ആറാം സെമസ്റ്റർ ബിഎ/ബിഎ അഫ്സൽ-ഉൽ-ഉലമ/ബിബിഎം/ ബിടിടിഎം/ബിഎസ്ഡബ്ല്യു ഡിഗ്രി പരീക്ഷാഫലം
കണ്ണൂർ സർവകലാശാലയുടെ ആറാം സെമസ്റ്റർ ബിഎ/ബിഎ അഫ്സൽഉൽഉലമ/ ബിബിഎം/ബിടിടിഎം/ബിഎസ്ഡബ്ല്യു (സിബിസിഎസ്എസ്/സിസിഎസ്എസ് റഗുലർ/ സപ്ലിമെന്ററി/ഇംപ്രൂവ്മെന്റ് മേയ് 2017) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പരീക്ഷയ്ക്ക് ഹാജരായ എല്ലാ വിദ്യാർഥികളുടെയും ഗ്രേഡ്കാർഡുകളും പരീക്ഷയിൽ വിജയികളായ എല്ലാ വിദ്യാർഥികളുടെയും പ്രൊവിഷണൽ സർട്ടിഫിക്കറ്റുകളും നൽകുന്നതിനുള്ള തീയതി പിന്നീട് അറിയിക്കും. പുനഃപരിശോധന/ സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള ഓണ്ലൈൻ അപേക്ഷകൾ ജൂലൈ മൂന്നു വരെ സ്വീകരിക്കും.
നാലും രണ്ടും സെമസ്റ്റർ എംബിഎ പരീക്ഷകൾ
നാലും രണ്ടും സെമസ്റ്റർ എംബിഎ (റഗുലർ/സപ്ലിമെന്ററി/ഇംപ്രൂവ്മെന്റ് ജൂലൈ 2017) ഡിഗ്രി പരീക്ഷകൾ യഥാക്രമം ജൂലൈ 19, 28 തീയതികളിൽ ആരംഭിക്കും. നാലാം സെമസ്റ്റർ പരീക്ഷയ്ക്കുള്ള ഓണ്ലൈൻ അപേക്ഷകൾ പിഴകൂടാതെ ഈമാസം 28 മുതൽ ജൂലൈ ഒന്നു വരെയും 150 രൂപ പിഴയോടെ ജൂലൈ നാലു വരെയും സമർപ്പിക്കാം. രണ്ടാം സെമസ്റ്റർ പരീക്ഷയ്ക്കുള്ള ഓണ്ലൈൻ അപേക്ഷകൾ പിഴകൂടാതെ ജൂലൈ 10 മുതൽ 13 വരെയും 150 രൂപ പിഴയോടെ 15 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം ചലാൻ, എപിസി എന്നിവ യഥാക്രമം ജൂലൈ 7, 18 തീയതികൾക്കകം സർവകലാശാലയിൽ എത്തിക്കണം. ഫീസുകൾ ഇപ്രകാരമാണ്: തിയറി പേപ്പറൊന്നിന് 130 രൂപ (സപ്ലിമെന്ററി/ഇംപ്രൂവ്മെന്റ് 180), ഡിസർട്ടേഷൻ/പ്രോജക്ട് 460, വൈവ 160, മാർക്ക് ലിസ്റ്റ് 60, സിവി ക്യാന്പ് ഫീസ് 150, ആപ്ലിക്കേഷൻ ഫോം ഫീസ് 40 രൂപ.
മാറ്റിവച്ച രണ്ടാം സെമസ്റ്റർ എംടെക് പരീക്ഷകൾ
നേരത്തെ മാറ്റിവച്ച രണ്ടാം സെമസ്റ്റർ എംടെക് (സപ്ലിമെന്ററി ജൂണ് 2016) ഡിഗ്രിയുടെ പേപ്പർ CAS 202 തിയറി ഓഫ് പ്ലേറ്റ്സ് ആൻഡ് ഷെൽസ്, MTE/MTF 203 മെഷർമെന്റ്സ് ഇൻ തെർമൽ എൻജിനീയറിംഗ്, VDSP204(A) VLSI സിഗ്നൽ പ്രോസസിംഗ് പരീക്ഷകൾ ജൂലൈ അഞ്ചിന് നടക്കും. പരീക്ഷാസമയത്തിൽ മാറ്റമില്ല.
രണ്ടാം വർഷ പിജി (വിദൂര വിദ്യാഭ്യാസം) പരീക്ഷ അപേക്ഷാ തീയതി നീട്ടി
കണ്ണൂർ സർവകലാശാലയുടെ രണ്ടാം വർഷ എംഎ/എംഎസ്സി/എംകോം (വിദൂര വിദ്യാഭ്യാസം റഗുലർ/സപ്ലിമെന്ററി/ഇംപ്രൂവ്മെന്റ് ജൂണ് 2017) ഡിഗ്രി പരീക്ഷകൾക്കുള്ള അപേക്ഷകൾ പിഴകൂടാതെ 27 വരെയും 150 രൂപ പിഴയോടെ 30 വരെയും സ്വീകരിക്കും.