ബിഎഡ് പ്രവേശനം തീയതി നീട്ടി
കണ്ണൂർ സർവകലാശാലയുടെ ടീച്ചർ എഡ്യുക്കേഷൻ സെന്ററുകളിലും അഫിലിയേറ്റു ചെയ്ത ബിഎഡ് കോളജുകളിലും 2017 ബിഎഡ് കോഴ്സിലേക്ക് പ്രവേശനം നൽകുന്നതിനുള്ള അവസാന തീയതി 28 വരെ നീട്ടി.
അസിസ്റ്റന്റ് പ്രഫസർ നിയമനം
മാനന്തവാടി കാന്പസിലെ ഡിപ്പാർട്ട്മെന്റ് ഓഫ് ട്രൈബൽ ആൻഡ് റൂറൽ സ്റ്റഡീസിൽ അസിസ്റ്റന്റ് പ്രഫസർമാരുടെ ഒഴിവുകളിലേക്ക് കരാർ അടിസ്ഥാനത്തിൽ നിയമിക്കുന്നതിനായി 30ന് ഉച്ചകഴിഞ്ഞ് രണ്ടിന് സർവകലാശാലയുടെ താവക്കര കാന്പസിൽ വാക്ക് ഇൻ ഇന്റർവ്യൂ നടക്കും. അപേക്ഷാഫോമും വിശദവിവരങ്ങളും സർവകലാശാലയുടെ വെബ്സൈറ്റിൽ ലഭിക്കും.
രണ്ടാം സെമസ്റ്റർ എംസിഎ ഹാൾടിക്കറ്റ്
28ന് ആരംഭിക്കുന്ന രണ്ടാം സെമസ്റ്റർ എംസിഎ (ജൂലൈ 2017) ഡിഗ്രി പരീക്ഷയുടെ ഹാൾ ടിക്കറ്റുകൾ സർവകലാശാല വെബ്സൈറ്റിൽ നിന്നും ഡൗണ്ലോഡ് ചെയ്യാവുന്നതാണ്.