28

കൊച്ചി: എസ്‌ഐടിയുടെ റെയ്ഡില്‍ മെസി വിവാദവുമായി ബന്ധപ്പെട്ട ഒരു ചോദ്യം പോലും ഉണ്ടായിരുന്നില്ലെന്ന് ആന്‍റോ അഗസ്റ്റിന്‍. മെസി വിവാദവുമായി ബന്ധപ്പെട്ട അന്വേഷണവുമായി സഹകരിക്കാന്‍ പൂര്‍ണമായും തയാറാണ്. പക്ഷെ വാര്‍ത്തകള്‍ എവിടെ നിന്നാണ് കിട്ടുന്നത്, കേന്ദ്രത്തില്‍ പിടിപാടുണ്ടോ, പാര്‍ട്ടി ബന്ധമുണ്ടോ എന്ന ചോദ്യങ്ങള്‍ക്ക് മറുപടിയില്ല എന്നും ആന്‍റോ അഗസ്റ്റിന്‍ മാധ്യമങ്ങളോട് പ്രതികരിച്ചു.

എന്നെ കസ്റ്റഡിയില്‍ എടുത്തിട്ടില്ല. മെസി വിവാദവുമായി ബന്ധപ്പെട്ട അന്വേഷണവുമായി സഹകരിക്കാന്‍ പൂര്‍ണമായും തയാറാണ്. എന്‍റെ ഫ്‌ളാറ്റ് പരിശോധിച്ചു. അതില്‍ ഞാന്‍ മറുപടി നല്‍കിയിട്ടുണ്ട്. ജേണലിസ്റ്റിക് ആംഗിളുമായി ബന്ധപ്പെട്ട ഒന്നും അവര്‍ക്ക് കിട്ടുന്നില്ലെന്നും ആന്‍റോ കൂട്ടിച്ചേർത്തു.

വി.ഡി. സതീശന്‍റെ രണ്ടാം കല്യാണം അടക്കമുള്ള ചോദ്യങ്ങള്‍ക്കൊന്നും എന്‍റെ കൈയില്‍ മറുപടിയില്ല. മെസി വിവാദവുമായി ബന്ധപ്പെട്ട എന്ത് അന്വേഷണത്തെയും സ്വാഗതം ചെയ്യുന്നു. അന്വേഷണവുമായി സഹകരിക്കും. എവിടെ വേണമെങ്കിലും റെയ്ഡ് നടത്താം. അതുമായി ബന്ധപ്പെട്ട എല്ലാ കാര്യങ്ങളോടും സഹകരിക്കും.

അല്ലാതെ നിങ്ങള്‍ക്ക് ആരാണ് വാര്‍ത്ത ചോര്‍ത്തി തരുന്നത്, നിങ്ങളുടെ കൂടെ കോണ്‍ഗ്രസിന്‍റെ ആരൊക്കെയുണ്ട്, സിപിഎമ്മുകാര്‍ ആരൊക്കെയുണ്ട്, ബിജെപിയില്‍ നിന്നുള്ള സപ്പോര്‍ട്ട്, കേന്ദ്രത്തില്‍ പിടിപാടാണല്ലോ എന്ന ചോദ്യങ്ങള്‍ക്കൊന്നും ഞങ്ങളുടെ കൈയില്‍ മറുപടിയില്ല.

സത്യസന്ധമായ അന്വേഷണമാണ് നടത്തുന്നതെങ്കില്‍ ഈ നാടകത്തിന്‍റെയൊന്നും ആവശ്യമില്ല. കഴിഞ്ഞ രണ്ടു മാസമായി എസ്‌ഐടി അന്വേഷണം നടക്കുന്നു. ഇതുവരെ ഒരു നോട്ടീസ് പോലും തന്നിട്ടില്ല. ജിഎസ്ടി രണ്ടു റിപ്പോര്‍ട്ട് ഫയല്‍ ചെയ്തു, അതിലും ഇതുവരെ ഒരു നോട്ടീസ് പോലും തന്നിട്ടില്ലെന്നും ആന്‍റോ അഗസ്റ്റിന്‍ വ്യക്തമാക്കി.

അതേസമയം, പുലര്‍ച്ചെ നാലോടെ ആരംഭിച്ച റെയ്ഡ് ആറു മണിക്കൂര്‍ പിന്നിട്ടിരുന്നു. 10.30 ഓടെയാണ് റെയ്ഡ് അവസാനിച്ചത്. കൊച്ചിയിലും വയനാട്ടിലുമായി അഞ്ചിടത്താണ് പരിശോധന നടന്നത്. കൊച്ചിയില്‍ ആന്‍റോ അഗസ്റ്റിന്‍റെ ഫ്‌ളാറ്റിലും റിപ്പോര്‍ട്ടര്‍ ചാനലിന്‍റെ ഓഫിസിലും ഗോട്ട് ആഡ് കമ്പനിയുടെ ഓഫീസിലും പരിശോധന നടന്നിരുന്നു.

