ന്യൂഡൽഹി: മരുതി സുസുക്കിയുടെ ചെറിയ ഹച്ച്ബാക്ക് മോഡലായ ഇഗ്നിസ് ഇന്ത്യയിൽ അതിന്റെ യാത്ര അവസാനിപ്പിക്കാൻ ഒരുങ്ങുന്നതായി റിപ്പോർട്ടുകൾ. വില്പനയിലുണ്ടായ കുറവും ആവശ്യക്കാരില്ലാത്തതുമാണ് ഇന്ത്യൻ വിപണിയിൽ ഇഗ്നിസിന് തിരിച്ചടിയായത്.
ഡീലർമാരെ ഉദ്ധരിച്ചുകൊണ്ടു കാർടോക്കിന്റെ റിപ്പോർട്ട് പ്രകാരം ഇഗ്നിസിന്റെ നിർമാണം ഒരു മാസത്തോളമായി നിർത്തിവച്ചിരിക്കുകയാണ്. കൂടാതെ ഈ മോഡലിനായുള്ള ബുക്കിംഗും അവസാനിപ്പിച്ചിട്ടുണ്ട്.
രാജ്യത്തുടനീളമുള്ള ചുരുക്കം ചില ഡീലർമാരുടെ പക്കൽ മാത്രമേ ഇപ്പോൾ പരിമിതമായ സ്റ്റോക്ക് അവശേഷിക്കുന്നുള്ളൂ. എന്നാൽ ഈ റിപ്പോർട്ടുകൾക്കു വിരുദ്ധമായി മാരുതിയുടെ വെബ്സെറ്റിൽ ബുക്കിംഗിന് ഇപ്പോഴും സൗകര്യമുണ്ട്. ഇതേക്കുറിച്ച് കന്പനി ഇതുവരെ ഒൗദ്യോഗിക പ്രഖ്യാപനങ്ങളൊന്നും നടത്തിയിട്ടില്ല.
2017ലാണ് ഇഗ്നിസ് ഇന്ത്യൻ വിപണിയിൽ അവതരിപ്പിച്ചത്.
Deepika
E-paper LOGIN
LOGIN