20

പ​തി​നാ​യി​ര​ക്ക​ണ​ക്കി​ന് മ​നു​ഷ്യ​രെ മ​ര​ണ​ത്തി​ലേ​ക്കും ഗു​രു​ത​ര ആ​രോ​ഗ്യ പ്ര​ശ്ന​ങ്ങ​ളി​ലേ​ക്കും ത​ള്ളി​വി​ട്ട അ​തി​മാ​ര​ക ക​ള​നാ​ശി​നി​ക്ക് ഇ​ന്ത്യ​യി​ൽ അ​വ​സാ​നം വി​ല​ക്കു വ​രു​ന്നു. മ​നു​ഷ്യ​രി​ലും മൃ​ഗ​ങ്ങ​ളി​ലും ഗു​രു​ത​ര​മാ​യ ആ​രോ​ഗ്യ പ്ര​ശ്ന​ങ്ങ​ൾ സൃ​ഷ്ടി​ക്കു​ന്ന മാ​ര​ക ക​ള​നാ​ശി​നി പാ​ര​ക്വാ​റ്റ് ഇ​ന്ത്യ​യി​ൽ നി​രോ​ധി​ക്കാ​നാ​ണ് കേ​ന്ദ്ര ഗ​വ​ൺ​മെ​ന്‍റ് തീ​രു​മാ​നി​ച്ചി​രി​ക്കു​ന്ന​ത്. ഇ​തി​ന്‍റെ ഭാ​ഗ​മാ​യി "പാ​ര​ക്വാ​റ്റ് ഡൈ​ക്ലോ​റൈ​ഡ് നി​രോ​ധ​ന ഉ​ത്ത​ര​വ്, 2026'ന്‍റെ ക​ര​ട് ജൂ​ലൈ 13ന് ​കേ​ന്ദ്രം ഗ​സ​റ്റി​ൽ പ്ര​സി​ദ്ധീ​ക​രി​ച്ചു. അ​ന്തി​മ തീ​രു​മാ​നം എ​ടു​ക്കു​ന്ന​തി​ന് മു​മ്പ് ഓ​ഗ​സ്റ്റ് 13ന​കം പൊ​തു​ജ​ന​ങ്ങ​ൾ​ക്കും ഈ ​ക​ള​നാ​ശി​നി​യു​ടെ വ്യാ​പാ​ര​വു​മാ​യി ബ​ന്ധ​പ്പെ​ട്ട മ​റ്റു​ള്ള​വ​ർ​ക്കും കേ​ന്ദ്ര കൃ​ഷി-​ക​ർ​ഷ​ക​ക്ഷേ​മ മ​ന്ത്രാ​ല​യ​ത്തെ അ​ഭി​പ്രാ​യ​ങ്ങ​ൾ അ​റി​യി​ക്കാം. പാ​ര​ക്വാ​റ്റ് നി​രോ​ധ​നം പ​രി​ശോ​ധി​ക്കാ​ൻ 2026 ജ​നു​വ​രി​യി​ൽ കേ​ന്ദ്ര ഗ​വ​ൺ​മെ​ന്‍റ് കൃ​ഷി ശാ​സ്ജ്ഞ​രും ഡോ​ക്ട​ർ​മാ​രും അ​ട​ങ്ങി​യ വി​ദ​ഗ്ധ സ​മി​തി​യെ നി​യ​മി​ച്ചി​രു​ന്നു.

