എംഎ മ്യൂസിക് സീറ്റ് ഒഴിവ്
കണ്ണുർ സർവ്വകലാശാലയുടെ പയ്യന്നൂർ എടാട്ട് സ്വാമി ആനന്ദതീർഥ കാന്പസിൽ പ്രവർത്തിക്കുന്ന ഡിപ്പാർട്ട്മെന്‍റ് ഓഫ് മ്യൂസിക്കിൽ എംഎ മ്യൂസിക് കോഴ്സിൽ എസ്‌സി, എസ്ടി, ഒബിസി വിഭാഗം സീറ്റുകൾ ഒഴിവുണ്ട്. കൂടുതൽ വിവരങ്ങൾക്ക് ഹെഡ്, ഡിപ്പാർട്ട്മെന്‍റ് ഓഫ് മ്യൂസിക്, സ്വാമി ആനന്ദതീർതഥ കാന്പസ്, എടാട്ട് പിഒ, പയ്യന്നൂർ എന്ന വി ലാസത്തിലോ, 04972806404 എന്ന ഫോണ് നന്പരിലോ ബന്ധപ്പെടണം.
അവസാന വർഷ ഡിഗ്രി (വിദൂര വിദ്യാഭ്യാസം) പരീക്ഷാഫലം
കണ്ണൂർ സർവകലാശാലയുടെ വിദൂര വിദ്യാഭ്യാസ വിഭാഗത്തിലെ അവസാന വർഷ ബിഎസ്‌സി മാത്‌സ്/ബിഎ ഇംഗ്ലീഷ്, മലയാളം, സോഷ്യോളജി, ഹിസ്റ്ററി, പൊളിറ്റിക്കൽ സയൻസ്, ആന്ത്രപ്പോളജി (റഗുലർ 2014 പ്രവേശനം സപ്ലിമെന്‍ററി/ഇംപ്രൂവ്മെന്‍റ് 2013ഉം അതിനു മുന്പും മാർച്ച് 2017), അവസാന വർഷ ബിബിഎ/ബികോം/ബിസിഎ/ബിഎ അഫ്സൽഉൽഉലമ/ബിഎ ഇക്കണോമിക്സ് (റഗുലർ 2014 പ്രവേശനം മാത്രം മാർച്ച് 2017) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം/സൂക്ഷ്മപരിശോധന/ഫോട്ടോകോപ്പി എന്നിവയ്ക്കുള്ള ഓണ്‍ലൈൻ അപേക്ഷകൾ 27 വരെ സ്വീകരിക്കും. ഗ്രേഡ്കാർഡുകൾ, പ്രൊവിഷണൽ സർട്ടിഫിക്കറ്റ് എന്നിവ നൽകുന്ന തീയതി പിന്നീട് അറിയിക്കുന്നതാണ്.
പിജിഡിസിപി ഹാൾടിക്കറ്റ്
ഈ മാസം 19ന് ആരംഭിക്കുന്ന രണ്ടാം സെമസ്റ്റർ പിജിഡിസിപി (മേയ് 2017) പരീക്ഷയുടെ ഹാൾടിക്കറ്റുകൾ അതത് പരീക്ഷാ കേന്ദ്രങ്ങളിൽ നിന്ന് ലഭ്യമാണ്.
എംഎസ്‌സി ബയോടെക്നോളജി/മൈക്രോബയോളജി പ്രായോഗിക പരീക്ഷകൾ
കണ്ണൂർ സർവകലാശാലയുടെ രണ്ടാം സെമസ്റ്റർ എംഎസ്‌സി ബയോടെക്നോളജി/മൈക്രോബയോളജി (റഗുലർ/സപ്ലിമെന്‍ററി/ഇംപ്രൂവ്മെന്‍റ് മാർച്ച് 2017) ഡിഗ്രിയുടെ പ്രായോഗിക പരീക്ഷകൾ 17 മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
രണ്ടാം സെമസ്റ്റർ ബിടിടിഎം പ്രായോഗിക/വാചാ പരീക്ഷ
രണ്ടാം സെമസ്റ്റർ ബിടിടിഎം (സിബിസിഎസ്എസ് മേയ് 2017) ഡിഗ്രിയുടെ പ്രായോഗിക/വാചാ പരീക്ഷകൾ 18, 19 തീയതികളിൽ വിവിധ കേന്ദ്രങ്ങളിൽ നടത്തും. വിശദ‌വിവരങ്ങൾ വെബ്സൈറ്റിൽ ലഭ്യമാണ്.
ബിഎസ്‌സി കംപ്യൂട്ടർ സയൻസ് പ്രായോഗിക പരീക്ഷകൾ
കണ്ണൂർ സർവകലാശാലയുടെ രണ്ടും നാലും സെമസ്റ്റർ ബിഎസ്‌സി കംപ്യൂട്ടർ സയൻസ് കോർ, കോംപ്ലിമെന്ററി (റഗുലർ/സപ്ലിമെന്‍ററി മേയ് 2017) ഡിഗ്രിയുടെ പ്രായോഗിക പരീക്ഷകൾ 17 മുതൽ വിവിധ കേന്ദ്രങ്ങളിൽ ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.