9

പാ​രീ​സ്: ഒ​ടു​വി​ല്‍ കാ​ത്തി​രു​ന്ന പ്ര​ഖ്യാ​പ​ന​മെ​ത്തി. ഫ്ര​ഞ്ച് പു​രു​ഷ ഫു​ട്‌​ബോ​ള്‍ ടീ​മി​നെ മു​ന്‍ സൂ​പ്പ​ര്‍ താ​രം സി​ന​ദീ​ന്‍ സി​ദാ​ന്‍ പ​രി​ശീ​ലി​പ്പി​ക്കും. 2026 ഫി​ഫ ലോ​ക​ക​പ്പോ​ടെ മു​ന്‍​പ​രി​ശീ​ല​ക​ന്‍ ദി​ദി​യെ ദേ​ഷാം​പ് പ​രി​ശീ​ല​ക വേ​ഷം അ​ഴി​ച്ചു​വ​ച്ചി​രു​ന്നു.

ദേ​ഷാം​പി​ന്‍റെ പി​ന്മു​റ​ക്കാ​ര​നാ​യി സി​ദാ​ന്‍ എ​ത്തു​മെ​ന്ന് നേ​ര​ത്തേ തീ​രു​മാ​ന​മാ​യ​താ​ണ്. ഇ​ക്കാ​ര്യം ഇ​ന്ന​ലെ ഫ്രാ​ന്‍​സ് ഫു​ട്‌​ബോ​ള്‍ ഫെ​ഡ​റേ​ഷ​ന്‍ (എ​ഫ്എ​ഫ്എ​ഫ്) ഔ​ദ്യോ​ഗി​ക​മാ​യി പ്ര​ഖ്യാ​പി​ച്ചു. 1998ല്‍ ​ഫ്രാ​ന്‍​സി​നെ ഫി​ഫ ലോ​ക​ക​പ്പ് കി​രീ​ട​ത്തി​ല്‍ എ​ത്തി​ച്ച​വ​നാ​ണ് സി​ദാ​ന്‍. പി​ന്നാ​ലെ ന​ട​ന്ന 2000 യൂ​റോ ക​പ്പി​ലും സി​ദാ​ന്‍റെ ഫ്രാ​ന്‍​സ് ചാ​മ്പ്യ​ന്മാ​രാ​യി.

2006ല്‍ ​ഫ്രാ​ന്‍​സ് ഫി​ഫ ലോ​ക​ക​പ്പ് ഫൈ​ന​ലി​ല്‍ പ്ര​വേ​ശി​ച്ചെ​ങ്കി​ലും ഇ​റ്റ​ലി​യു​ടെ മാ​ര്‍​ക്കൊ മ​റ്റെ​രാ​സി​യെ ത​ല​കൊ​ണ്ട് ഇടി​ച്ചുവീ​ഴ്ത്തി​യ​തോ​ടെ ചു​വ​പ്പു​കാ​ര്‍​ഡ് ക​ണ്ട് പു​റ​ത്താ​യി. മ​ത്സ​രം പെ​നാ​ല്‍​റ്റി ഷൂ​ട്ടൗ​ട്ടി​ലേ​ക്കു നീ​ണ്ട​തോ​ടെ ഫ്രാ​ന്‍​സി​നെ കീ​ഴ​ട​ക്കി ഇ​റ്റ​ലി ക​പ്പു​യ​ര്‍​ത്തു​ക​യും ചെ​യ്തു.

നാ​ലു വ​ര്‍​ഷം ക​രാ​ര്‍

നാ​ലു വ​ര്‍​ഷ ക​രാ​റി​ലാ​ണ് സി​ദാ​ന്‍ ഫ്രാ​ന്‍​സി​ന്‍റെ മു​ഖ്യ​പ​രി​ശീ​ല​ക​സ്ഥാ​ന​ത്ത് എ​ത്തി​യി​രി​ക്കു​ന്ന​ത്. 2006 ഫി​ഫ ലോ​ക​ക​പ്പ് ഫൈ​ന​ലി​ലെ ചു​വ​പ്പു​കാ​ര്‍​ഡി​നു പി​ന്നാ​ലെ പ്ര​ഫ​ഷ​ണ​ല്‍ ഫു​ട്‌​ബോ​ളി​ല്‍​നി​ന്ന് സി​ദാ​ന്‍ വി​ര​മി​ക്ക​ല്‍ പ്ര​ഖ്യാ​പി​ച്ചു. നീ​ണ്ട 20 വ​ര്‍​ഷ​ത്തെ ഇ​ട​വേ​ള​യ്ക്കു​ശേ​ഷം ലേ ​ബ്ലൂ​സി​ന്‍റെ ക്യാ​മ്പി​ലേ​ക്ക് സി​ദാ​ന്‍ തി​രി​ച്ചെ​ത്തി​യി​രി​ക്കു​ക​യാ​ണ്.

