കു​ടും​ബ​സ്നേ​ഹി​യാ​യ സൂ​സ​മ്മ
ഒ​രു കു​ട​ക്കീ​ഴി​ൽ പോ​യി​രു​ന്ന റോ​ണി​യും സൂ​സ​മ്മ​യും ഇ​രു​വ​ഴി​ക്ക് പി​രി​യാ​ൻ കാ​ര​ണ​മെ​ന്തെ​ന്ന് അ​വ​രി​രു​വ​രോ​ടും അ​ടു​പ്പ​വും ബ​ന്ധ​വു​മു​ള്ള ആ​ർ​ക്കും അ​റി​യാ​വു​ന്ന​താ​ണ്. വി​വാ​ഹ​ശേ​ഷം അ​വ​ർ ഒ​രു​മി​ച്ചു ക​ഴി​ഞ്ഞ​ത് ക​ഷ്ടി​ച്ച് ഒ​രു വ​ർ​ഷം​മാ​ത്ര​മാ​ണ്. ഇ​രു​വ​രു​ടെ​യും താ​ത്പ​ര്യ​ങ്ങ​ൾ ഇ​രു​വ​ഴി​ക്കാ​യി​രു​ന്നു. ആ​ദ്യ​മൊ​ക്കെ ര​ണ്ടു​പേ​രും കു​റെ​യൊ​ക്കെ യാ​ഥാ​ർ​ത്ഥ്യ​ബോ​ധ​ത്തോ​ടെ വി​ട്ടു​വീ​ഴ്ച​യ്ക്ക് ത​യ്യാ​റാ​യി​രു​ന്നെ​ങ്കി​ലും പി​ന്നീ​ട​ങ്ങോ​ട്ട് ശ​ത്രു​രാ​ജ്യ​ത്തോ​ടെ​ന്നോ​ണം അ​ന്യോ​ന്യം യു​ദ്ധം​ചെ​യ്യു​ക​യാ​യി​രു​ന്നു. ഇ​രു​വ​രെ​യും കൂ​ട്ടി​യ​ടി​പ്പി​ക്കു​ന്ന​തി​നു​പി​ന്നി​ൽ മു​ഖ്യ​പ​ങ്കു വ​ഹി​ച്ച​ത് അ​വ​രി​രു​വ​രു​ടെ​യും കു​ടും​ബാം​ഗ​ങ്ങ​ൾ ത​ന്നെ​യാ​യി​രു​ന്നു.​

സൂ​സ​മ്മ വി​വാ​ഹ​ത്തി​നു​മു​ന്പ് അ​ഞ്ചു​വ​ർ​ഷം ദു​ബാ​യി​ൽ ന​ഴ്സാ​യി​രു​ന്നു. വി​വാ​ഹ​ശേ​ഷം റോ​ണി​യു​ടെ ആ​ഗ്ര​ഹ​പ്ര​കാ​ര​മാ​ണ് അ​വ​ൾ ദു​ബാ​യി​ലെ ജോ​ലി നി​റു​ത്തി കു​വൈ​റ്റി​ൽ ഭ​ർ​ത്താ​വി​നൊ​പ്പം താ​മ​സ​മാ​ക്കി​യ​ത്. താ​മ​സി​യാ​തെ സൂ​സ​മ്മ​യ്ക്ക് കു​വൈ​റ്റി​ൽ ജോ​ലി ല​ഭി​ക്കു​ക​യും ചെ​യ്തു. ‘​കു​ടും​ബ​സ്നേ​ഹി’​യാ​യ സൂ​സ​മ്മ വി​വാ​ഹ​ത്തി​നു​മു​ന്പെ​ന്ന​പോ​ലെ​ത​ന്നെ വി​വാ​ഹ​ത്തി​നു​ശേ​ഷ​വും റോ​ണി​യോ​ട് ഒ​രു​വാ​ക്ക് പോ​ലും ചോ​ദി​ക്കാ​തെ ശ​ന്പ​ള​ത്തി​ന്‍റെ ഏ​റി​യ​പ​ങ്കും ത​ന്‍റെ വീ​ട്ടി​ലേ​ക്ക് അ​യ​യ്ക്കു​മാ​യി​രു​ന്നു. ആ​ദ്യ​മൊ​ന്നും ഇ​ക്കാ​ര്യ​ത്തി​ൽ അ​ത്ര ശ്ര​ദ്ധി​ക്കാ​തി​രു​ന്ന റോ​ണി പി​ന്നീ​ട് ഇ​തി​നെ​പ്ര​തി സൂ​സ​മ്മ​യോ​ട് എ​തി​ർ​പ്പ് പ്ര​ക​ടി​പ്പി​ക്കു​ക​യും അ​വ​സാ​നം അ​ത് വ​ലി​യ കു​ടും​ബ​ക​ല​ഹ​ത്തി​ൽ ചെ​ന്ന് ക​ലാ​ശി​ക്കു​ക​യും ചെ​യ്തു. റോ​ണി​ക്ക് നാ​ട്ടി​ലെ അ​യാ​ളു​ടെ കു​ടും​ബ​ത്തി​ലേ​ക്ക് പ​ണം അ​യ​യ്ക്കാ​മെ​ങ്കി​ൽ ത​നി​ക്കും അ​തി​ന​വ​കാ​ശ​മു​ണ്ടെ​ന്നാ​യി​രു​ന്നു സൂ​സ​മ്മ​യു​ടെ വാ​ദം. പ്ര​ശ്നം ഗു​രു​ത​ര​മാ​യ​ത് ഇ​രു​വ​രു​ടെ​യും കു​ടും​ബാം​ഗ​ങ്ങ​ൾ കാ​ര്യ​ങ്ങ​ളു​ടെ നി​യ​ന്ത്ര​ണം ഏ​റ്റെ​ടു​ത്ത​പ്പോ​ഴാ​ണ്. ഇ​രു​വ​രും ഇ​പ്പോ​ഴും ഇ​രു​ദി​ശ​ക​ളി​ൽ​ത്ത​ന്നെ​യാ​ണ്.

