4

ന്യൂ​ഡ​ൽ​ഹി: മു​ഖ്യ​തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ (സി​ഇ​സി) ഗ്യാ​നേ​ഷ് കു​മാ​റി​നെ സ്ഥാ​ന​ത്തു​നി​ന്ന് നീ​ക്കം ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് പ്ര​തി​പ​ക്ഷ പാ​ർ​ട്ടി​ക​ൾ രാ​ജ്യ​സ​ഭ​യി​ൽ പു​തി​യ നോ​ട്ടീ​സ് ന​ൽ​കി. രാ​ജ്യ​സ​ഭ സെ​ക്ര​ട്ട​റി ജ​ന​റ​ലി​നാ​ണ് 73 എം.​പി​മാ​ർ ഒ​പ്പി​ട്ട പ്ര​മേ​യ നോ​ട്ടീ​സ് സ​മ​ർ​പ്പി​ച്ച​ത്.

2026 മാ​ർ​ച്ച് 15ന് ​ശേ​ഷം ഭ​ര​ണ​ഘ​ട​നാ വി​രു​ദ്ധ​മാ​യ ഒ​ൻ​പ​തോ​ളം കാ​ര്യ​ങ്ങ​ൾ സി​ഇ​സി​യു​ടെ ഭാ​ഗ​ത്തു​നി​ന്നു​ണ്ടാ​യ​താ​യി കോ​ൺ​ഗ്ര​സ് നേ​താ​വ് ജ​യ​റാം ര​മേ​ശ് ആ​രോ​പി​ച്ചു. അ​ദ്ദേ​ഹം സ്ഥാ​ന​ത്ത് തു​ട​രു​ന്ന​ത് ഭ​ര​ണ​ഘ​ട​ന​യോ​ടു​ള്ള വെ​ല്ലു​വി​ളി​യാ​ണെ​ന്നും ജ​യ​റാം ര​മേ​ശ് കൂ​ട്ടി​ച്ചേ​ർ​ത്തു.

വോ​ട്ട​ർ​പ​ട്ടി​ക പു​തു​ക്കു​ന്ന​തു​മാ​യി ബ​ന്ധ​പ്പെ​ട്ട ന​ട​പ​ടി​ക​ളി​ൽ സി​ഇ​സി കേ​ന്ദ്ര സ​ർ​ക്കാ​രി​നും ബി​ജെ​പി​ക്കും അ​നു​കൂ​ല​മാ​യി പ്ര​വ​ർ​ത്തി​ക്കു​ന്നു​വെ​ന്നാ​ണ് പ്ര​തി​പ​ക്ഷ​ത്തി​ന്‍റെ പ്ര​ധാ​ന പ​രാ​തി. ബം​ഗാ​ൾ, ബി​ഹാ​ർ സം​സ്ഥാ​ന​ങ്ങ​ളി​ലെ വോ​ട്ട​ർ​പ​ട്ടി​ക​യി​ലെ ക്ര​മ​ക്കേ​ടു​ക​ൾ ഇ​തി​ന് തെ​ളി​വാ​യി പ്ര​തി​പ​ക്ഷ പാ​ർ​ട്ടി​ക​ൾ ചൂ​ണ്ടി​ക്കാ​ട്ടു​ന്നു. നേ​ര​ത്തെ 193 എം​പി​മാ​ർ ചേ​ർ​ന്ന് ന​ൽ​കി​യ നോ​ട്ടീ​സ് രാ​ജ്യ​സ​ഭാ അ​ധ്യ​ക്ഷ​നും ലോ​ക്‌​സ​ഭാ സ്പീ​ക്ക​റും ത​ള്ളി​യി​രു​ന്നു.

ഇ​തി​നെ​ത്തു​ട​ർ​ന്നാ​ണ് കൂ​ടു​ത​ൽ കൃ​ത്യ​മാ​യ ആ​രോ​പ​ണ​ങ്ങ​ൾ ഉ​ൾ​പ്പെ​ടു​ത്തി പു​തി​യ നോ​ട്ടീ​സ് ന​ൽ​കാ​ൻ തൃ​ണ​മൂ​ൽ കോ​ൺ​ഗ്ര​സ് ഉ​ൾ​പ്പെ​ടെ​യു​ള്ള പ്ര​തി​പ​ക്ഷ പാ​ർ​ട്ടി​ക​ൾ തീ​രു​മാ​നി​ച്ച​ത്. രാ​ജ്യ​സ​ഭാ അ​ധ്യ​ക്ഷ​ൻ നോ​ട്ടീ​സ് അം​ഗീ​ക​രി​ച്ചാ​ൽ, ആ​രോ​പ​ണ​ങ്ങ​ൾ അ​ന്വേ​ഷി​ക്കാ​ൻ മു​തി​ർ​ന്ന ജ​ഡ്ജി​മാ​ര​ട​ങ്ങു​ന്ന സ​മി​തി​യെ നി​യോ​ഗി​ക്കേ​ണ്ടി വ​രും.

.