ചങ്ങനാശേരി: ക്രിസ്മസ് ആഘോഷങ്ങളുടെ ഭാഗമായി കരുണയുടെയും പങ്കുവയ്ക്കലിന്റെയും സന്ദേശമുയര്ത്തി തെങ്ങണ ഗുഡ് ഷെപ്പേഡ് പബ്ലിക് സ്കൂള്. സ്കൂളിന്റെ സാമൂഹ്യ ക്ഷേമപ്രവര്ത്തനങ്ങളുടെ ഭാഗമായി വിദ്യാര്ഥികള് സമാഹരിച്ച അരിയും പലവ്യഞ്ജനങ്ങളും അശരണരുടെ അഭയകേന്ദ്രമായ കോട്ടയം നവജീവന് ട്രസ്റ്റിലേക്ക് കൈമാറി.
ആഘോഷങ്ങള് കേവലം വിനോദങ്ങളില് ഒതുക്കാതെ സമൂഹത്തിലെ പാര്ശ്വവത്കരിക്കപ്പെട്ടവര്ക്ക് കൈത്താങ്ങാകുകയെന്ന ലക്ഷ്യത്തോടെയാണ് സ്കൂള് അധികൃതര് ഇത്തരമൊരു പദ്ധതി ആവിഷ്കരിച്ചത്. അരി, പഞ്ചസാര, എണ്ണ, വിവിധ തരം പരിപ്പുവര്ഗങ്ങള് തുടങ്ങി 18 കൂട്ടം സാധനങ്ങളുടെ ശേഖരമാണ് കൈമാറിയത്.
സ്കൂള് ഓഡിറ്റോറിയത്തില് നടന്ന ക്രിസ്മസ് ആഘോഷച്ചടങ്ങില് സ്കൂള് സെക്രട്ടറി പ്രിജോ കെ. ഏബ്രഹാം നവജീവന് പ്രതിനിധികള്ക്ക് ഭക്ഷ്യധാന്യങ്ങള് കൈമാറി. പ്രിന്സിപ്പല് ഡോ. സുനിത സതീഷ്, മാനേജര് ജോണ്സന് ഏബ്രഹാം, ട്രഷറര് പ്രിയ കെ. ഏബ്രഹാം, അസിസ്റ്റന്റ് മാനേജര് തമ്പി കുര്യന്, വൈസ് പ്രിന്സിപ്പല് സോണി ജോസ്, ഹെഡ്മിസ്ട്രസ് ശ്യാമ സജീവ്, ഹെഡ് ടീച്ചേഴ്സുമാരായ ടെസ് ആന്റണി, ജോബി സി. തോമസ് എന്നിവര് പ്രസംഗിച്ചു.
Deepika
E-paper LOGIN
LOGIN
