കണ്ണൂർ സർവകലാശാലയുടെ നേരത്തെ അപേക്ഷ ക്ഷണിച്ച ഒന്നും രണ്ടും മൂന്നും വർഷ ഡിഗ്രി പാർട്ട് ഒന്ന്, പാർട്ട് രണ്ട് + പാർട്ട് മൂന്ന് മെയിൻ (2008ഉം അതിനു മുന്പുമുള്ള അഡ്മിഷൻ വിദൂര വിദ്യാഭ്യാസം ഉൾപ്പെടെ, 2009 + 2010 അഡ്മിഷൻ വിദൂര വിദ്യാഭ്യാസം മാത്രം) പരീക്ഷകൾ ഓഗസ്റ്റ് രണ്ടിന് ആരംഭിക്കും. പരീക്ഷയുടെ ടൈംടേബിൾ, പരീക്ഷാകേന്ദ്രങ്ങൾ തുടങ്ങിയ വിവരങ്ങൾ പിന്നീട് അറിയിക്കും.
പിജി (വിദൂര വിദ്യാഭ്യാസം) പരീക്ഷകൾ 21 മുതൽ നേരത്തെ അപേക്ഷ ക്ഷണിച്ച അവസാന വർഷ എംഎ/എംഎസ്സി വിദൂര വിദ്യാഭ്യാസം റഗുലർ/സപ്ലിമെന്ററി/ഇംപ്രൂവ്മെന്റ് ജൂണ് 2017) പരീക്ഷകൾ 21ന് ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
അവസാന വർഷ ബിഡിഎസ് പാർട്ട് രണ്ട് പരീക്ഷകൾ ഈ മാസം 14ന് ആരംഭിക്കുന്ന അവസാന വർഷ ബിഡിഎസ് പാർട്ട് രണ്ട് (സപ്ലിമെന്ററി 2008 അഡ്മിഷൻ മുതൽ മാത്രം ജൂണ് 2017) പരീക്ഷകളുടെ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
പ്രായോഗിക പരീക്ഷകൾ നാലാം സെമസ്റ്റർ ബിഎസ്സി ബോട്ടണി കോർ, കോംപ്ലിമെന്ററി (റഗുലർ/ സപ്ലിമെന്ററി മേയ് 2017) ഡിഗ്രിയുടെ പ്രായോഗിക പരീക്ഷകൾ 10 മുതൽ വിവിധ കേന്ദ്രങ്ങളിൽ ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
നാലാം സെമസ്റ്റർ ബിടിടിഎം പ്രായോഗിക/വാചാ പരീക്ഷ നാലാം സെമസ്റ്റർ ബിടിടിഎം (മേയ് 2017) ഡിഗ്രിയുടെ പ്രായോഗിക/വാചാ പരീക്ഷ 11, 12 തീയതികളിൽ വിവിധ കേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ ലഭ്യമാണ്.
പിജി പ്രവേശന റാങ്ക് ലിസ്റ്റ് കണ്ണൂർ സർവകലാശാലയുടെ കീഴിലുള്ള വിവിധ പഠനവകുപ്പുകളായ ലീഗൽ സ്റ്റഡീസ്, മലയാളം, മ്യൂസിക്, ലൈഫ് സയൻസ്, അപ്ലൈഡ് ഇക്കണോമിക്സ് എന്നീ പിജി പ്രോഗ്രാമുകളുടെ പ്രവേശന പരീക്ഷാ (2017 അഡ്മിഷൻ) റാങ്ക്ലിസ്റ്റ് സർവകലാശാല വെബ്സൈറ്റിൽ ലഭ്യമാണ്.
സ്വാശ്രയ/അൺഎയ്ഡഡ് കോളജുകളുടെ വിവരങ്ങൾ നൽകണം കേരളത്തിലെ സ്വാശ്രയ വിദ്യാഭ്യാസ സ്ഥാപനങ്ങളിലെ പ്രശ്നങ്ങൾ അന്വേഷിക്കുന്നതിന് നിയമിക്കപ്പെട്ട ഉന്നതതല കമ്മീഷൻ കണ്ണൂർ സർവകലാശാലയുടെ കീഴിലുള്ള സ്വാശ്രയ/അൺ എയ്ഡഡ് കോളജുകളെ സംബന്ധിച്ച വിവിധ വിവരങ്ങൾ ആവശ്യപ്പെട്ടിട്ടുണ്ട്. ഇതുമായി ബന്ധപ്പെട്ട വിവരങ്ങൾ ശേഖരിക്കുന്നതിന് കമ്മീഷൻ അയച്ചുതന്ന ഫോം കണ്ണൂർ സർവകലാശാല ഔദ്യോഗിക വെബ്സൈറ്റിൽ ലഭ്യമാണ്. ഫോറം പൂരിപ്പിച്ച് എട്ടിനകം കമ്മീഷന്റെ ഇമെയിലിൽ (
[email protected]) അയയ്ക്കണം.
