Movies
തമിഴ് സിനിമാ ലോകത്തെ സൂപ്പർ താരങ്ങളായ വിജയും അജിത് കുമാറും യുകെയിലെ പ്രശസ്തമായ സിൽവർസ്റ്റോൺ സർക്യൂട്ടിൽ ഒന്നിച്ചെത്തിയത് സോഷ്യൽ മീഡിയയിൽ തരംഗമാകുന്നു. തമിഴ്നാട് മുഖ്യമന്ത്രിയായ സി. ജോസഫ് വിജയ്, മിഷെലിൻ ലെ മാൻസ് കപ്പ് മത്സരത്തിന്റെ ഫ്ലാഗ് ഓഫ് നിർവഹിക്കാനാണ് സിൽവർസ്റ്റോണിൽ എത്തിയത്.
ട്രാക്കിൽ പരസ്പരം കണ്ടുമുട്ടിയ വിജയും അജിത്തും സ്നേഹത്തോടെ കെട്ടിപ്പിടിക്കുന്ന ദൃശ്യങ്ങൾ ആരാധകർ ഏറ്റെടുത്തു. വിജയ് സ്പോർട്സ് ജാക്കറ്റിലും അജിത്ത് റേസിംഗ് സ്യൂട്ടിലുമാണ് എത്തിയത്. ലണ്ടനിൽ സിനിമാ ചിത്രീകരണത്തിലായിരുന്ന നടി തൃഷയും മന്ത്രി ആധവ് അർജുനയ്ക്കൊപ്പം ഗാലറിയിലിരുന്ന് അജിത്തിന് പിന്തുണയുമായി മത്സരങ്ങൾ കണ്ടു.
തമിഴ്നാട്ടിൽ അന്താരാഷ്ട്ര നിലവാരത്തിലുള്ള 'മോട്ടോർ സ്പോർട്സ് സിറ്റി' യാഥാർത്ഥ്യമാക്കുന്നതിന്റെ ഭാഗമായി വിദേശത്തെ കായിക അടിസ്ഥാന സൗകര്യങ്ങൾ പഠിക്കാനാണ് മുഖ്യമന്ത്രി വിജയ് യുകെ സന്ദർശിക്കുന്നത്. ഇത്തരം വലിയ കായിക മാമാങ്കങ്ങൾ ഇന്ത്യയിലേക്ക് കൊണ്ടുവരാനുള്ള തമിഴ്നാട് സർക്കാരിന്റെ ശ്രമങ്ങൾക്ക് അജിത് കുമാർ നന്ദി അറിയിച്ചു.
Sports
മുംബൈ: ഇന്ത്യയുടെ ആദിത്യ പട്നായിക്കിന് റേസിംഗില് കന്നി രാജ്യാന്തര ജയം.
മലേഷ്യയിലെ സെപാംഗ് ഇന്റര്നാഷണല് സര്ക്യൂട്ടില് നടന്ന ഗോള്ഡ് വിയോസ് ചാമ്പ്യന്ഷിപ്പിന്റെ മൂന്നാം റൗണ്ടില് സ്പോര്ട്ടിംഗ് ക്ലാസ് വിഭാഗത്തിലാണ് മുംബൈ സ്വദേശിയായ ഈ ഇരുപതുകാരന് ഒന്നാം സ്ഥാനത്തു ഫിനിഷ് ചെയ്തത്. 15,000 മലേഷ്യന് റിംഗിറ്റ് (35 ലക്ഷം രൂപ) സമ്മാനത്തുകയായി ലഭിച്ചു.
കന്നി അന്താരാഷ്ട്ര കാര് റേസിംഗ് സീസണില്തന്നെ മികച്ച പ്രകടനമാണ് ആദിത്യ നടത്തുന്നത്. എഫ്വണ് മുന് ഡ്രൈവര് അലക്സ് യംഗിന്റെ ടീം ആക്സല് സ്പോര്ട്സിനുവേണ്ടിയാണ് റയോ റേസിംഗിന്റെ ആദിത്യ മത്സരരംഗത്തിറങ്ങിയത്.
ചാമ്പ്യന്ഷിപ്പില് ഒരു റൗണ്ട് മാത്രം ശേഷിക്കെ 88 പോയിന്റോടെ നിലവില് മൂന്നാം സ്ഥാനത്താണ് താരം. 2023ലെ എഫ്എംഎസ് സിഐ നാഷണല് കാര്ട്ടിംഗ് ചാമ്പ്യനായ ആദിത്യ, കഴിഞ്ഞ വര്ഷം വാഹനാപകടത്തില് കൈക്ക് പരിക്കേറ്റ് മാസങ്ങളോളം വിശ്രമത്തിലായിരുന്നു.
Sports
കൊച്ചി: ജെകെ ടയര് എഫ്എംഎസ്ഐ നാഷണല് റേസിംഗ് ചാമ്പ്യന്ഷിപ്പിന്റെ ഗ്രാന്ഡ് ഫിനാലെ ഇന്നും നാളെയും.
കോയമ്പത്തൂരിലെ കാറി മോട്ടോര് സ്പീഡ് വേയിലാണ് ഫിനാലെ. അമേരിക്കന് റേസിംഗ് ഇതിഹാസം ഫ്രെഡി സ്പെന്സര്, ഹാള് ഓഫ് ഫെയിം അംഗമായി പങ്കെടുക്കും.
Kerala
അങ്കമാലി: കാലടിയിൽ സ്വകാര്യ ബസിന്റെ മത്സരയോട്ടത്തിൽ കർശന നടപടി സ്വീകരിച്ച് ഗതാഗത വകുപ്പ്. അപകടകരമായ രീതിയിൽ അമിതവേഗതയിൽ ഓടിച്ച ബസിന്റെ പെർമിറ്റ് റദ്ദാക്കുമെന്ന് ആർടിഒ അറിയിച്ചു.
മന്ത്രി കെ.ബി ഗണേഷ് കുമാറിന്റെ നിർദേശപ്രകാരമാണ് നടപടി. നിയമലംഘനങ്ങൾക്കെതിരെ ശക്തമായ നടപടിയുണ്ടാകുമെന്ന് ആർടിഒ കെ.ആർ. സുരേഷ് പറഞ്ഞു.
സോഷ്യൽ മീഡിയ വഴി മന്ത്രിക്ക് ലഭിച്ച വീഡിയോയാണ് സംഭവത്തിന് ആധാരമായത്. ദൃശ്യങ്ങൾ പരിശോധിച്ച മന്ത്രി ഗതാഗത കമ്മീഷണറോട് അടിയന്തര അന്വേഷണം നടത്താൻ നിർദ്ദേശിക്കുകയായിരുന്നു. തുടർന്ന് ഡ്രൈവറുടെ ലൈസൻസ് താൽക്കാലികമായി അങ്കമാലി ജോയിന്റ് ആർടിഒ സസ്പെൻഡ് ചെയ്തു.