കൊച്ചി: ഫുട്‌ബോള്‍ ഇതിഹാസം മെസിയെ കേരളത്തില്‍ എത്തിക്കാമെന്ന പേരില്‍ നടത്തിയ തട്ടിപ്പില്‍ സംസ്ഥാന വ്യാപക പരിശോധനയുമായി എസ്‌ഐടി. കൊച്ചിയിലും വയനാട്ടിലുമായി അഞ്ചിടത്താണ് പരിശോധന. കൊച്ചിയില്‍ ആന്‍റോ അഗസ്റ്റിന്‍റെ ഫ്‌ളാറ്റിലും റിപ്പോര്‍ട്ടര്‍ ചാനലിന്‍റെ ഓഫിസിലും ഗോട്ട് ആഡ് കമ്പനിയുടെ ഓഫീസിലും പരിശോധന പുരോഗമിക്കുകയാണ്.

പുലര്‍ച്ചെ നാലോടെ എഡിജിപി പി. വിജയന്‍റെ നേതൃത്വത്തിലാണ് പരിശോധന നടത്തുന്നത്. കളമശേരിയിലെ റിപ്പോര്‍ട്ടര്‍ ചാനല്‍ ഓഫിസിലും റിപ്പോര്‍ട്ടര്‍ ബ്രോഡ്കാസ്റ്റിംഗ് കമ്പനി ഉടമകളായ അഗസ്റ്റിന്‍ സഹോദരന്‍മാരുടെ കൊച്ചിയിലെയും വയനാട്ടിലെയും വീടുകളിലുമാണ് ഒരേ സമയം വിശദമായ പരിശോധന. സാമ്പത്തിക ഇടപാടുകള്‍, മറ്റ് കത്തിടപാടുകള്‍ എന്നിവ കണ്ടെത്തുകയാണ് ലക്ഷ്യം.

തട്ടിപ്പുമായി ബന്ധപ്പെട്ട് കളമശേരി പൊലിസ് സ്റ്റേഷനില്‍ ചൊവ്വാഴ്ചയാണ് റിപ്പോര്‍ട്ടര്‍ ബ്രോഡ്കാസ്റ്റിംഗ് കമ്പനി, ആന്‍റോ അഗസ്റ്റിന്‍ എന്നിവരെ പ്രതി ചേര്‍ത്ത് എഫ്‌ഐആര്‍ രജിസ്റ്റര്‍ ചെയ്തത്. ഇതിനു പിന്നാലെ കോടതിയില്‍ നിന്ന് അനുമതി വാങ്ങിയ ശേഷം പരിശോധനയിലേക്ക് കടക്കുകയായിരുന്നു. വഞ്ചന, തട്ടിപ്പ്, ഗൂഢാലോചന എന്നീ വകുപ്പുകള്‍ ചുമത്തിയാണ് കളമശേരി പൊലിസ് കേസ് എടുത്തിട്ടുള്ളത്.

കൊച്ചിയിലെ ഫ്‌ളാറ്റില്‍ ആന്‍റോ അഗസ്റ്റിനെയും ജോസുകുട്ടി അഗസ്റ്റിനെയും ചോദ്യം ചെയ്യുകയാണ്. അന്വേഷണത്തില്‍ ശേഖരിച്ച തെളിവുകള്‍ വച്ചാണ് ചോദ്യം ചെയ്യല്‍ പുരോഗമിക്കുന്നത്. സ്‌പോണ്‍സര്‍ഷിപ് വന്ന വഴി, സര്‍ക്കാര്‍ അനുമതിക്ക് മുമ്പേ അര്‍ജന്‍റീനയുമായുള്ള കരാര്‍ ഒപ്പിട്ടത്, കലൂര്‍ സ്റ്റേഡിയം കരാര്‍ ഇല്ലാതെ കൈവശം വച്ചത്, വിദേശത്തേക്ക് പണം അയച്ചതിന്‍റെ ഉറവിടം, പണം വന്ന വഴി, ഫെമ ചട്ടം ലംഘിച്ചുള്ള പണം കൈമാറ്റം എന്നിവ സംബന്ധിച്ചാണ് വിശദമായ ചോദ്യം ചെയ്യല്‍.

അതേസമയം, അന്വേഷണത്തിന്‍റെ ഭാഗമായി റിപ്പോര്‍ട്ടര്‍ ചാനലിന്‍റെ ന്യൂസ് ഡെസ്‌കിലെയും ഡിജിറ്റല്‍ ഡെസ്‌കിലെയും മാധ്യമപ്രവര്‍ത്തകരുടെ മൊബൈല്‍ ഫോണുകള്‍ ഉള്‍പ്പെടെയുള്ളവ പരിശോധിച്ചതായും മാധ്യമപ്രവര്‍ത്തകരെ ബലമായി ഇറക്കിവിട്ടതായും ചാനല്‍ അധികൃതര്‍ അറിയിച്ചു. സംഭവത്തില്‍ പത്രപ്രവര്‍ത്തക യൂണിയന്‍ പ്രതിഷേധം അറിയിച്ചു.

കൊച്ചി: മുട്ടില്‍ മരംമുറി വഞ്ചന കേസില്‍ ചോറ്റാനിക്കര മജിസ്ട്രേറ്റ് കോടതിയിലെ വിചാരണ സ്റ്റേ ചെയ്യണമെന്ന പ്രതികളുടെ ആവശ്യം ഹൈക്കോടതി തള്ളി. വിചാരണ ആറു മാസത്തിനകം പൂര്‍ത്തിയാക്കണമെന്ന് കോടതി നിര്‍ദേശിച്ചു.