ആ​ഗോ​ള ത​ല​ത്തി​ൽ ഏ​റ്റ​വും കൂ​ടു​ത​ൽ ഉ​പ​യോ​ഗി​ക്കു​ന്ന മൂ​ന്നാ​മ​ത്തെ ക​ള​നാ​ശി​നി​യാ​ണ് പാ​ര​ക്വാ​റ്റ് ഡൈ​ക്ലോ​റൈ​ഡ്. ഇ​ന്ത്യ​യി​ലും കേ​ര​ള​ത്തി​ലും ഏ​റ്റ​വും കൂ​ടു​ത​ൽ ഉ​പ​യോ​ഗി​ക്കു​ന്ന ക​ള​നാ​ശി​നി​ക​ളി​ലൊ​ന്നാ​ണി​ത്. 2023-24ൽ 1.05 ​ല​ക്ഷം ട​ൺ പാ​ര​ക്വാ​റ്റാ​ണ് ഇ​ന്ത്യ​യി​ൽ വി​റ്റ​ഴി​ഞ്ഞ​ത്. 1500 കോ​ടി രൂ​പ​യാ​ണ് ഈ ​ക​ള​നാ​ശി​നി​യു​ടെ ഇ​ന്ത്യ​യി​ലെ വാ​ർ​ഷി​ക മാ​ർ​ക്ക​റ്റ്. മ​നു​ഷ്യ​രി​ലും മൃ​ഗ​ങ്ങ​ളി​ലും ഈ ​ക​ള​നാ​ശി​നി​യു​മാ​യു​ള്ള സ​മ്പ​ർ​ക്കം ഗു​രു​ത​ര​മാ​യ ആ​രോ​ഗ്യ പ്ര​ശ്ന​ങ്ങ​ൾ​ക്കു കാ​ര​ണ​മാ​കും. ഈ ​ക​ള​നാ​ശി​നി ഉ​ള്ളി​ൽ ചെ​ന്നാ​ൽ ഭ​ക്ഷ്യ​വി​ഷ​ബാ​ധ​യു​ടെ ല​ക്ഷ​ണ​ങ്ങ​ൾ പ്ര​ക​ടി​പ്പി​ക്കു​മെ​ന്ന​തി​നാ​ൽ ക​ള​നാ​ശി​നി​യാ​ണെ​ന്നു പെ​ട്ടെ​ന്ന് തി​രി​ച്ച​റി​യാ​റി​ല്ല. വൃ​ക്ക, ക​ര​ൾ തു​ട​ങ്ങി​യ ആ​ന്ത​രി​കാ​വ​യ​വ​ങ്ങ​ൾ ക്ര​മേ​ണ ത​ക​രാ​റി​ലാ​കും. അ​വ​സാ​നം ശ്വാ​സ​കോ​ശ​ത്തെ ബാ​ധി​ക്കും. ഫൈ​ബ്രോ​സി​സ് ബാ​ധി​ച്ച് ശ്വാ​സ​കോ​ശം ന​ശി​ക്കും. ത​ല​ച്ചോ​റി​ലെ കോ​ശ​ങ്ങ​ളെ ബാ​ധി​ച്ച് പാ​ർ​ക്കി​ൻ​സ​ൺ​സ് രോ​ഗ​ത്തി​നു കാ​ര​ണ​മാ​കും. ഇ​തു​മാ​യി ബ​ന്ധ​പ്പെ​ട്ട ശാ​സ്ത്രീ​യ പ​ഠ​ന​ങ്ങ​ൾ പ​രി​ശോ​ധി​ച്ച വി​ദ​ഗ്ധ സ​മി​തി ഐക​ക​ണ്ഠേ്യ​ന ഈ ​ക​ള​നാ​ശി​നി നി​രോ​ധി​ക്കാ​ൻ ശി​പാ​ർ​ശ ചെ​യ്യു​ക​യാ​യി​രു​ന്നു.

