ഒന്നും രണ്ടും വർഷ ബിഎസ് സി-എംആർടി പരീക്ഷാഫലം
കണ്ണൂർ സർവകലാശാലയുടെ ഒന്നും രണ്ടും വർഷ ബിഎസ്സി മെഡിക്കൽ റേഡിയോളജിക്കൽ ടെക്നോളജി (സപ്ലിമെന്ററിസെപ്റ്റംബർ 2015) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയത്തിനും സൂക്ഷ്മപരിശോധനയ്ക്കുമുള്ള അപേക്ഷകൾ ജൂണ് 12 വരെ സർവകലാശാലയിൽ സ്വീകരിക്കും.
കംപ്യൂട്ടർ പ്രോഗ്രാമറെ നിയമിക്കുന്നു
കണ്ണൂർ സർവകലാശാലയിൽ ഏകജാലക പ്രവേശനവുമായി ബന്ധപ്പെട്ട പ്രവൃത്തികൾ ചെയ്യാനായി ഒരു കംപ്യൂട്ടർ പ്രോഗ്രാമറെ നിയമിക്കുന്നു. കരാറടിസ്ഥാനത്തിൽ മൂന്നു മാസക്കാലത്തേക്കാണ് നിയമനം. ശന്പളം പ്രതിമാസം 20,000 രൂപ. എംസിഎ, എംഎസ് സി, കംപ്യൂട്ടർ സയൻസ്, കംപ്യൂട്ടർ സയൻസിലോ ഐടിയിലോ എംടെക് അഥവാ ബിടെക് ഇവയിലേതെങ്കിലും യോഗ്യതയുള്ള 35 വയസ് കവിയാത്തവർക്കാണ് അവസരം. താത്പര്യമുള്ളവർക്ക് ജൂണ് രണ്ടിന് രാവിലെ 9.30ന് മാങ്ങാട്ടുപറന്പ് കാന്പസിലെ ഐടി ഡിപ്പാർട്ട്മെന്റിൽ നടക്കുന്ന വാക്ക് ഇൻ ഇന്റർവ്യൂവിലും സ്കിൽ ടെസ്റ്റിലും പങ്കെടുക്കാം. ഉദ്യോർഥികൾ ബയോഡാറ്റയും സർട്ടിഫിക്കറ്റുകളുടെ ഒറിജിനലും ഒരു കോപ്പിയും ഇന്റർവ്യൂസമയത്ത് ഹാജരാക്കണം.
എംഎസ് സി കെമിസ്ട്രി പ്രവേശനം
കണ്ണൂർ യൂണിവേഴ്സിറ്റിയുടെ പയ്യന്നൂർ എടാട്ട് സ്വാമി ആനന്ദതീർഥ കാന്പസിൽ പ്രവർത്തിക്കുന്ന സ്കൂൾ ഓഫ് കെമിക്കൽസ് സയൻസസിൽ എംഎസ്സി കെമിസ്ട്രി (മെറ്റിരിയൽ സയൻസ്) കോഴ്സിലേക്ക് അപേക്ഷ ക്ഷണിച്ചു. പ്രവേശന പരീക്ഷയിൽ ലഭിക്കുന്ന മാർക്കിന്റെ അടിസ്ഥാനത്തിലാണ് പ്രവേശനം. അപേക്ഷാഫോറവുഠ പ്രോസ്പെക്ടസും www.kannuruniverstiy.ac.in എന്ന വെബ്സൈറ്റിൽ നിന്ന് ഡൗണ്ലോഡ് ചെയ്യാം. അപേക്ഷ സമർപ്പിക്കേണ്ട അവസാന തീയതി ഇന്നാണ്. ജനറൽ വിഭാഗത്തിന് 400 രൂപയുഠ എസ് സി/ എസ്ടി വിഭാഗത്തിന് 250 രൂപയുമാണ് അപേക്ഷഫീസ്. വിലാസം. ഹെഡ്, സ്കൂൾ ഓഫ് കെമിക്കൽ സയൻസ്, കണ്ണൂർ യൂണിവേഴ്സിറ്റി, സ്വാമി ആനന്ദതീർഥ കാന്പസ്, എടാട്ട് പി.ഒ, പയ്യന്നൂർ, കണ്ണൂർ.670327.ഫോണ്: 04972806402.
യുജിസി നെറ്റ് (ജെആർഎഫ്/ലക്ചർഷിപ്പ്) പരീക്ഷാ പരിശീലനം
യുജിസി 2017 ജൂലൈയിൽ മാനവിക വിഷയങ്ങളിൽ നടത്തുന്ന നാഷണൽ എലിജിബിലിറ്റി ടെസ്റ്റ് (ജെആർഎഫ്/ലക്ചർഷിപ്പ്) പരീക്ഷയുടെ ജനറൽ പേപ്പറിന് (പേപ്പർഒന്ന്) കണ്ണൂർ യൂണിവേഴ്സിറ്റിയുടെ തലശേരി കാന്പസിലെ പാലയാട് ജൂൺ ആദ്യവാരം മുതൽ പത്തുദിവസത്തെ പരിശീലനക്ലാസ് നടത്തുന്നു. ക്ലാസിൽ പങ്കെടുക്കാൻ താത്പര്യമുള്ളവർ കോഴ്സ് ഫീസായി 1500 രൂപ (എസ് സി/എസ്ടി/ഭിന്നശേഷി വിഭാഗക്കാർ 750 രൂപ) കാന്പസിൽ പ്രവർത്തിക്കുന്ന യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ഇന്ന് പണമടച്ച് പേരുകൾ രജിസ്റ്റർ ചെയ്യണം. ഫോൺ: 0490 2348066, 9446657265.
തുടർ അഫിലിയേഷന് അപേക്ഷിക്കണം
201718 അധ്യയനവർഷത്തെ താത്കാലിക തുടർഅഫിലിയേഷൻ ഫീസ് അടച്ചിട്ടില്ലാത്ത എല്ലാ അഫിലിയേറ്റഡ് കോളജുകളും ജൂൺ ഒൻപതിനകം നിശ്ചിതഫീസ് ഫിനാൻസ് ഓഫീസർ, കണ്ണൂർ സർവകലാശാലയുടെ പേരിൽ എസ്ബിഐ കണ്ണൂർ യൂണിവേഴ്സിറ്റി ശാഖയിൽ മാറാവുന്ന ഡിഡി മുഖേന അടച്ച് താത്കാലിക തുടർ അഫിലിയേഷനുവേണ്ടി അപേക്ഷിക്കേണ്ടതാണ്.