സുല്‍ത്താന്‍ ബത്തേരി മജിസ്‌ട്രേറ്റ് കോടതിയില്‍ മരംമുറി കേസ് നടക്കുന്നതിനാല്‍ ചോറ്റാനിക്കര കോടതിയില്‍ കേസ് പരിഗണിക്കേണ്ടതില്ല എന്നായിരുന്നു പ്രതികളുടെ വാദം. വിചാരണ കോടതിയുടെ നടപടിക്കെതിരെ ഹൈക്കോടതിയില്‍ നടപടി പുരോഗമിക്കുകയാണെന്ന് പ്രതികള്‍ അറിയിച്ചതിനാല്‍ നേരത്തെ മജിസ്ട്രേറ്റ് കോടതി പലതവണ കേസ് മാറ്റിവച്ചിരുന്നു.

മജിസ്ട്രേറ്റ് കോടതി കടുത്ത നിലപാട് സ്വീകരിച്ചതോടെ കഴിഞ്ഞ വെള്ളിയാഴ്ച പ്രതികള്‍ വീഡിയോ കോണ്‍ഫറന്‍സ് വഴി ഹാജരായിരുന്നു. പ്രതികള്‍ക്കെതിരായ കുറ്റപത്രം വായിക്കുന്നത് സെപ്റ്റംബര്‍ 19ലേക്ക് മജിസ്‌ട്രേറ്റ് കോടതി മാറ്റിയിരുന്നു.

വയനാട് മേപ്പാടിയില്‍ നിന്ന് അനധികൃതമായി മുറിച്ച് കടത്തിയ മരങ്ങള്‍ വനംവകുപ്പ് പാസ് ഉണ്ടെന്ന് തെറ്റിദ്ധരിപ്പിച്ച് എറണാകുളത്തെ മരകമ്പനി ഉടമയ്ക്ക് വില്‍പ്പന നടത്തി വിശ്വാസ വഞ്ചന കാണിച്ചെന്നായിരുന്നു എറണാകുളം അമ്പലമേട് പൊലിസ് എടുത്ത കേസ്.

കമ്പനി ഉടമ എം.എം. അലിയാര്‍ നല്‍കിയ പരാതിയിലാണ് 2021ല്‍ റോജി അഗസ്റ്റിന്‍, ആന്‍റോ അഗസ്റ്റിന്‍, ജോസുകുട്ടി അഗസ്റ്റിന്‍ എന്നിവരെ പ്രതിയാക്കി കേസ് എടുത്തത്. സെപ്റ്റംബര്‍ 19ന് കുറ്റപത്രം വായിച്ചു കേള്‍പ്പിച്ച ശേഷം കോടതി കൂടുതല്‍ നടപടികളിലേക്ക് കടക്കും.

കൊച്ചി: മെസി വിവാദത്തില്‍ സ്‌പോണ്‍സറെ തെരഞ്ഞെടുത്തത് എങ്ങനെയാണ് എന്നുള്ള കാര്യങ്ങള്‍ പരിശോധിക്കണമെന്ന് കായിക മന്ത്രി ഒ.ജെ. ജനീഷ്. പത്തു ലക്ഷം മൂലധനം മാത്രമുള്ള സ്ഥാപനം എങ്ങനെയാണ് 200 കോടി രൂപ ചെലവ് വരുന്ന ഇവന്‍റിന്‍റെ സംഘാടകരായത്, എങ്ങനെയാണ് സ്‌പോണ്‍സറെ തെരഞ്ഞെടുത്തത് എന്ന കാര്യം അന്വേഷിക്കണമെന്ന് മന്ത്രി പറഞ്ഞു.

ആരോപിക്കപ്പെടുന്നവര്‍ പറയുന്നത് ചാനല്‍ സംവാദത്തിലൂടെ തെളിയിക്കും അല്ലെങ്കില്‍ പത്രസമ്മേളനം നടത്തി തെളിയിക്കുന്നതാണ്. അന്വേഷണത്തിലൂടെ തെളിയിക്കുമെന്ന് ആരും പറയുന്നില്ല. കൂടുതല്‍ കാര്യങ്ങള്‍ പുറത്തു വരട്ടെ. നടപടിക്രമങ്ങളില്‍ വീഴ്ച ഉണ്ടായി എന്നത് പ്രകടമായി ബോധ്യപ്പെടുന്ന കാര്യമാണ്.

സാമ്പത്തിക ക്രയവിക്രയം ഇതിന്‍റെ ഭാഗമായിട്ടുണ്ട്. പത്തു ലക്ഷം മാത്രം മൂലധനം ഉള്ള സ്ഥാപനം എങ്ങനെയാണ് 200 കോടി രൂപ ചെലവ് വരുന്ന ഇവന്‍റിന്‍റെ സംഘാടകരായത്? എങ്ങനെയാണ് സ്‌പോണ്‍സറെ തെരഞ്ഞെടുത്തത്, ഇങ്ങനെ കുറെ കാര്യങ്ങള്‍ പരിശോധിക്കപ്പെടേണ്ടതാണ്. അതില്‍ കൂടുതല്‍ അന്വേഷണം നടക്കട്ടെ എന്ന് മന്ത്രി പറഞ്ഞു.