മാരകവിഷം

ഇ​ന്ത്യ​യി​ൽ കീ​ട​നാ​ശി​നി​യു​മാ​യി ബ​ന്ധ​പ്പെ​ട്ട മ​ര​ണ​ങ്ങ​ളി​ൽ ഏ​റ്റ​വും കൂ​ടു​ത​ൽ സം​ഭ​വി​ക്കു​ന്ന​ത് പാ​ര​ക്വാ​റ്റ് ഉ​ള്ളി​ൽ ചെ​ന്നാ​ണ്. ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ലാ​ണ് ഇ​ത് ഏ​റ്റ​വും രൂ​ക്ഷം. ആ​റു വ​ർ​ഷ​ത്തെ ക​ണ​ക്കു​ക​ൾ പ​ഠ​നവി​ധേ​യ​മാ​ക്കി​യ വെ​ല്ലൂ​ർ ക്രി​സ്ത്യ​ൻ മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​ർ ഈ ​ക​ള​നാ​ശി​നി അ​ടി​യ​ന്ത​ര​മാ​യി നി​യ​ന്ത്രി​ക്ക​ണ​മെ​ന്ന് ത​മി​ഴ്നാ​ട്ടി​ലെ​യും ആ​ന്ധ്ര​പ്ര​ദേ​ശി​ലെ​യും ചീ​ഫ് സെ​ക്ര​ട്ട​റി​മാ​ർ​ക്കു ക​ത്തെ​ഴു​തി​യി​രു​ന്നു. പാ​ര​ക്വാ​റ്റ് വി​ഷ​ബാ​ധ​യേ​റ്റ 80.9 ശ​ത​മാ​നം ആ​ളു​ക​ളും ആ​ശു​പ​ത്രി​യി​ൽ അ​ഡ്മി​റ്റാ​കു​ന്ന ഘ​ട്ട​ത്തി​ൽ​ത​ന്നെ മൃ​തി​യ​ട​യു​ന്ന​താ​യി ഈ ​ഡോ​ക്ട​ർ​മാ​രു​ടെ പ​ഠ​ന​ത്തി​ൽ ക​ണ്ടെ​ത്തി. പാ​ര​ക്വാ​റ്റ് നി​രോ​ധി​ച്ച ദ​ക്ഷി​ണ കൊ​റി​യ, താ​യ്‌​വാ​ൻ എ​ന്നീ രാ​ജ്യ​ങ്ങ​ളി​ൽ കു​റ​ഞ്ഞ കാ​ലം​കൊ​ണ്ട് കീ​ട​നാ​ശി​നി​യു​മാ​യി ബ​ന്ധ​പ്പെ​ട്ട മ​ര​ണ​ങ്ങ​ളി​ൽ 50 ശ​ത​മാ​ന​ത്തോ​ളം കു​റ​വു​ണ്ടാ​യ​താ​യി ക​ണ​ക്കു​ക​ൾ സൂ​ചി​പ്പി​ക്കു​ന്നു.

ആ​ത്മ​ഹ​ത്യ ചെ​യ്യാ​ൻ ആ​ളു​ക​ൾ ഏ​റ്റ​വും കൂ​ടു​ത​ൽ തെ​ര​ഞ്ഞെ​ടു​ക്കു​ന്ന കീ​ട​നാ​ശി​നി​യാ​ണ് പാ​ര​ക്വാ​റ്റ്. ഈ ​ക​ള​നാ​ശി​നി സ്ഥി​ര​മാ​യി നി​രോ​ധി​ക്ക​ണ​മെ​ന്ന് ആ​വ​ശ്യ​പ്പെ​ടു​ന്ന​വ​രു​ടെ മു​ൻ​നി​ര​യി​ൽ ഹൈ​ദ​രാ​ബാ​ദി​ലെ ഡോ​ക്ടേ​ഴ്സ് എ​ഗ​ൻ​സ്റ്റ് പാ​ര​ക്വാ​റ്റ് പോ​യി​സ​ൺ (ഡി​എ​പി​പി) എ​ന്ന സം​ഘ​ട​ന​യു​മു​ണ്ട്. പാ​ര​ക്വാ​റ്റ് ഉ​ള്ളി​ൽ ചെ​ന്നാ​ൽ മ​ര​ണ​നി​ര​ക്ക് ഏ​ക​ദേ​ശം 90 മു​ത​ൽ 95 ശ​ത​മാ​നം വ​രെ​യാ​ണെ​ന്നും അ​തി​ജീ​വ​ന നി​ര​ക്ക് തീ​രെ കു​റ​വാ​ണെ​ന്നും ഈ ​സം​ഘ​ട​ന പ​റ​യു​ന്നു. അ​തി​ജീ​വി​ക്കു​ന്ന​വ​ർ​ത​ന്നെ പി​ന്നീ​ട് അ​തീ​വ ഗു​രു​ത​ര​മാ​യ ആ​രോ​ഗ്യ പ്ര​ശ്ന​ങ്ങ​ൾ നേ​രി​ടേ​ണ്ടി വ​രും.
