പ്രൊഫൊർമ സമർപ്പിക്കണം
2017 വർഷത്തെ വാർഷിക റിപ്പോർട്ട് തയാറാക്കുന്നതിലേക്ക് എല്ലാ വകുപ്പ് തലവൻമാരും പ്രിൻസിപ്പൽമാരും 15ന് മുന്പായി 01.01.2017 മുതൽ 31.12.2017 വരെ ഉള്ള എല്ലാ പ്രവർത്തനങ്ങളും ഉൾപ്പെടുത്തി പൂരിപ്പിച്ച പ്രൊഫൊർമ (ഇംഗ്ലീഷിലും ,മലയാളത്തിലും) സർവകലാശാലയിൽ സമർപ്പിക്കണം. പ്രൊഫൊർമ കണ്ണൂർ സർവകലാശാല വെബ്സൈറ്റിൽനിന്ന്( “www.kannuruniversity.ac.in) ഡൗണ്ലോഡ് ചെയ്യാം.
അസി. പ്രഫസർ നിയമനം വാക് ഇൻ ഇന്റർവ്യു
ഡിപ്പാർട്ട്മെന്റ് ഓഫ് മാസ് കമ്യൂണിക്കേഷൻ ആൻഡ് ജേർണലിസത്തിൽ അസി. പ്രഫസർ തസ്തികയിൽ കരാറടിസ്ഥാനത്തിലുള്ള നിയമനത്തിനുവേണ്ടിയുള്ള വാക് ഇൻ ഇന്റർവ്യൂ 10ന് സർവകലാശാലയുടെ താവക്കരയിലെ ആസ്ഥാനത്ത് നടക്കും. താത്പര്യമുള്ള നെറ്റ് യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷാഫീസായി 200 രൂപ അടച്ച ചലാൻ രസീതുമായി അന്നേദിവസം ഉച്ചയ്ക്ക്12ന് എത്തണം. വിശദവിവരങ്ങൾ സർവകലാശാലയുടെ www.kannuruniversity.ac.in എന്ന വെബ്സൈറ്റിൽ ലഭ്യമാണ്.