അതേസമയം, മുന്‍ കായിക മന്ത്രി വി. അബ്ദുറഹിമാന്‍റെ ആരോപണങ്ങളോടും മന്ത്രി പ്രതികരിച്ചു. മന്ത്രി കള്ളം പറയുന്നു എന്ന് അല്ലെ അബ്ദുറഹിമാന് പറയാന്‍ സാധിക്കൂ. സത്യം തെളിയിക്കാനാണ് ഞാന്‍ ശ്രമിക്കുന്നത്. അവര്‍ക്ക് അവരുടെ ഭാഗം പറയാന്‍ ഇതല്ലാതെ മറ്റു മാര്‍ഗമൊന്നുമില്ല എന്നും മന്ത്രി വ്യക്തമാക്കി.

കായികമന്ത്രി തന്നെ ജനങ്ങളെ തെറ്റിദ്ധരിപ്പിച്ചുവെന്നാണ് അബ്ദുറഹിമാന്‍ തിരൂര്‍ തലക്കാട് ലോക്കല്‍ കമ്മിറ്റി യോഗത്തിനിടെ പറഞ്ഞത്. മന്ത്രിയുടെ കമ്പ്യൂട്ടറില്‍ അടിച്ചാല്‍ എസ്‌ഐടിക്ക് എല്ലാ രേഖകളും കിട്ടും. കായിക വകുപ്പ് സെക്രട്ടറി കൊടുത്ത റിപ്പോര്‍ട്ടില്‍ സത്യസന്ധമായ ഒന്നുമില്ലെന്നും അബ്ദുറഹിമാന്‍ പറഞ്ഞിരുന്നു.

കൊച്ചി: അര്‍ജന്‍റീന ഫുട്‌ബോള്‍ താരം ലയണല്‍ മെസിയെയും സംഘത്തെയും കേരളത്തില്‍ എത്തിക്കാമെന്ന പേരില്‍ നടത്തിയ തട്ടിപ്പില്‍ എസ്‌ഐടി പ്രാഥമിക അന്വേഷണത്തിന് കേസ് രജിസ്റ്റര്‍ ചെയ്തു. കളമശേരി സ്റ്റേഷനിലാണ് എഫ്‌ഐആര്‍ രജിസ്റ്റര്‍ ചെയ്തത്.

എന്നാല്‍ ആരെയും പ്രതി ചേര്‍ക്കാതെയാണ് എഫ്‌ഐആര്‍ രജിസ്റ്റര്‍ ചെയ്തിരിക്കുന്നത്. മെസിയെ കേരളത്തിലേക്ക് കൊണ്ടുവരുമെന്ന വ്യാജേന നടന്ന വിവിധ നിയമലംഘനങ്ങളെക്കുറിച്ചും കോടികളുടെ സാമ്പത്തിക അപാകതകളെക്കുറിച്ചും സമഗ്രമായി അന്വേഷിക്കാനാണ് സര്‍ക്കാര്‍ ഉത്തരവിട്ടിരുന്നത്.

വരുംദിവസങ്ങളില്‍ കേസില്‍ വ്യക്തമായ തെളിവുകള്‍ ശേഖരിച്ച ശേഷം കൂടുതല്‍ പ്രതികളെ കേസില്‍ ഉള്‍പ്പെടുത്താനാണ് അന്വേഷണ സംഘത്തിന്‍റെ തീരുമാനം. കളമശേരി സ്റ്റേഷനില്‍ രജിസ്റ്റര്‍ ചെയ്ത എഫ്‌ഐആറിനെ അടിസ്ഥാനമാക്കിയാകും കേസില്‍ തുടര്‍നടപടികള്‍ സ്വീകരിക്കുക.

ചേ​ര്‍​ത്ത​ല: പൊ​തു​മേ​ഖ​ലാ ബാ​ങ്കി​ന്‍റെ രേ​ഖ​ക​ള്‍ വ്യാ​ജ​മാ​യി ഉ​ണ്ടാ​ക്കി ത​ട്ടി​പ്പു ന​ട​ത്തി​യ കേ​സി​ല്‍ റി​മാ​ന്‍​ഡി​ലാ​യ മു​ന്‍ ക​രാ​ര്‍ ജീ​വ​ന​ക്കാ​രി ശ്രീ​ജ(38)യെ ​ക​സ്റ്റ​ഡി​യി​ല്‍ വാ​ങ്ങാ​ന്‍ നീ​ക്ക​വു​മാ​യി അ​ന്വേ​ഷ​ണ സം​ഘം. വ്യാ​ഴാ​ഴ്ച​യോ​ടെ കോ​ട​തി​യി​ല്‍ ക​സ്റ്റ​ഡി അ​പേ​ക്ഷ ന​ല്‍​കും. വാ​ര​നാ​ട് സ്വ​ദേ​ശി​യാ​യ ശ്രീ​ജ​യെ ഞാ​യ​റാ​ഴ്ച​യാ​ണ് പൊ​ലി​സ് അ​റ​സ്റ്റ് ചെ​യ്ത​ത്.