ഞെട്ടിക്കുന്ന കണക്കുകൾ

കേ​ര​ള​ത്തി​ന്‍റെ തോ​ട്ടം മേ​ഖ​ല വ​ർ​ഷ​ങ്ങ​ളാ​യി ഈ ​ക​ള​നാ​ശി​നി സൃ​ഷ്ടി​ക്കു​ന്ന ആ​രോ​ഗ്യ പ്ര​ശ്ന​ങ്ങ​ളു​ടെ ഭീ​തി​യി​ലാ​ണ്. ഇ​ടു​ക്കി ജി​ല്ല​യി​ലെ ത​മി​ഴ്നാ​ട് അ​തി​ർ​ത്തി​യോ​ടു ചേ​ർ​ന്ന തേ​യി​ല, ഏ​ലം തോ​ട്ട മേ​ഖ​ല​ക​ളാ​ണു കൂ​ടു​ത​ൽ ഭീ​ഷ​ണി നേ​രി​ടു​ന്ന​ത്. മ​റു​മ​രു​ന്നി​ല്ലാ​ത്ത മാ​ര​ക വി​ഷ​മാ​ണ് പാ​ര​ക്വാ​റ്റ്. നേ​രി​യ അ​ള​വി​ൽ ഉ​ള്ളി​ൽ ചെ​ന്നാ​ൽ​പോ​ലും മ​ര​ണം സു​നി​ശ്ചി​തം. ഒ​രു ഗ്ലാ​സ് വേ​ണ​മെ​ന്നി​ല്ല, ഒ​രു സ്പൂ​ൺ ഉ​ള്ളി​ൽ ചെ​ന്നാ​ലും മ​രി​ക്കും. മ​ര​ണം വേ​ദ​നാ​ജ​ന​ക​മാ​യി​രി​ക്കും. ക​ഷ്ടി​ച്ച് ര​ക്ഷ​പ്പെ​ടു​ന്ന കേ​സു​ക​ളി​ൽ വ​ള​രെ​ക്കാ​ലം ക​ഴി​യു​മ്പോ​ൾ​പോ​ലും ശ്വാ​സ​കോ​ശം ഉ​ൾ​പ്പെ​ടെ​യു​ള്ള ആ​ന്ത​രി​കാ​വ​യ​വ​ങ്ങ​ൾ ത​ക​രാ​റി​ലാ​കും.

കോ​ട്ട​യം മെ​ഡി​ക്ക​ൽ കോ​ള​ജി​ൽ 2025ലെ ​ആ​ദ്യ​ത്തെ ആ​റു മാ​സ​ങ്ങ​ളി​ൽ പാ​ര​ക്വാ​റ്റ് വി​ഷ​ബാ​ധ​യേ​റ്റ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച 23 പേ​ർ മ​രി​ച്ചു. ഇ​ടു​ക്കി ജി​ല്ല​യി​ലെ തോ​ട്ടം മേ​ഖ​ല​യി​ൽ​നി​ന്നു നി​ര​വ​ധി​യാ​ളു​ക​ളാ​ണ് ഓ​രോ വ​ർ​ഷ​വും പാ​ര​ക്വാ​റ്റ് വി​ഷ​ബാ​ധ​യേ​റ്റ് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ടു​ന്ന​ത്. പാ​ര​ക്വാ​റ്റ് അ​റി​യാ​തെ ഉ​ള്ളി​ൽ ചെ​ന്ന​വ​രും ക​ള​നാ​ശി​നി ത​ളി​ച്ച​വ​രും ആ​ത്മ​ഹ​ത്യ​ക്ക് ഉ​പ​യോ​ഗി​ച്ച​വ​രു​മെ​ല്ലാം ഇ​തി​ൽ ഉ​ൾ​പ്പെ​ടു​ന്നു. വ​ർ​ഷ​ങ്ങ​ളാ​യി കേ​ര​ള​ത്തി​ലെ റ​ബ​ർ, തേ​യി​ല, കാ​പ്പി, ഏ​ലം തോ​ട്ട മേ​ഖ​ല​ക​ൾ ഈ ​ക​ള​നാ​ശി​നി​യു​ടെ അ​നി​യ​ന്ത്രി​ത ഉ​പ​യോ​ഗ​ത്തി​ന്‍റെ ഭീ​ഷ​ണി​യി​ലാ​ണ്.

