മൂല്യനിർണയ ക്യാന്പ് മാറ്റിവച്ചു
കണ്ണൂർ സർവകലാശാലയുടെ ബിരുദാനന്തര ബിരുദ പരീക്ഷകളുടെ 17 മുതൽ ആരംഭിക്കാനിരുന്ന എല്ലാ കേന്ദ്രീകൃത മൂല്യനിർണയ ക്യാന്പുകളും മാറ്റിവച്ചു. പുതുക്കിയ തീയതി സർവകലാശാലാ വെബ് സൈറ്റിൽ പിന്നീട് പ്രസിദ്ധീകരിക്കും.
മാറ്റിവച്ച നാലാം സെമസ്റ്റർ ബിടിടിഎം പരീക്ഷ 21ന്
കണ്ണൂർ സർവകലാശാലയുടെ നേരത്തെ മാറ്റിവച്ച നാലാം സെമസ്റ്റർ ബിടിടിഎം (സപ്ലിമെന്ററി 2013 നും അതിനു മുന്പുമുള്ള അഡ്മിഷൻ) ഡിഗ്രിയുടെ എയർഫെയർസ് ആൻഡ് ടിക്കറ്റിംഗ് പരീക്ഷ 21ന് നടത്തും. പരീക്ഷാസമയത്തിൽ മാറ്റമില്ല.
നാലാം സെമസ്റ്റർ വൈവ വോസി
നാലാം സെമസ്റ്റർ എംഎസ്സി മെഡിക്കൽ ബയോകെമിസ്ട്രി/ മൈക്രോബയോളജി (റഗുലർ/സപ്ലിമെന്ററി സെപ്റ്റംബർ 2016) ഡിഗ്രിയുടെ പ്രായോഗിക പരീക്ഷകൾ/വൈവ വോസി 19, 20, 21, 25 തീയതികളിൽ പാലയാട് സ്കൂൾ ഓഫ് ഹെൽത്ത് സയൻസസിൽ നടത്തും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.
പിജി പരീക്ഷാ ടൈംടേബിൾ
പഠനവകുപ്പുകളിലെ നാലാംസെമസ്റ്റർ മാസ്റ്റർ ഓഫ് ലൈബ്രറി ആൻഡ് ഇൻഫർമേഷൻ സയൻസ് (സിസിഎസ്എസ് റഗുലർ/സപ്ലിമെന്ററിഏപ്രിൽ 2017), നാലാം സെമസ്റ്റർ എംഎ/എംഎസ് സി/എംസിജെ (റഗുലർ/സപ്ലിമെന്ററിഏപ്രിൽ 2017) പരീക്ഷകളുടെ ടൈടേബിൾ സർവകലാശാല വെബ്സൈറ്റിൽ ലഭ്യമാണ്.