മി​ല്ലാ​തെ പ​ര​സ്യ​മാ​യി ശാ​സി​ച്ച പ്ര​ഞ്ജ​ലി​ന്‍റെ ധീ​ര​ത​യെ പ​ല​രും പ്ര​ശം​സി​ച്ചു.

ഓ​രോ ക​ലാ​കാ​ര​നും സു​ര​ക്ഷി​ത​മാ​യ അ​ന്ത​രീ​ക്ഷ​ത്തി​ൽ ജോ​ലി ചെ​യ്യാ​നു​ള്ള അ​വ​കാ​ശ​മു​ണ്ടെ​ന്നും ഇ​ത്ത​രം മോ​ശം പെ​രു​മാ​റ്റ​ങ്ങ​ൾ ത​ട​യാ​ൻ സം​ഘാ​ട​ക​ർ കൂ​ടു​ത​ൽ ശ്ര​ദ്ധി​ക്ക​ണ​മെ​ന്നു​മു​ള്ള ആ​വ​ശ്യം ഇ​തോ​ടെ ശ​ക്ത​മാ​യി​രി​ക്കു​ക​യാ​ണ്.

വ​സ്ത്ര​ധാ​ര​ണ​ത്തി​ന്‍റെ​യോ ജോ​ലി​യു​ടെ​യോ പേ​രി​ൽ സ്ത്രീ​ക​ളെ വി​വേ​ച​ന​ത്തോ​ടെ കാ​ണു​ന്ന മ​നോ​ഭാ​വം സ​മൂ​ഹ​ത്തി​ൽ നി​ന്ന് മാ​റേ​ണ്ട​ത് അ​ത്യാ​വ​ശ്യ​മാ​ണെ​ന്ന് ഈ ​സം​ഭ​വം ന​മ്മെ വീ​ണ്ടും ഓ​ർ​മ്മി​പ്പി​ക്കു​ന്നു.