6

കൊച്ചി: ബാര്‍ ഹോട്ടലില്‍ പണം വാതുവച്ച് ചീട്ടുകളി മത്സരം നടത്തിയ ഏഴംഗ സംഘം പിടിയിൽ. എടത്തല പൂക്കാട്ടുപടിയിലെ ക്ലബ് 99 എന്ന ബാര്‍ ഹോട്ടലില്‍ ഞായറാഴ്ച രാത്രി നടത്തിയ റെയ്ഡിലാണ് ഏഴംഗ സംഘത്തെ പോലീസ് പിടികൂടിയത്.

ഗൂഗിള്‍ പേ ഉപയോഗിച്ചാണ് പണമിടപാടുകള്‍ നടന്നത്. പിടിയിലായവരുടെ ഗൂഗിള്‍ പേ ഇടപാടുകള്‍ പോലീസ് പരിശോധിക്കുന്നുണ്ട്. ഇതുകൂടാതെ സ്ഥലത്തുനിന്നു 19,000 രൂപയും പോലീസ് പിടിച്ചെടുത്തു.

പിടിച്ചെടുത്ത പണം കണ്ടു കെട്ടി. ശനിയാഴ്ചകളിലും ഞായറാഴ്ചകളിലും ഇവിടെ ചീട്ടുകളി മത്സരങ്ങള്‍ നടക്കുന്നുവെന്ന രഹസ്യ വിവരത്തെ തുടര്‍ന്നായിരുന്നു പരിശോധന.