ഓറിയന്റേഷൻ ക്ലാസ് നാളെ
സർവകലാശാല വിദൂര വിദ്യാഭ്യാസ വിഭാഗം മൂന്നാം വർഷ ബിഎ ഹിസ്റ്ററിയുടെ പ്രോജക്ട് ഓറിയന്റേഷൻ ക്ലാസ് നാളെ കാഞ്ഞങ്ങാട് നെഹ്റു ആർട്സ് ആൻഡ് സയൻസ് കോളജിൽ നടത്തും.
പ്രായോഗിക പരീക്ഷകൾ
കണ്ണൂർ സർവകലാശാലയുടെ രണ്ടാം സെമസ്റ്റർ എംഎസ്സി വുഡ് സയൻസ് ആൻഡ് ടെക്നോളജി (സിസിഎസ്എസ്റഗുലർ/സപ്ലിമെന്ററിമേയ് 2017) ഡിഗ്രിയുടെ പ്രായോഗിക പരീക്ഷകൾ 25ന് (രാവിലെ 9.30 മുതൽ 12.30 വരെ) വളപട്ടണം വെസ്റ്റേണ് ഇന്ത്യ പ്ലൈവുഡ് ലിമിറ്റഡിലും 27ന് (രാവിലെ 9.30 മുതൽ 12.30 വരെ) മാങ്ങാട്ടുപറന്പ് കാന്പസിലെ വുഡ് സയൻസ് ആൻഡ് ടെക്നോളജി ഡിപ്പാർട്ട്മെന്റിലും നടത്തും. പരീക്ഷയ്ക്കു രജിസ്റ്റർ ചെയ്ത മുഴുവൻ വിദ്യാർഥികളും പരീക്ഷാകേന്ദ്രവുമായി ബന്ധപ്പെടണം.
മൂന്നാം സെമസ്റ്റർ ബിരുദ പരീക്ഷകളുടെ അപേക്ഷാതീയതി നീട്ടി
കണ്ണൂർ സർവകലാശാലയുടെ മൂന്നാം സെമസ്റ്റർ ബിഎ/ബിഎസ്സി/ബികോം/ബിസിഎ/ബിബിഎ/ബിബിഎടിടിഎം/ബിബിഎആർടിഎം/ബിഎ ടിടിഎം/ബിബിഎം/ബിഎസ്ഡബ്ല്യു/ബിഎ അഫ്സൽഉൽഉലമ ഡിഗ്രി (റഗുലർ/സപ്ലിമെന്ററി/ഇംപ്രൂവ്മെന്റ്നവംബർ 2017) പരീക്ഷകൾക്കുള്ള അപേക്ഷാതീയതി പിഴകൂടാതെ 26 വരെയും 150 രൂപ പിഴയോടെ 28 വരെയും നീട്ടിയതായി പരീക്ഷാ കണ്ട്രോളർ അറിയിച്ചു.
അഡീഷണൽ ചീഫ് സൂപ്രണ്ട് നിയമനം
കണ്ണൂർ സർവകലാശാലയുടെ ഒക്ടോബർ/നവംബർ/ഡിസംബർ മാസങ്ങളിൽ നടക്കുന്ന പരീക്ഷകൾക്കു വിവിധ സ്വാശ്രയ കോളജുകളിൽ അഡീഷണൽ ചീഫ് സൂപ്രണ്ടായി നിയമിക്കാൻ താത്പര്യമുള്ള ഗവ.എയ്ഡഡ് കോളജ് അധ്യാപകർ നിശ്ചിത ഫോറത്തിൽ തയാറാക്കിയ തങ്ങളുടെ അപേക്ഷകൾ അതത് കോളജ് പ്രിൻസിപ്പൽമാർ മുഖേന ഒക്ടോബർ 12 നകം പരീക്ഷാ കണ്ട്രോളർക്കു മുന്പാകെ സമർപ്പിക്കണം. കൂടുതൽ വിവരങ്ങളും അപേക്ഷാഫോറവും സർവകലാശാല വെബ്സൈറ്റിൽ ലഭ്യമാണ്.
എംഎസ്ഡബ്ല്യു, എംസിജെ പരീക്ഷകൾ 25ന്
കഴിഞ്ഞ 18ന് നടത്താതെ മാറ്റിവച്ച രണ്ടാം സെമസ്റ്റർ എംഎസ്ഡബ്ല്യു, എംസിജെ (റഗുലർ/സപ്ലിമെന്ററി/ഇംപ്രൂവ്മെന്റ് ജൂണ് 2017) ഡിഗ്രി പരീക്ഷകൾ 25ന് നടത്തും. പരീക്ഷാകേന്ദ്രത്തിനും സമയത്തിലും മാറ്റമില്ല.