ഒന്നും രണ്ടും സെമസ്റ്റർ ബിടെക് പരീക്ഷകൾ
കണ്ണൂർ സർവകലാശാലയുടെ കംബൈൻഡ് ഒന്നും രണ്ടും സെമസ്റ്റർ ബിടെക് ഡിഗ്രി (സപ്ലിമെന്ററി പാർട്ട്ടൈം ഉൾപ്പെടെജനുവരി2017) പരീക്ഷകൾ 28ന് ആരംഭിക്കും. ഓണ്ലൈൻ അപേക്ഷകൾ പിഴകൂടാതെ 13 മുതൽ 15 വരെയും 150 രൂപ പിഴയോടെ 17വരെയും സമർപ്പിക്കാം. അപേക്ഷയുടെ പ്രിന്റൗട്ട്, ചലാൻ എന്നിവ 20നകം സർവകലാശാലയിൽ എത്തിക്കണം.
തുറന്ന സംവാദം
ഇക്കണോമിക്സിൽ ഗവേഷണം നടത്തുന്ന കെ.വി. വിനേഷ് കുമാർ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം (ഓപ്പണ് ഡിഫൻസ്) 16ന് രാവിലെ 10.30ന് തലശേരി കാന്പസിലെ അപ്ലൈഡ് ഇക്കണോമിക്സ് വിഭാഗത്തിൽ നടക്കും. പ്രസ്തുത പ്രബന്ധം സെമിനാറിനു മൂന്നു ദിവസം മുന്പ് മുതൽ തലശേരി കാന്പസിലെ അപ്ലൈഡ് ഇക്കണോമിക്സ് ഡിപ്പാർട്ട്മെന്റ് ലൈബ്രറിയിൽ പരിശോധനയ്ക്കു ലഭിക്കും.
ഒന്നാം സെമസ്റ്റർ എംഎസ്സി മാത്തമാറ്റിക്സ് (സിസിഎസ്എസ്) വാചാ പരീക്ഷകൾ
ഒന്നാം സെമസ്റ്റർ എംഎഎസ്സി മാത്തമാറ്റിക്സ് ഡിഗ്രി (സിസിഎസ് എസ് റഗുലർനവംബർ 2016) യുടെ വാചാ പരീക്ഷകൾ 14ന് മാങ്ങാട്ടുപറന്പ് കാന്പസിലുള്ള പഠനവകുപ്പിൽ നടക്കും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.
ഫൈനൽ ബിഡിഎസ് പാർട്ട് രണ്ട് ഡിഗ്രി പ്രായോഗിക പരീക്ഷ
ഫൈനൽ ബിഡിഎസ് പാർട്ട് രണ്ട് ഡിഗ്രി (സപ്ലിമെന്ററി ഡിസംബർ 2016)യുടെ പ്രായോഗിക പരീക്ഷകൾ 14, 16, 17, 27 തീയതികളിൽ അഞ്ചരക്കണ്ടി ഡെന്റൽ കോളജിൽ നടക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
ഒന്നാം സെമസ്റ്റർ എംഎസ്സി കെമിസ്ട്രി (സിസിഎസ്എസ്) പ്രായോഗിക പരീക്ഷ
ഒന്നാം സെമസ്റ്റർ എംഎസ്സി കെമിസ്ട്രി ഡിഗ്രി (സിസിഎസ്എസ് റെഗുലർ നവംബർ 2016) യുടെ പ്രായോഗിക പരീക്ഷകൾ 17, 18 തീയതികളിൽ പയ്യന്നൂർ കാന്പസിലുള്ള പഠന വകുപ്പിൽ നടക്കും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.
മൂന്നാം സെമസ്റ്റർ ബിപിഎഡ്, എംപിഎഡ് പരീക്ഷകൾ
കണ്ണൂർ സർവകലാശാലയുടെ മൂന്നാം സെമസ്റ്റർ ബിപിഎഡ്, എംപിഎഡ് (റഗുലർ, സപ്ലിമെന്ററി ഡിസംബർ 2016) ഡിഗ്രി പരീക്ഷകൾ 27ന് ആരംഭിക്കും. അപേക്ഷകൾ പിഴകൂടാതെ 14 വരെയും 150 രൂപ പിഴയോടെ 15 വരെയും സമർപ്പിക്കാം. അപേക്ഷയോടൊപ്പം എപിസി, ചലാൻ എന്നിവ 16 നകം സർവകലാശാലയിൽ എത്തിക്കണം.
എംഎ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷാഫലം
കണ്ണൂർ സർവകലാശാലയുടെ രണ്ടാം സെമസ്റ്റർ എംഎ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ (റഗുലർ, ഇംപ്രൂവ്മെന്റ്, സപ്ലിമെന്ററി), മാർച്ച് 2016 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.