2011ൽ ​സം​സ്ഥാ​ന സ​ർ​ക്കാ​ർ കേ​ര​ള​ത്തി​ൽ പാ​ര​ക്വാ​റ്റി​ന്‍റെ ഉ​പ​യോ​ഗം നി​രോ​ധി​ച്ചു. നി​രോ​ധ​നം നി​ല​നി​ന്ന​പ്പോ​ഴും അ​യ​ൽ സം​സ്ഥാ​ന​ങ്ങ​ളി​ൽ​നി​ന്ന് ഇ​ത് സു​ല​ഭ​മാ​യി ല​ഭി​ക്കു​മാ​യി​രു​ന്നു. നി​രോ​ധ​ന​ത്തി​നെ​തി​രേ ചി​ല കീ​ട​നാ​ശി​നി നി​ർ​മാ​ണ ക​മ്പ​നി​ക​ൾ ഹൈ​ക്കോ​ട​തി​യെ സ​മീ​പി​ച്ചു.1968​ലെ ഇ​ന്ത്യ​ൻ കീ​ട​നാ​ശി​നി നി​യ​മം അ​നു​സ​രി​ച്ച് സം​സ്ഥാ​ന സ​ർ​ക്കാ​രി​ന് ഒ​രു കീ​ട​നാ​ശി​നി പ​ര​മാ​വ​ധി 60 ദി​വ​സ​ത്തേ​ക്കു മാ​ത്ര​മേ നി​രോ​ധി​ക്കാ​ൻ സാ​ധി​ക്കൂ. ഇ​ത് പി​ന്നീ​ട് 30 ദി​വ​സ​ത്തേ​ക്കു​കൂ​ടി നീ​ട്ടാം. ഇ​തി​ന്‍റെ അ​ടി​സ്ഥാ​ന​ത്തി​ൽ 2022ൽ ​കേ​ര​ള​ത്തി​ലെ പാ​ര​ക്വാ​റ്റ് നി​രോ​ധ​നം കേ​ര​ള ഹൈ​ക്കോ​ട​തി നീ​ക്കി.

