കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഐടി ഡിപ്പാർട്ട്മെന്റിൽ എംസിഎ (റെഗുലർ/ലാറ്ററൽ), വിവിധ ഐടി സെന്ററുകളിൽ എംസിഎ (റെഗുലർ) കോഴ്സുകളിൽ പട്ടികജാതി/പട്ടികവർഗ വിഭാഗത്തിൽ ഏതാനും സീറ്റുകളുടെ ഒഴിവുണ്ട്. യോഗ്യരായ വിദ്യാർഥികൾ എല്ലാ അസൽ സർട്ടിഫിക്കറ്റുകളും സഹിതം 31 ന് രാവിലെ 10 ന് മാങ്ങാട്ടുപറന്പ് കാന്പസിലെ ഐടി ഡിപ്പാർട്ട്മെന്റിൽ ഹാജരാകണം. എൻട്രൻസ് പരീക്ഷ എഴുതാത്ത വിദ്യാർഥികളെയും പരിഗണിക്കും.
ബിടെക് പ്രായോഗിക പരീക്ഷകൾ
നാലാം സെമസ്റ്റർ ബിടെക് ഡിഗ്രി സപ്ലിമെന്ററി/ഇംപ്രൂവ്മെന്റ് മേയ് 2017 ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ് വിഭാഗം പ്രായോഗിക പരീക്ഷകൾ ഓഗസ്റ്റ് ഒന്നു മുതൽ 10 വരെ വിവിധ കേന്ദ്രങ്ങളിൽ നടത്തും. ബിടെക് ആറാം സെമസ്റ്റർ റഗുലർ/സപ്ലിമെന്ററി മേയ് 2017 ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ് വിഭാഗം പ്രായോഗിക പരീക്ഷകൾ ജൂലൈ 31 മുതൽ ഓഗസ്റ്റ് അഞ്ചു വരെ വിവിധ കേന്ദ്രങ്ങളിൽ നടത്തപ്പെടുന്നതാണ്. പരീക്ഷയ്ക്ക് അപേക്ഷിച്ച വിദ്യാർഥികൾ അതാതു പരീക്ഷാകേന്ദ്രങ്ങളുമായി ബന്ധപ്പെടേണ്ടതാണ്.