വി​വാ​ഹ​ത്തി​നു​മു​ന്പ് വി​വാ​ഹാ​ർ​ത്ഥി​ക​ൾ​ക്ക് ഇ​രു​വ​രു​ടേ​തു​മാ​യ താ​ത്പ​ര്യ​ങ്ങ​ളും ആ​ഭി​മു​ഖ്യ​ങ്ങ​ളും ക​ണ്ടേ​ക്കാം. അ​തി​ൽ തെ​റ്റി​ല്ല. പ​ക്ഷേ, വി​വാ​ഹ​ശേ​ഷം ഒ​രേ ദി​ശ​യി​ലേ​ക്ക് നീ​ങ്ങേ​ണ്ട അ​വ​രി​രു​വ​രു​ടെ​യും താ​ത്പ​ര്യ​ങ്ങ​ൾ ഏ​കോ​പി​പ്പി​ക്കേ​ണ്ട​താ​ണ്. അ​തി​ന് ഇ​രു​വ​ർ​ക്കും തു​റ​ന്ന മ​നോ​ഭാ​വ​വും തു​റ​ന്നു​ള്ള സം​സാ​ര​വും അ​ത്യ​ന്താ​പേ​ക്ഷി​ത​മാ​ണ്. ര​ണ്ട​സ്തി​ത്വ​ങ്ങ​ൾ മാ​ന​സി​ക​മാ​യി ഒ​ര​സ്തി​ത്വ​മാ​യി രൂ​പാ​ന്ത​ര​പ്പെ​ടേ​ണ്ട​താ​ണെ​ന്ന വി​ചാ​ര​വും അ​വ​ർ​ക്കു​ണ്ടാ​ക​ണം. റോ​ണി​ക്കും സൂ​സ​മ്മ​യ്ക്കും ഇ​ല്ലാ​തെ​പോ​യ​ത് അ​തു​ത​ന്നെ​യാ​ണ്. സൂ​സ​മ്മ​യു​ടെ പ്ര​വൃ​ത്തി​യെ തി·​യെ​ന്നോ തെ​റ്റെന്നോ പ​റ​യാ​നാ​വി​ല്ല; പ​ക്ഷേ അ​തി​നെ വി​വേ​ക​ശൂ​ന്യ​മാ​യ പ്ര​വൃ​ത്തി എ​ന്നു പ​റ​യേ​ണ്ടി​വ​രും. വി​വാ​ഹ​ത്തോ​ടെ മാ​താ​പി​താ​ക്ക​ളെ​യും സ​ഹോ​ദ​ര​ങ്ങ​ളെ​യു​മൊ​ന്നും ആ​രും മ​റ​ക്കേ​ണ്ട​തി​ല്ല. എ​ന്നാ​ൽ അ​പ്പോ​ഴും അ​വ​രു​ടെ ജീ​വി​ത​ത്തി​ൽ ഓ​ർ​ക്കേ​ണ്ട ചി​ല കാ​ര്യ​ങ്ങ​ളു​ണ്ടെ​ന്നു​മാ​ത്രം.

ഭാ​ര്യാ​ഭ​ർ​ത്താ​ക്കന്മാ​രു​ടെ ബ​ന്ധ​ത്തി​ൽ അ​വ​രി​രു​വ​രു​ടെ​യും അ​ശ്ര​ദ്ധ​മൂ​ലം ഉ​ണ്ടാ​കു​ന്ന വി​ള്ള​ലു​ക​ൾ പി​ന്നീ​ട് പു​റം​ലോ​ക​ത്തി​ന്‍റെ ഇ​ട​പെ​ട​ലു​ക​ൾ​മൂ​ലം വ​ലി​യ ഗ​ർ​ത്ത​ങ്ങ​ളാ​യി മാ​റി​യേ​ക്കാം. അ​ത്ത​രം വി​ള്ള​ലു​ക​ൾ യു​ദ്ധ​കാ​ലാ​ടി​സ്ഥാ​ന​ത്തി​ൽ വി​ള​ക്കി​ച്ചേ​ർ​ക്കു​വാ​ൻ ദ​ന്പ​തി​ക​ൾ​ത​ന്നെ ശ്ര​ദ്ധി​ക്കേ​ണ്ട​താ​ണ്. അ​ത​സാ​ധ്യ​മെ​ങ്കി​ൽ സ്വാ​ർ​ത്ഥ​താ​ത്പ​ര്യ​ങ്ങ​ൾ​ക്കു​വേ​ണ്ടി​യും പ​ക്ഷം ചേ​ർ​ന്നും നി​ല​കൊ​ള്ളി​ല്ല എ​ന്നു​റ​പ്പു​ള്ള​വ​രെ പ്ര​ശ്ന​പ​രി​ഹാ​ര​ത്തി​ന് സ​മീ​പി​ക്കാം.