കള മാത്രമല്ല മനുഷ്യനും ഇര

ലോ​കാ​രോ​ഗ്യ സം​ഘ​ട​ന "മി​ത​മാ​യി അ​പ​ക​ട​കാ​രി​യാ​യ' വി​ഷ​വ​സ്തു​വി​ന്‍റെ പ​ട്ടി​ക​യി​ലാ​ണ് ഉ​ൾ​പ്പെ​ടു​ത്തി​യി​രി​ക്കു​ന്ന​തെ​ങ്കി​ലും അ​ത്യ​ന്തം മാ​ര​ക​മാ​ണ് ഈ ​ക​ള​നാ​ശി​നി. ഇ​ത് തേ​യി​ല, കാ​പ്പി, റ​ബ​ർ എ​ന്നീ തോ​ട്ട​വി​ള​ക​ളും മു​ന്തി​രി,ആ​പ്പി​ൾ, നെ​ല്ല്, ഗോ​ത​മ്പ്, മ​ക്ക​ച്ചോ​ളം എ​ന്നീ ഭ​ക്ഷ്യ​വി​ള​ക​ളും ഉ​ൾ​പ്പെ​ടെ 10 വി​ള​ക​ളി​ൽ മാ​ത്രം ഉ​പ​യോ​ഗി​ക്കാ​നാ​ണ് കേ​ന്ദ്ര​ത്തി​ന്‍റെ അ​നു​മ​തി. ജ​ലാ​ശ​യ​ങ്ങ​ളി​ലെ ക​ള​ക​ൾ നീ​ക്കാ​നും ഇ​ത് ത​ളി​ക്കാം.10 വി​ള​ക​ളി​ൽ മാ​ത്രം ഉ​പ​യോ​ഗി​ക്കാ​ൻ അം​ഗീ​കാ​ര​മു​ള്ള പാ​ര​ക്വാ​റ്റ് 23 വി​ള​ക​ളി​ൽ വ്യാ​പ​ക​മാ​യി ഉ​പ​യോ​ഗി​ക്കു​ന്നു​ണ്ടെ​ന്ന് മൂ​ന്നു വ​ർ​ഷം മു​മ്പ് പെ​സ്റ്റി​സൈ​ഡ് ആ​ക്‌​ഷ​ൻ നെ​റ്റ്‌​വ​ർ​ക്ക് (ഇ​ന്ത്യ) പു​റ​ത്തി​റ​ക്കി​യ റി​പ്പോ​ർ​ട്ടി​ൽ പ​റ​യു​ന്നു. ശി​പാ​ർ​ശ ചെ​യ്യ​പ്പെ​ടാ​ത്ത വി​ള​ക​ളി​ലും വ്യാ​പ​ക​മാ​യി ഉ​പ​യോ​ഗി​ക്കു​ന്നു. ഒ​രു നി​യ​ന്ത്ര​ണ​വു​മി​ല്ലാ​തെ വി​റ്റ​ഴി​ക്കു​ന്ന​തി​നാ​ൽ പാ​ര​ക്വാ​റ്റ് ആ​ത്മ​ഹ​ത്യ​ക്കും കൊ​ല​പാ​ത​ക​ത്തി​നു​മെ​ല്ലാം വ്യാ​പ​ക​മാ​യി ദു​രു​പ​യോ​ഗം ചെ​യ്യ​പ്പെ​ടു​ന്നു.

ഈ ​വി​ഷം മ​നു​ഷ്യ ശ​രീ​ര​ത്തി​ൽ പ്ര​വേ​ശി​ച്ചാ​ൽ ര​ക്ത​പ്ര​വാ​ഹ​ത്തി​ലേ​ക്ക് ആ​ഗി​ര​ണം ചെ​യ്യ​പ്പെ​ടു​ന്നു. അ​തി​ലൂ​ടെ അ​ത് വൃ​ക്ക​ക​ൾ, ക​ര​ൾ, ശ്വാ​സ​കോ​ശം തു​ട​ങ്ങി​യ അ​വ​യ​വ​ങ്ങ​ളി​ലെ​ത്തും. ശ്വാ​സ​കോ​ശ​ങ്ങ​ൾ​ക്കാ​ണ് ഏ​റ്റ​വും കൂ​ടു​ത​ൽ നാ​ശം വ​രു​ത്തു​ക. പി​ന്നീ​ട് ചി​കി​ത്സി​ച്ചു ഭേ​ദ​മാ​ക്കാ​നും സാ​ധി​ക്കി​ല്ല. ജ​ലാ​ശ​യ​ങ്ങ​ളി​ൽ ക​ള ന​ശീ​ക​ര​ണ​ത്തി​ന് വ്യാ​പ​ക​മാ​യി ഉ​പ​യോ​ഗി​ക്കു​ന്ന​ത് ജ​ല​സ്രോ​ത​സു​ക​ളെ മ​ലി​ന​മാ​ക്കും. ജ​ല​ജീ​വി​ക​ളു​ടെ വൈ​വി​ധ്യ​ത്തി​നും ഹാ​നി​ക​ര​മാ​ണ്. ക​ട​ലി​ലെ മ​ത്സ്യ​ങ്ങ​ളേക്കാ​ൾ ശു​ദ്ധ​ജ​ല മ​ത്സ്യ​ങ്ങ​ൾ​ക്കാ​ണ് പാ​ര​ക്വാ​റ്റ് കൂ​ടു​ത​ൽ അ​പ​ക​ട​ക​രം. ഇ​ത് ഉ​ള്ളി​ൽ ചെ​ല്ലു​ന്ന മ​നു​ഷ്യ​ർ​ക്കും ജീ​വി​ക​ൾ​ക്കും മാ​ത്ര​മ​ല്ല, പ​രി​സ്ഥി​തി​ക്കും അ​പ​ക​ട​ക​ര​മാ​ണ്. ക​ള​ക​ൾ ന​ശി​ച്ച​തി​നു ശേ​ഷ​വും പാ​രാ​ക്വാ​റ്റ് മ​ണ്ണി​ൽ​ത​ന്നെ ദീ​ർ​ഘ​കാ​ലം അ​വ​ശേ​ഷി​ക്കും.