ഇ​വ​ര്‍ വ്യാ​ജ​മാ​യി ബാ​ങ്ക് രേ​ഖ​ക​ള്‍ ത​യാ​റാ​ക്കി​യ സ്ഥാ​പ​നം ക​ണ്ടെ​ത്തു​ക, ത​ട്ടി​പ്പി​ലൂ​ടെ സ​മാ​ഹ​രി​ച്ച പ​ണം ക​ണ്ടെ​ത്തു​ക, ത​ട്ടി​പ്പി​ല്‍ മ​റ്റാ​രെ​ങ്കി​ലും പ​ങ്കാ​ളി​യാ​യി​ട്ടു​ണ്ടോ​യെ​ന്നു തു​ട​ങ്ങി നി​ര​വ​ധി ക​ട​മ്പ​ക​ള്‍ അ​ന്വേ​ഷ​ണ സം​ഘ​ത്തി​നു മു​ന്നി​ലു​ണ്ട്. ഇ​വ​രെ ക​സ്റ്റ​ഡി​യി​ല്‍ വാ​ങ്ങി വി​ശ​ദ​മാ​യി ചോ​ദ്യം​ ചെ​യ്താ​ല്‍ മാ​ത്ര​മേ ഇ​തി​നെ​ല്ലാം ഉ​ത്ത​ര​മാ​കു​ക​യു​ള്ളു​വെ​ന്നാ​ണ് അ​ന്വേ​ഷ​ണ സം​ഘ​ത്തി​ന്‍റെ നി​ല​പാ​ട്.

പൊ​ലി​സ് ക​ണ്ടെ​ത്തി​യ ഇ​വ​രു​ടെ ബാ​ങ്ക് അ​ക്കൗ​ണ്ടി​ല്‍ 368 രൂ​പ ​മാ​ത്ര​മാ​ണു​ള്ള​ത്. പ​ണം എ​വി​ടെ​യെ​ന്ന​തി​ല്‍ പ​ര​സ്പ​ര​വി​രു​ദ്ധ​മാ​യ മ​റു​പ​ടി​യാ​ണ് ഇ​വ​ര്‍ പ്രാ​ഥ​മി​ക ചോ​ദ്യം ചെ​യ്യ​ലി​ല്‍ ന​ല്‍​കി​യ​ത​ത്രേ. തീ​ര്‍​ത്തും ദ​രി​ദ്ര​മാ​യ ചു​റ്റു​പാ​ടി​ലാ​ണ് ഇ​വ​രു​ടെ ജീ​വി​തം.

അ​തി​നാ​ല്‍ ത​ന്നെ ത​ട്ടി​പ്പു ന​ട​ത്തി​യ പ​ണം എ​വി​ടെ​യെ​ന്ന​ത് ക​ണ്ടെ​ത്തു​ക പ്ര​ധാ​ന വെ​ല്ലു​വി​ളി​യാ​ണ്. പൊ​ലി​സ് ഇ​തു സം​ബ​ന്ധി​ച്ച് വി​ശ​ദ​മാ​യി പ​രി​ശോ​ധി​ക്കും.ഒ​രു താ​ത്കാ​ലി​ക​ ജി​വ​ന​ക്കാ​രി ര​ണ്ടു​കോ​ടി​യോ​ളം രൂ​പ​യു​ടെ ത​ട്ടി​പ്പ് ന​ട​ത്തി​യ​തി​ല്‍ ബാ​ങ്കി​ലെ മ​റ്റ് ജീ​വ​ന​ക്കാ​ര്‍​ക്കും പ​ങ്കു​ണ്ടോ​യെ​ന്നും പൊ​ലി​സ് അ​ന്വേ​ഷി​ക്കു​ന്നു​ണ്ട്.

കൊച്ചി: മുട്ടില്‍ മരംമുറിയുമായി ബന്ധപ്പെട്ട വഞ്ചനാക്കേസില്‍ പ്രതികള്‍ ഹാജരാകാത്തതില്‍ അതൃപ്തി അറിയിച്ച് ചോറ്റാനിക്കര മജിസ്‌ട്രേറ്റ് കോടതി. വിചാരണ കോടതിയുടെ നടപടികള്‍ സ്റ്റേ ചെയ്യണമെന്ന് ആവശ്യപ്പെട്ട് ഹൈക്കോടതിയില്‍ നല്‍കിയ ഹര്‍ജിയില്‍ നാളെ വിശദമായ വാദം കേള്‍ക്കുന്ന സാഹചര്യം ചൂണ്ടിക്കാണിച്ചാണ് ഇന്ന് പ്രതികള്‍ കോടതിയില്‍ ഹാജരാകാതിരുന്നത്.

ഹൈക്കോടതിയുടെ സ്‌റ്റേ ഉത്തരവ് ഹാജരാക്കിയില്ലെങ്കില്‍ നല്‍കിയ ഇളവുകള്‍ റദ്ദ് ചെയ്യുമെന്നാണ് കോടതിയുടെ മുന്നറിയിപ്പ്. ഒന്നാം പ്രതി റോജി അഗസ്റ്റിനോട് നേരിട്ടും രണ്ടാം പ്രതി ആന്‍റോ അഗസ്റ്റിനോടും മൂന്നാം പ്രതി ജോസുകുട്ടി അഗസ്റ്റിനോടും വീഡിയോ കോണ്‍ഫറന്‍സ് വഴിയും ഹാജരാകാന്‍ കോടതി ഇളവ് നല്‍കിയിരുന്നു.