ഫ്രാ​ന്‍​സ് ആ​ദ്യ​മാ​യി ഫി​ഫ ലോ​ക​ക​പ്പ് സ്വ​ന്ത​മാ​ക്കി​യ 1998 ടീ​മി​ന്‍റെ ക്യാ​പ്റ്റ​നാ​യി​രു​ന്നു ദി​ദി​യെ ദേ​ഷാം​പ്. അ​തേ​ടീ​മി​ലെ മ​റ്റൊ​രാ​ള്‍ ഫ്രാ​ന്‍​സി​ന്‍റെ മാ​നേ​ജ​ര്‍ സ്ഥാ​ന​ത്ത് എ​ത്തു​ന്നു എ​ന്ന​തും സി​ദാ​ന്‍റെ വ​ര​വി​ലെ പ്ര​ത്യേ​ക​ത​യാ​ണ്. 2012 മു​ത​ല്‍ 2026വ​രെ​യാ​യി 14 വ​ര്‍​ഷം ദി​ദി​യെ ദേ​ഷാം​പ് ഫ്രാ​ന്‍​സി​ന്‍റെ മു​ഖ്യ​പ​രി​ശീ​ല​ക​നാ​യി​രു​ന്നു. 64.90 ആ​യി​രു​ന്നു ഫ്ര​ഞ്ച് മാ​നേ​ജ​ര്‍ സ്ഥാ​ന​ത്ത് ദേ​ഷാം​പി​ന്‍റെ വി​ജ​യ​ശ​ത​മാ​നം.

റ​യ​ലി​ല്‍​നി​ന്ന് ഫ്രാ​ന്‍​സ്

സി​ദ്ദാ​ന്‍ സ്പാ​നി​ഷ് വ​മ്പ​ന്‍ ക്ല​ബ്ബാ​യ റ​യ​ല്‍ മാ​ഡ്രി​ഡി​ന്‍റെ മു​ഖ്യ​പ​രി​ശീ​ല​ക​നാ​യി​രു​ന്നു. തു​ട​ര്‍​ച്ച​യാ​യി മൂ​ന്നു ത​വ​ണ യു​വേ​ഫ ചാ​മ്പ്യ​ന്‍​സ് ലീ​ഗ് കി​രീ​ടം സ്വ​ന്ത​മാ​ക്കി​യ ലോ​ക​ത്തി​ലെ ഏ​ക മാ​നേ​ജ​രാ​ണ് സി​ദ്ദാ​ന്‍. 2015-16, 2016-17, 2017-18 സീ​സ​ണു​ക​ളി​ലാ​യി​രു​ന്നു സി​ദ്ദാ​ന്‍റെ ശി​ക്ഷ​ണ​ത്തി​ല്‍ റ​യ​ല്‍ ചാ​മ്പ്യ​ന്‍​സ് ലീ​ഗ് കി​രീ​ട​മു​യ​ര്‍​ത്തി​യ​ത്.

2006ല്‍ ​പ്ര​ഫ​ഷ​ണ​ല്‍ ഫു​ട്‌​ബോ​ളി​ല്‍​നി​ന്ന് വി​ര​മി​ച്ചെ​ങ്കി​ലും 2014 ജൂ​ണി​ല്‍ റ​യ​ല്‍ മാ​ഡ്രി​ഡ് ജൂ​ണി​യ​ര്‍ ടീ​മി​ന്‍റെ മാ​നേ​ജ​ര്‍ സ്ഥാ​നം ഏ​റ്റെ​ടു​ത്തു. 2016 മു​ത​ല്‍ 2018വ​രെ റ​യ​ലി​ന്‍റെ സീ​നി​യ​ര്‍ ടീ​മി​ന്‍റെ മാ​നേ​ജ​ര്‍ സ്ഥാ​ന​ത്ത്. പി​ന്നീ​ട് 2019 മു​ത​ല്‍ 2021വ​രെ റ​യ​ലി​ല്‍ ര​ണ്ടാം വ​ര​വ്. മാ​നേ​ജ​രാ​യി 11 ട്രോ​ഫി​ക​ള്‍ റ​യ​ല്‍ മാ​ഡ്രി​ഡി​ല്‍ എ​ത്തി​ച്ചു. 2021 ജൂ​ണി​ല്‍ റ​യ​ലി​ന്‍റെ മാ​നേ​ജ​ര്‍ റോ​ളി​ല്‍​നി​ന്ന് പ​ടി​യി​റ​ങ്ങി. അ​ഞ്ച് വ​ര്‍​ഷ​ത്തെ ഇ​ട​വേ​ള​യ്ക്കു​ശേ​ഷം സി​ദാ​ന്‍ വീ​ണ്ടും മാ​നേ​ജ​ര്‍ കു​പ്പാ​യ​മ​ണി​യു​ന്നു; ഫ്ര​ഞ്ച് ഫു​ട്‌​ബോ​ളി​ല്‍ വീ​ണ്ടും സി​ദാ​ന്‍ വ​സ​ന്തം...