പാ​ര​ക്വാ​റ്റ് ഒ​രു നോ​ൺ-​സെ​ല​ക്ടീ​വ് കോ​ൺ​ടാ​ക്റ്റ് ക​ള​നാ​ശി​നി​യാ​ണ്. വേ​രു​ക​ളെ ബാ​ധി​ക്കാ​തെ സ​മ്പ​ർ​ക്ക​ത്തി​ൽ വ​രു​ന്ന എ​ല്ലാ സ​സ്യ​ങ്ങ​ളു​ടെ​യും പ​ച്ച ഭാ​ഗ​ങ്ങ​ൾ ന​ശി​പ്പി​ക്കു​ന്നു. 65 വ​ർ​ഷ​മാ​യി പാ​ര​ക്വാ​റ്റ് വി​പ​ണി​യി​ലു​ണ്ട്. ഇ​ന്ത്യ​യി​ൽ ഇ​തി​ന്‍റെ നി​ർ​മാ​ണ​ത്തി​ന് 1500ലേ​റെ ക​മ്പ​നി​ക​ൾ​ക്ക് ലൈ​സ​ൻ​സ് ന​ൽ​കി​യി​ട്ടു​ണ്ട്. പാ​ര​ക്വാ​റ്റ് ക​ള​നാ​ശി​നി നാ​ഡീ​വ്യ​വ​സ്ഥ​യു​ടെ ശി​ഥി​ലീ​ക​ര​ണ​ത്തി​ലൂ​ടെ പാ​ർ​ക്കി​ൻ​സ​ൺ​സ് ഉ​ൾ​പ്പെ​ടെ​യു​ള്ള മാ​ര​ക രോ​ഗ​ങ്ങ​ൾ​ക്കു കാ​ര​ണ​മാ​യി എ​ന്ന പ​രാ​തി​യു​മാ​യി അ​മേ​രി​ക്ക​ൻ കോ​ട​തി​ക​ളി​ൽ പ​തി​നാ​യി​ര​ക്ക​ണ​ക്കി​ന് കേ​സു​ക​ൾ നി​ല​വി​ലു​ണ്ട്. പാ​ര​ക്വാ​റ്റ് നി​ർ​മാ​താ​ക്ക​ളാ​യ ബ​ഹു​രാ​ഷ്‌​ട്ര ക​മ്പ​നി സി​ൻ​ജെ​ന്ത​യ്ക്കും വി​ത​ര​ണ​ക്കാ​ർ​ക്കു​മെ​തി​രേ​യാ​ണ് കേ​സു​ക​ൾ. പാ​ർ​ക്കി​ൻ​സ​ൺ​സ് ബാ​ധി​ച്ച വ്യ​ക്തി​ക​ളോ അ​വ​രു​ടെ ജീ​വി​ത പ​ങ്കാ​ളി​ക​ളോ ആ​ണ് പ​രാ​തി​ക്കാ​ർ.