മ​ക്ക​ളെ വി​വാ​ഹ​ജീ​വി​ത​ത്തി​ലേ​ക്ക് ന​യി​ക്കു​ന്ന മാ​താ​പി​താ​ക്ക​ൾ, എ​ല്ലാം ശു​ഭ​മാ​യി എ​ന്നു ക​രു​തി അ​വ​രെ പി​ന്നീ​ട് ത​നി​ച്ചു​വി​ട്ടാ​ൽ അ​തു ശ​രി​യാ​വി​ല്ല. ആ ​ബ​ന്ധം വേ​രു​പി​ടി​ച്ചു വ​ള​രു​വോ​ളം ക​രു​ത​ലും ശ്ര​ദ്ധ​യും ന​ൽ​ക​ണം. മ​ണ്ണി​ൽ ന​ട്ട ചെ​റു​ചെ​ടി​ക്ക് വ​ള​വും ജ​ല​വു​മെ​ന്നോ​ണം അ​തി​ന് വേ​ണ്ടു​ന്ന​തൊ​ക്കെ ന​ൽ​ക​ണം. വി​വാ​ഹ​ത്തോ​ളം മ​ക്ക​ളെ വ​ള​ർ​ത്തി​യ അ​വ​ർ​ക്ക് അ​വ​രി​ൽ​നി​ന്ന് പ്ര​തി​ഫ​ലം കി​ട്ട​ണം എ​ന്ന​തി​നേ​ക്കാ​ൾ ത​ങ്ങ​ളു​ടെ ജീ​വി​താ​ന്ത്യം​വ​രെ അ​വ​ർ​ക്ക് ന​ൽ​കേ​ണ്ട​തൊ​ക്കെ ന​ൽ​കാ​ൻ മാ​താ​പി​താ​ക്ക​ൾ ത​യ്യാ​റാ​വ​ണം.

ഇ​തി​ന്‍റെ​യൊ​ക്കെ അ​ർ​ത്ഥം മ​ക്ക​ൾ വി​വാ​ഹ​ശേ​ഷം മാ​താ​പി​താ​ക്ക​ളെ സ്മ​രി​ക്കേ​ണ്ട​തി​ല്ലെ​ന്നും, മാ​താ​പി​താ​ക്ക​ൾ ഉ​ള്ള​തൊ​ക്കെ മ​ക്ക​ൾ​ക്ക് ന​ൽ​കി​യാ​ൽ​മാ​ത്രം മ​തി​യെ​ന്നു​മ​ല്ല. ജീ​വി​ത​മാ​കു​ന്ന മ​രു​ഭൂ​മി​യി​ൽ ത​ള​ർ​ന്നു​വീ​ഴാ​തെ മ​ക്ക​ളെ താ​ങ്ങി​യ ആ ​ക​ര​ങ്ങ​ൾ​ക്ക് പി​ന്നീ​ട് ക​രു​ത്തു​പ​ക​രേ​ണ്ട​ത് മ​ക്ക​ൾ​ത​ന്നെ​യാ​ണ്. ഈ ​ബോ​ധ്യം മ​ക്ക​ളാ​യ ഭാ​ര്യാ​ഭ​ർ​ത്താ​ക്കന്മാ​രി​രു​വ​ർ​ക്കും ഉ​ണ്ടാ​ക​ണം. പ​ക്ഷേ ഇ​ക്കാ​ര്യം അ​ന്യോ​ന്യ​മു​ള്ള അ​റി​വോ​ടെ ഇ​രു​വ​രും നി​ർ​വ്വ​ഹി​ക്ക​ണം എ​ന്നു​മാ​ത്രം. ‘എ​ന്‍റെ മാ​താ​പി​താ​ക്ക​ളും സ​ഹോ​ദ​ര​രും’ എ​ന്ന ചി​ന്ത​യേ​ക്കാ​ൾ ‘​ന​മ്മു​ടെ മാ​താ​പി​താ​ക്ക​ളും സ​ഹോ​ദ​ര​രും’ എ​ന്ന ചി​ന്ത​യാ​യി​രി​ക്ക​ണം ഇ​ക്കാ​ര്യ​ത്തി​ൽ അ​വ​രി​രു​വ​രെ​യും ന​യി​ക്കേ​ണ്ട​ത്.

സി​റി​യ​ക് കോ​ട്ട​യി​ൽ
ഫോൺ: 9447343828
E-mail: cyriackottayil7@gmail.com