അപേക്ഷാതീയതി നീട്ടി കണ്ണൂർ സർവകലാശാലയുടെ കീഴിലുള്ള ആർട്സ് ആൻഡ് സയൻസ് കോളജുകളിലെ പിജി കോഴ്സുകളിലേക്ക് പ്രവേശനത്തിന് അപേക്ഷിക്കേണ്ട അവസാന തീയതി 20 വരെ നീട്ടി.
ബിരുദപ്രവേശനം നാലാം അലോട്ട്മെന്റ് കണ്ണൂർ സർവകലാശാലയുടെ ബിരുദ ഏകജാലക പ്രവേശനത്തിനുള്ള നാലാം അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ച അപേക്ഷകർ സർവകലാശാല ഫീസ് എസ്ബിഐ കളക്ട് മുഖേന മാത്രം അടച്ച് ഫീസ് അടച്ച വിവരങ്ങൾ വെബ്സൈറ്റിൽ ലോഗിൻ ചെയ്ത് 10ന് വൈകുന്നേരം അഞ്ചിനകം അപ്ലോഡ് ചെയ്യണം. അല്ലാത്തപക്ഷം ലഭിച്ച അലോട്ട്മെന്റ് റദ്ദാകും. ഒന്ന്, രണ്ട്, മൂന്ന് അലോട്ട്മെന്റുകളിൽ അലോട്ട്മെന്റ് ലഭിച്ച് സർവകലാശാല ഫീസ് അടച്ചവർ വീണ്ടും ഫീസ് അടയ്ക്കേണ്ടതില്ല.
കോളജ് പ്രവേശനം അലോട്ട്മെന്റ് ലഭിച്ച വിദ്യാർഥികൾ 10, 11 തീയതികളിൽ അതത് കോളജുകളിൽ പ്രവേശനം നേടണം. അലോട്ട്മെന്റ് മെമ്മോ വെബ്സൈറ്റിൽനിന്നും ലഭിക്കും. ഓൺലൈൻ അപേക്ഷയുടെ പ്രിന്റ് ഔട്ട്, അലോട്ട്മെന്റ് മെമ്മോ, ഫീസടച്ച വിവരങ്ങൾ അടങ്ങിയ പ്രിന്റ് ഔട്ടുകൾ, യോഗ്യത തെളിയിക്കുന്ന സർട്ടിഫിക്കറ്റുകൾ, സംവരണ സംബന്ധമായ മറ്റ് രേഖകൾ (നേറ്റിവിറ്റി, കമ്യൂണിറ്റി, നോൺ ക്രീമിലെയർ സർട്ടിഫിക്കറ്റ്, മെഡിക്കൽ ബോർഡ് അംഗീകരിച്ച ഡിസെബിലിറ്റി സർട്ടിഫിക്കറ്റ് തുടങ്ങിയവ) വെയിറ്റേജ് അനുവദിക്കുന്നതിന് ആവശ്യമായ രേഖകൾ (എൻഎസ്എസ്/എൻസിസി, എക്സ് സർവീസ്മെൻ തുടങ്ങിയവ), എസ്എസ്എൽസി ബുക്ക്, ആധാർ കാർഡ് എന്നിവ സഹിതം അതത് കോളജുകളിൽ ഹാജരാകണം. ഒന്ന്, രണ്ട്, മൂന്ന് അലോട്ട്മെന്റുകളിൽ താത്കാലിക പ്രവേശനം നേടിയ വിദ്യാർഥികൾക്ക് നാലാമത്തെ അലോട്ട്മെന്റിൽ ഹയർ ഓപ്ഷൻ ലഭിച്ചിട്ടുണ്ടെങ്കിൽ ഇപ്പോൾ അലോട്ട്മെന്റ് ലഭിച്ച കോളജിൽ പ്രവേശനം നേടണം. നാലാമത്തെ അലോട്ട്മെന്റിൽ ഹയർ ഓപ്ഷൻ ലഭിക്കാത്ത താത്കാലിക പ്രവേശനം നേടിയ വിദ്യാർഥികൾ മുഴുവൻ ഫീസുകളും അടച്ച് അതത് കോളജുകളിൽ പ്രസ്തുത തീയതികളിൽത്തന്നെ സ്ഥിരം പ്രവേശനം നേടണം.