സെപ്റ്റംബര്‍ 11ന് കേസ് വീണ്ടും പരിഗണിക്കും. അന്ന് സ്റ്റേ ഉത്തരവ് ഹാജരാക്കിയില്ലെങ്കില്‍ വീഡിയോ കോണ്‍ഫറന്‍സ് വഴി ഹാജാരാകാനുള്ള അനുമതി റദ്ദ് ചെയ്യുമെന്ന് കോടതി മുന്നറിയിപ്പ് നല്‍കി. കുറ്റപത്രം വായിച്ചു കേള്‍പ്പിക്കാനായാണ് ഇന്ന് പ്രതികള്‍ മജിസ്‌ട്രേറ്റ് കോടതിയില്‍ ഹാജരാകേണ്ടിയിരുന്നത്.

അതേസമയം, സുല്‍ത്താന്‍ ബത്തേരി ജുഡീഷല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ മരംമുറി കേസിലെ വിചാരണ നടക്കുന്നതിനാല്‍ ചോറ്റാനിക്കര കോടതിയിലെ വിചാരണ നടപടികള്‍ നിര്‍ത്തിവയ്ക്കണമെന്ന് ആവശ്യപ്പെട്ടാണ് പ്രതികള്‍ ഹൈക്കോടതിയില്‍ ഹര്‍ജി നല്‍കിയത്. കേസ് പരിഗണിക്കാന്‍ ചോറ്റാനിക്കര കോടതിക്ക് അധികാരമില്ലെന്ന വാദം കോടതി തള്ളിയിരുന്നു.

വയനാട് മേപ്പാടിയില്‍ നിന്ന് അനധികൃതമായി മുറിച്ച് കടത്തിയ മരങ്ങള്‍ വനംവകുപ്പ് പാസ് ഉണ്ടെന്ന് തെറ്റിദ്ധരിപ്പിച്ച് എറണാകുളത്തെ മരകമ്പനി ഉടമയ്ക്ക് വില്‍പ്പന നടത്തി വിശ്വാസ വഞ്ചന കാണിച്ചെന്നായിരുന്നു എറണാകുളം അമ്പലമേട് പൊലിസ് എടുത്ത കേസ്.

കമ്പനി ഉടമ എം.എം. അലിയാര്‍ നല്‍കിയ പരാതിയിലാണ് 2021ല്‍ റോജി അഗസ്റ്റിന്‍, ആന്‍റോ അഗസ്റ്റിന്‍, ജോസുകുട്ടി അഗസ്റ്റിന്‍ എന്നിവരെ പ്രതിയാക്കി കേസ് എടുത്തത്. കേസ് പരിഗണിച്ച മജിസ്‌ട്രേറ്റ് കോടതിയില്‍ പ്രതികള്‍ നിരന്തരം ഹാജരാകാതിരുന്നത് കടുത്ത വിമര്‍ശനത്തിന് ഇടയാക്കിയിരുന്നു.

കൊച്ചി: പോര്‍ച്ചുഗലില്‍ ജോലി വാഗ്ദാനം ചെയ്ത് അമ്പതോളം പേരെ കബളിപ്പിച്ച് പണം തട്ടിയ രണ്ടംഗ സംഘത്തിലെ ചെറായി സ്വദേശി പ്ലാക്കല്‍ നീതു പ്രസാദിനെതിരെ മുനമ്പത്തും പോലീസ് കേസ് എടുത്തു.

മുനമ്പം ജനഹിത ബീച്ച് റോഡ് ഭാഗത്തെ വീട്ടമ്മ നല്‍കിയ പരാതിയില്‍ ബുധനാഴ്ചയാണ് കേസ് എടുത്തത്. പോര്‍ച്ചുഗലിലെ മരുന്ന് കമ്പനിയില്‍ പാക്കിംഗ് ജോലി തരപ്പെടുത്താം എന്ന് പറഞ്ഞ് 2022 ഏപ്രില്‍ 11ന് വീട്ടമ്മയുടെ ഭര്‍ത്താവിന്റെ ബാങ്ക് അക്കൗണ്ടില്‍ നിന്നും 2,20,000 രൂപ നീതു പറഞ്ഞ അക്കൗണ്ടിലേക്ക് ഇട്ടു കൊടുത്തിരുന്നു.

എന്നാല്‍ പിന്നീട് വിസ നല്‍കാതെ വന്നതിനെ തുടര്‍ന്ന് ഒരു ലക്ഷം രൂപ തിരികെ നല്‍കി. ബാക്കി 1,20,000 ആവശ്യപ്പെട്ടിട്ട് നല്‍കാതെ വന്നതിനെ തുടര്‍ന്നാണ് പരാതി നല്‍കിയത്.

