മൂന്നാം സെമസ്റ്റർ ഡിഗ്രി പരീക്ഷാഫലം
കണ്ണൂർ സർവകലാശാലയുടെ മൂന്നാം സെമസ്റ്റർ ബിഎസ് സി , ബികോം, ബിസിഎ, ബിബിഎ, ബിബിഎടിടിഎം, ബിബിഎആർടിഎം(റഗുലർ, സപ്ലിമെന്ററി, ഇംപ്രൂവ്മെന്റ് നവംബർ 2016) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഫോട്ടോകോപ്പി എന്നിവയ്ക്കുള്ള ഓണ്ലൈൻഅപേക്ഷകൾ വെബ്സൈറ്റിൽ നിന്നും ഡൗണ്ലോഡ് ചെയ്തു മാർക്ക് ലിസ്റ്റിന്റെ സ്വയംസാക്ഷ്യപ്പെടുത്തിയ പകർപ്പിനൊപ്പം 17 വരെ സ്വീകരിക്കും.
നാലാം സെമസ്റ്റർ എംബിഎ പരീക്ഷാഫലം
നാലാം സെമസ്റ്റർ എംബിഎ (ജൂലൈ 2016) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
അഡീഷണൽ ചീഫ് സൂപ്രണ്ട് നിയമനം
മാർച്ച്, ഏപ്രിൽ, മേയ് മാസങ്ങളിൽ നടക്കുന്ന പരീക്ഷകൾക്ക് വിവിധ സ്വാശ്രയ കോളജുകൾ, വിദൂര വിദ്യാഭ്യാസ വിഭാഗം വിദ്യാർഥികളുടെ കോളജിതര പരീക്ഷാ കേന്ദ്രം എന്നിവിടങ്ങളിൽ അഡീഷണൽ ചീഫ് സൂപ്രണ്ടായി നിയമിക്കപ്പെടാൻ താത്പര്യമുള്ള സർക്കാർ, എയ്ഡഡ് കോളജ് അധ്യാപകർ നിശ്ചിത ഫോറത്തിൽ തയാറാക്കിയ തങ്ങളുടെ അപേക്ഷകൾ അതത് കോളജ് പ്രിൻസിപ്പൽമാർ മുഖേന 18നകം പരീക്ഷാകണ്ട്രോളർക്കു മുന്പാകെ സമർപ്പിക്കണം. കൂടുതൽ വിവരങ്ങളും അപേക്ഷാ ഫോറവും സർവകലാശാലാ വെബ്സൈറ്റിൽ ലഭിക്കും.
അഫ്സൽഉൽഉലമ പ്രിലിമിനറി രജിസ്ട്രേഷൻ
ഏപ്രിൽ മാസം നടത്തുന്ന രണ്ടാം വർഷ അഫ്സൽഉൽഉലമ പ്രിലിമിനറിപരീക്ഷയ്ക്ക് രജിസ്റ്റർ ചെയ്യുന്ന വിദ്യാർഥികൾ ( 2016 അഡ്മിഷൻ ഒഴികെ) അവരുടെ ഒന്നാം വർഷ പരീക്ഷാഫലത്തിൽ ഏതെങ്കിലും പേപ്പറിന് ഇ ഗ്രേഡാണ് ലഭിച്ചിട്ടുള്ളതെങ്കിൽ രണ്ടാം വർഷത്തോടൊപ്പം പ്രസ്തുത പേപ്പർ കൂടി നിർബന്ധമായും രജിസ്റ്റർ ചെയ്യണം.