ഫൈനൽ ബിഡിഎസ് പാർട്ട് രണ്ട് ഹാൾ ടിക്കറ്റ്
14 ന് ആരംഭിക്കുന്ന ഫൈനൽ ബിഡിഎസ് പാർട്ട് രണ്ട് സപ്ലിമെന്ററി (2008 അഡ്മിഷൻ മുതൽ മാത്രം) പരീക്ഷയ്ക്ക് അപേക്ഷിച്ചിട്ടുള്ള വിദ്യാർഥികൾക്ക് അഞ്ചരക്കണ്ടി കണ്ണൂർ ഡെന്റൽ കോളജ് പരീക്ഷാകേന്ദ്രമായി അനുവദിച്ചു. അർഹരായ വിദ്യാർഥികൾ അവിടെനിന്ന് ഹാൾ ടിക്കറ്റ് കൈപ്പറ്റണം.
തുറന്ന സംവാദം
കണ്ണൂർ സർവകലാശാലയിൽ മലയാളത്തിൽ ഗവേഷണം നടത്തുന്ന പി.ആർ. ജയശീലൻ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിന്മേള്ള തുറന്ന സംവാദം (ഓപ്പണ് ഡിഫൻസ്) 17ന് രാവിലെ 11ന് ഡോ. പി.കെ രാജൻ മെമ്മോറിയൽ കാന്പസിലെ മലയാളം വിഭാഗത്തിൽ നടക്കും. പ്രസ്തുത പ്രബന്ധം സെമിനാറിന് മൂന്നുദിവസം മുന്പു മുതൽ ഡോ. പി.കെ. രാജൻ മെമ്മോറിയൽ കാന്പസിലെ മലയാളം വിഭാഗം ലൈബ്രറിയിൽ പരിശോധനയ്ക്കു ലഭിക്കും.
എംഎസ്സി മാത്തമാറ്റിക്സ് കോംപ്രിഹെൻസീവ് വൈവ, പ്രോജക്ട് ഇവാലുവേഷൻ
നാലാം സെമസ്റ്റർ എംഎസ്സി മാത്തമാറ്റിക്സ് (റഗുലർ,സപ്ലിമെന്ററി, ഇംപ്രൂവ്മെന്റ് മാർച്ച് 2017) ഡിഗ്രിയുടെ കോംപ്രിഹെൻസീവ് വൈവ, പ്രോജക്ട് ഇവാലുവേഷൻ 17, 18 തീയതികളിൽ വിവിധ കേന്ദ്രങ്ങളിൽ നടക്കും. രജിസ്റ്റർചെയ്ത വിദ്യാർഥികൾ അതത് കോളജുമായി ബന്ധപ്പെടണം.
നാലാം സെമസ്റ്റർ എംഎ ഹിന്ദി വൈവ വോസി
നാലാം സെമസ്റ്റർ എംഎ ഹിന്ദി (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2017) ഡിഗ്രിയുടെ വൈവവോസി 24ന് തലശേരി ഗവ. ബ്രണ്ണൻ കോളജിൽ നടക്കും. വിദ്യാർഥികൾ കോളജുമായി ബന്ധപ്പെടണം.
മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്റ് പ്രായോഗിക പരീക്ഷ, വൈവ വോസി
നാലാം സെമസ്റ്റർ മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്റ് (എംടിടിഎം) (റഗുലർ, സപ്ലിമെന്ററി, ഇംപ്രൂവ്മെന്റ് മാർച്ച് 2017) ഡിഗ്രിയുടെ പ്രായോഗിക പരീക്ഷ, വൈവ വോസി 14ന് മുന്നാട് പീപ്പിൾസ് കോഓപ്പറേറ്റീവ് ആർട്സ് ആൻഡ് സയൻസ് കോളജിൽ നടക്കും. വിദ്യാർഥികൾ കോളജുമായി ബന്ധപ്പെടണം.
കണ്ണൂർ സർവകലാശാലയിൽ വിവരാവകാശത്തിന് കോർട്ട് ഫീ സ്റ്റാന്പ് സ്വീകരിക്കില്ല
കണ്ണൂർ സർവകലാശാല ഓഫീസിൽ വിവരാവകാശ നിയമപ്രകാരം ലഭിക്കുന്ന അപേക്ഷകൾക്കൊപ്പം അപേക്ഷാഫീസ്, പകർപ്പ് ലഭ്യമാക്കുന്നതിനുള്ള മറ്റു ചെലവുകൾ എന്നിവയ്ക്കായി സർവകലാശാലയുടെ കറന്റ് അക്കൗണ്ടിൽ (അക്കൗണ്ട് നന്പർ. 57015176715) അടച്ച എസ്ബിഐ പേ ഇൻസ്ലിപ്പ്/ സർവകലാശാല ഫൈനാൻസ് ഓഫീസറുടെ പേരിലെടുത്ത എസ്ബിഐ താവക്കര കാന്പസിൽ മാറാൻ പറ്റുന്ന ഡിഡി/സർവകലാശാല ഫൈനാൻസ് ഓഫീസറുടെ പേരിലെടുത്ത ഇന്ത്യൻ പോസ്റ്റൽ ഓർഡർ/86580010296 (27) KUS എന്ന ഹെഡ് ഓഫ് അക്കൗണ്ടിൽ അടച്ച ട്രഷറി ചലാൻ എന്നിവയിൽ ഏതെങ്കിലും മാത്രമേ സ്വീകരിക്കുകയുള്ളൂ. കോർട്ട് ഫീ സ്റ്റാന്പ് വിവരാവകാശ നിയമവുമായി ബന്ധപ്പെട്ട സേവനങ്ങൾക്കു കണ്ണൂർ സർവകലാശാലയിൽ സ്വീകരിക്കുന്നതല്ല.
സേ/ഇംപ്രൂവ്മെന്റ് ഓൺലൈൻ രജിസ്ട്രേഷൻ
കണ്ണൂർ സർവകലാശാലയുടെ കീഴിലുള്ള ആർട്സ് ആൻഡ് സയൻസ് കോളജുകളിൽ ബിരുദ പ്രവേശനം നേടുന്നതിനായി സേ/ഇംപ്രൂവ്മെന്റ് പരീക്ഷ എഴുതിയവർക്ക് ഇന്നു വൈകുന്നേരം അഞ്ചുവരെ http://cap.kannuruniversity.ac.in എന്ന വെബ്സൈറ്റിൽ ഓൺലൈനായി രജിസ്റ്റർ ചെയ്യാം.
എംഎ ഭരതനാട്യം സീറ്റൊഴിവ്
കണ്ണൂര് സര്വകലാശാലയുടെ കീഴിലുള്ള പിലാത്തറ ലാസ്യ കോളജ് ഓഫ് ഫൈന് ആര്ട്സില് എംഎ ഭരതനാട്യം കോഴ്സില് പിന്നോക്ക വിഭാഗങ്ങള്ക്കു നീക്കിവച്ച രണ്ടു സീറ്റിലേക്ക് അപേക്ഷ ക്ഷണിച്ചു. ഏതെങ്കിലും വിഷയത്തില് ഡിഗ്രിയും ഭരതനാട്യത്തില് അഭിരുചിയുമുള്ളവര്ക്ക് അപേക്ഷിക്കാം. അപേക്ഷകര് അസല് സര്ട്ടിഫക്കറ്റ് സഹിതം ഓഫീസില് എത്തണം. ഫോണ്: 0497 2800976, 2801723.