തൃശൂര്‍, കോഴിക്കോട്, എറണാകുളം ജില്ലകളില്‍ വ്യാപകമായി തട്ടിപ്പ് നടത്തി ഇപ്പോള്‍ ദുബായില്‍ കഴിയുന്ന നീതുവിനും കൂട്ടാളിയായ കൊല്ലം മുണ്ടക്കല്‍ സ്വദേശി ബെന്‍സണ്‍ ബോയ് വര്‍ഗീസിനും എതിരെ വീസ തട്ടിപ്പ് ആരോപിച്ച് കഴിഞ്ഞ ദിവസം ഞാറക്കല്‍ പോലീസും ഒരു കേസ് രജിസ്റ്റര്‍ ചെയ്തിട്ടുണ്ട്.

കൂടാതെ പറവൂര്‍, തൃശൂര്‍, പോലീസ് സ്റ്റേഷനിലും കേസ് നിലവിലുണ്ട്. വഞ്ചിതരായവരുടെ കൂട്ടായ്മ മുഖ്യമന്ത്രിക്ക് നല്‍കിയ പരാതി ബന്ധപ്പെട്ട പോലീസ് ഉദ്യോഗസ്ഥര്‍ക്ക് കൈമാറിയിട്ടുണ്ടെങ്കിലും അന്വേഷണം ഇഴയുകയാണെന്ന് ആക്ഷേപമുണ്ട്.

കൊച്ചി: എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പ്രതിയായ മൈക്രോ ഫിനാന്‍സ് തട്ടിപ്പ് കേസില്‍ അന്വേഷണ ഉദ്യോഗസ്ഥന്‍ എസ്പി എസ്. ശശിധരനോട് ചോദ്യങ്ങളുമായി ഹൈക്കോടതി.

കുറ്റപത്രം സമര്‍പ്പിച്ച കേസുകളുടെ എഫഐആര്‍ നമ്പര്‍ നല്‍കാത്തത് എന്തുകൊണ്ടാണ്, എത്ര കേസുകളില്‍ പ്രോസിക്യൂഷന്‍ അനുമതി തേടി, കുറ്റക്കാരനെന്ന് കണ്ടെത്തിയ ഏതൊക്കെ കേസില്‍ കുറ്റപത്രം നല്‍കി എന്നീ ചോദ്യങ്ങളാണ് ഉന്നയിച്ചത്. വിശദാംശങ്ങള്‍ കൃത്യമായി എഴുതി നല്‍കാന്‍ എസ്‌ഐടിക്ക് കോടതി നിര്‍ദേശം നല്‍കി.

കേസിലെ 17 പരാതികളില്‍ അന്വേഷണം നടത്തി ബന്ധപ്പെട്ട കോടതികളില്‍ കുറ്റപത്രം സമര്‍പ്പിച്ചെന്നു വിജിലന്‍സ് ഹൈക്കോടതിയില്‍ റിപ്പോര്‍ട്ട് നല്‍കിയിരുന്നു. 30 പരാതികളില്‍ പ്രോസിക്യൂട്ട് ചെയ്യാവുന്ന ക്രമക്കേട് കണ്ടെത്തിയില്ലെന്നും ഇത് വിജിലന്‍സ് ഡയറക്ടര്‍ അംഗീകരിച്ചതായും അറിയിച്ചിരുന്നു.

കോടതിയില്‍ സമര്‍പ്പിച്ച റിപ്പോര്‍ട്ട് അപൂര്‍ണമാണെന്നും കുറ്റപത്രം നല്‍കാന്‍ വൈകുന്നുവെന്നുമുള്ള വിമര്‍ശനത്തോടെയാണ് എസ്പിയോട് നേരിട്ട് ഹാജരാകാന്‍ കോടതി നിര്‍ദേശം നല്‍കിയത്. മൈക്രോഫിനാന്‍സ് തട്ടിപ്പില്‍ 2016ലാണ് വിജിലന്‍സ് കേസെടുത്ത് അന്വേഷണം ആരംഭിച്ചത്.

കൊച്ചി: എസ്എന്‍ഡിപി യോഗം മൈക്രോ ഫിനാന്‍സ് തട്ടിപ്പ് കേസില്‍ അന്വേഷണ പുരോഗതി അറിയിക്കാന്‍ വിജിലന്‍സ് എസ്പി എസ്. ശശിധരന്‍ ഇന്ന് ഹൈക്കോടതിയില്‍ നേരിട്ട് ഹാജരാകും. കേസിലെ 17 പരാതികളില്‍ അന്വേഷണം നടത്തി ബന്ധപ്പെട്ട കോടതികളില്‍ കുറ്റപത്രം സമര്‍പ്പിച്ചെന്നു വിജിലന്‍സ് ഹൈക്കോടതിയില്‍ റിപ്പോര്‍ട്ട് നല്‍കിയിരുന്നു.

30 പരാതികളില്‍ പ്രോസിക്യൂട്ട് ചെയ്യാവുന്ന ക്രമക്കേട് കണ്ടെത്തിയില്ലെന്നും ഇത് വിജിലന്‍സ് ഡയറക്ടര്‍ അംഗീകരിച്ചതായും അറിയിച്ചിരുന്നു. കോടതിയില്‍ സമര്‍പ്പിച്ച റിപ്പോര്‍ട്ട് അപൂര്‍ണമാണെന്നും കുറ്റപത്രം നല്‍കാന്‍ വൈകുന്നുവെന്നുമുള്ള വിമര്‍ശനത്തോടെയാണ് എസ്പിയോട് നേരിട്ട് ഹാജരാകാന്‍ കോടതി നിര്‍ദേശം നല്‍കിയത്.

