എംഎസ്സി മെഡിക്കൽ മൈക്രോബയോളജി/ബയോകെമിസ്ട്രി പരീക്ഷകൾ
കണ്ണൂർ സർവകലാശാലയുടെ പാർട്ട്രണ്ട് ഒന്നാം സെമസ്റ്റർ എംഎസ്സി മെഡിക്കൽ മൈക്രോബയോളജി/ബയോകെമിസ്ട്രി (സിസിഎസ്എസ്റഗുലർ/സപ്ലിമെന്ററിമാർച്ച് 2017) പരീക്ഷകൾ ഒക്ടോബർ 13ന് ആരംഭിക്കും. അപേക്ഷകൾ പിഴകൂടാതെ ഈമാസം 18 വരെയും 150 രൂപ പിഴയോടെ 22 വരെയും സമർപ്പിക്കാം. അപേക്ഷയോടൊപ്പം എപിസി, ചലാൻ എന്നിവ 26നകം സർവകലാശാലയിൽ എത്തിക്കണം. ഫീസ് നിരക്ക് ഇപ്രകാരമാണ്: തിയറി 130 രൂപ പേപ്പറൊന്നിന് (സപ്ലി: 180), പ്രാക്ടിക്കൽ 510 (സപ്ലി: 510), ഡിസർട്ടേഷൻ/പ്രോജക്ട് 760, വൈവ 160, ആപ്ലിക്കേഷൻ ഫീസ് 40 രൂപ. ഡൗണ്ലോഡ് ചെയ്തെടുക്കുന്ന അപേക്ഷാഫോമിന് 40 രൂപയുടെ ചലാൻ അടയ്ക്കേണ്ടതാണ്.
ഒന്നാംവർഷ പിജി പരീക്ഷാ ടൈംടേബിൾ
18ന് ആരംഭിക്കുന്ന ഒന്നാംവർഷ എംഎ/എംഎസ്സി/ എംകോം (വിദൂര വിദ്യാഭ്യാസംറഗുലർ/സപ്ലിമെന്ററി/ഇംപ്രൂവ്മെന്റ് ജൂണ് 2017) ഡിഗ്രി പരീക്ഷകളുടെ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
രണ്ടാം സെമസ്റ്റർ എംഎഡ് പരീക്ഷകൾ ഒക്ടോബർ നാല് മുതൽ
രണ്ടാം സെമസ്റ്റർ എംഎഡ് ഡിഗ്രി (റഗുലർ/സപ്ലിമെന്ററി/ഇംപ്രൂവ്മെന്റ്ഏപ്രിൽ 2017) പരീക്ഷകൾ ഓക്ടോബർ നാലിന് ആരംഭിക്കും. ഓണ്ലൈൻ അപേക്ഷകൾ പിഴകൂടാതെ ഈമാസം 13 മുതൽ 15 വരെയും 150 രൂപ പിഴയോടെ 18 വരെയും സമർപ്പിക്കാം. അപേക്ഷയുടെ പ്രിന്റൗട്ടിനോടൊപ്പം ചലാൻ, എപിസി എന്നിവ 20നകം സർവകലാശാലയിൽ എത്തിക്കണം. ഫീസ് നിരക്ക് ഇപ്രകാരമാണ്: ആപ്ലിക്കേഷൻ ഫീസ് 40 രൂപ, തിയറി (റഗുലർ) 130 രൂപ പേപ്പറൊന്നിന്, ഡിസർട്ടേഷൻ/പ്രോജക്ട് 460, വൈവ 90, മാർക്ക് ലിസ്റ്റ് 60, സിവി ക്യാന്പ് ഫീസ് 150. സർവകലാശാല വെബ്സൈറ്റിൽനിന്നും ഡൗണ്ലോഡ് ചെയ്തെടുത്ത അപേക്ഷാഫോമിനു 40 രൂപയുടെ ചലാൻ അധികമായി അടയ്ക്കേണ്ടതാണ്.
എംഎസ്സി ഫിസിക്സ് പ്രവേശനം
കണ്ണൂർ സർവകലാശാല ഫിസിക്സ് വിഭാഗത്തിൽ എംഎസ്സി ഫിസിക്സിൽ എസ്ടി വിഭാഗക്കാർക്ക് സീറ്റൊഴിവുണ്ട്. യോഗ്യരായവർ അസൽ രേഖകൾ സഹിതം പയ്യന്നൂർ സ്വാമി ആനന്ദതീർഥ കാന്പസിൽ പ്രവർത്തിക്കുന്ന ഫിസിക്സ് വകുപ്പിൽ എട്ടിനു രാവിലെ 10.30 ന് ഹാജരാകണം.