മൈക്രോഫിനാന്‍സ് തട്ടിപ്പില്‍ 2016ലാണ് വിജിലന്‍സ് കേസെടുത്ത് അന്വേഷണം ആരംഭിച്ചത്. വെള്ളാപ്പള്ളി നടേശന്‍, യോഗം പ്രസിഡന്‍റ് എം.എന്‍. സോമന്‍ അടക്കമുള്ള പ്രതികള്‍ അന്വേഷണത്തില്‍ നിന്ന് ഒഴിവാകാന്‍ ശ്രമിച്ചെങ്കിലും പ്രതികള്‍ വിചാരണ നേരിടണമെന്ന് ഹൈക്കോടതി ഉത്തരവിടുകയായിരുന്നു. കുറ്റപത്രം സമര്‍പ്പിക്കാനും കോടതി നിര്‍ദേശിച്ചിരുന്നു.

മ​ഞ്ഞു​മ്മ​ൽ ബോ​യ്സ് സാ​മ്പ​ത്തി​ക ത​ട്ടി​പ്പ് കേ​സി​ല്‍ ന​ട​ന്‍ സൗ​ബി​ൻ ഷാ​ഹി​ർ ഇ​ന്ന് ഹാ​ജ​രാ​കി​ല്ല. താ​ര​ത്തി​ന് അ​ന്വേ​ഷ​ണ സം​ഘ​ത്തി​ന് മു​ന്നി​ല്‍ ഹാ​ജ​രാ​കാ​നു​ള്ള സ​മ​യം നീ​ട്ടി​ന​ൽ​കി​യെ​ന്ന് പോ​ലീ​സ് അ​റി​യി​ച്ചു. ഈ ​മാ​സം 27നു ​ഹാ​ജ​രാ​കാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്

കേ​സ് റ​ദ്ദാ​ക്ക​ണ​മെ​ന്ന നി​ർ​മാ​താ​ക്ക​ളു​ടെ ആ​വ​ശ്യം നേ​ര​ത്തേ ഹൈ​ക്കോ​ട​തി ത​ള്ളി​യി​രു​ന്നു. കേ​സി​ല്‍ പോ​ലീ​സി​ന് അ​ന്വേ​ഷ​ണം തു​ട​രാ​മെ​ന്നും ഹൈ​ക്കോ​ട​തി വ്യ​ക്ത​മാ​ക്കി. കേ​സി​ൽ നി​ർ​മാ​താ​ക്ക​ൾ​ക്കെ​തി​രേ പോ​ലീ​സ് അ​ന്വേ​ഷ​ണ റി​പ്പോ​ർ​ട്ട് സ​മ​ർ​പ്പി​ച്ചി​രു​ന്നു.

സി​നി​മ​യു​ടെ ലാ​ഭ​വി​ഹി​തം ന​ല്‍​കി​യി​ല്ലെ​ന്ന അ​രൂ​ർ സ്വ​ദേ​ശി സി​റാ​ജ് വ​ലി​യ​ത​റ ഹ​മീ​ദി​ന്‍റെ പ​രാ​തി​യി​ലാ​ണ് നി​ർ​മാ​താ​ക്ക​ളാ​യ ഷോ​ൺ ആ​ന്‍റ​ണി, സൗ​ബി​ൻ ഷാ​ഹി​ർ, ബാ​ബു ഷാ​ഹി​ർ എ​ന്നി​വ​ർ​ക്കെ​തി​രെ കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ച​ത്.

സി​നി​മ​യ്ക്കാ​യി പ​ല​പ്പോ​ഴാ​യി മു​ട​ക്കി​യ ഏ​ഴു​കോ​ടി രൂ​പ​യോ ലാ​ഭ​വി​ഹി​ത​മോ തി​രി​ച്ചു​ന​ൽ​കി​യി​ല്ലെ​ന്നാ​യി​രു​ന്നു സി​റാ​ജി​ന്‍റെ പ​രാ​തി. തു​ട​ര്‍​ന്ന് ഇ​തി​ല്‍ അ​ന്വേ​ഷ​ണ​ത്തി​ന് എ​റ​ണാ​കു​ളം മ​ജി​സ്ട്രേ​റ്റ് കോ​ട​തി ഉ​ത്ത​ര​വി​ട്ടു.

ക്രി​മി​ന​ൽ ഗൂ​ഢാ​ലോ​ച​ന, വി​ശ്വാ​സ​വ​ഞ്ച​ന, വ്യാ​ജ​രേ​ഖ ച​മ​യ്ക്ക​ൽ തു​ട​ങ്ങി ജാ​മ്യ​മി​ല്ലാ വ​കു​പ്പു​ക​ളാ​ണ് നി​ര്‍​മാ​താ​ക്ക​ള്‍​ക്കെ​തി​രെ ചു​മ​ത്തി​യ​ത്.