മൂന്നാം വർഷ ബിരുദ പരീക്ഷ- വിദൂരവിദ്യാഭ്യാസം- പരീക്ഷാഫീസ്
കണ്ണൂർ സർവകലാശാലയുടെ വിദൂരവിദ്യഭ്യാസ മൂന്നാം വർഷ ബിരുദ (മാർച്ച് 2018) പരീക്ഷയുടെ ഓണ്ലൈൻ രജിസ്ട്രേഷൻ ആരംഭിച്ചു. 2015ൽ പ്രവേശനം നേടിയ അപേക്ഷകർ പ്രൊവിഷണൽ സർട്ടിഫിക്കറ്റ്, കണ്സോളിഡേറ്റഡ് ഗ്രേഡ്കാർഡ് എന്നിവയുടെ ഫീസടക്കം ആകെ ഫീസ് ബികോം (1,165 രൂപ), ബിഎസ്സി (1,085 രൂപ), ബിസിഎ (1,515രൂപ), ബിബിഎ (1,165 രൂപ), ബിഎ ഇംഗ്ലീഷ് (1,015 രൂപ), ബിഎ മലയാളം (1,155രൂപ), ബിഎ ഇക്കണോമിക്സ്(1,165രൂപ), ബിഎ ഹിസ്റ്ററി, സോഷ്യോളജി, പൊളിറ്റിക്കൽ സയൻസ്, അഫ്സൽഉൽഉലമ (1,085രൂപ) എന്നീ നിരക്കിൽ അടച്ച് അപേക്ഷിക്കണം.
മൂന്നാംവർഷ ബിരുദപരീക്ഷവിദൂരവിദ്യാഭ്യാസം ഇംപ്രൂവ്മെന്റ്മാർച്ച് 2018
വിദൂരവിദ്യാഭ്യാസ ബിരുദപരീക്ഷ മാർച്ച്/ഏപ്രിൽ 2017ൽ വിജയിച്ചവർ, മാർച്ച് 2018ലെ മൂന്നാംവർഷ ഇംപ്രൂവ്മെന്റ് പരീക്ഷയ്ക്ക് അപേക്ഷിക്കുന്പോൾ നേരത്തെ ലഭിച്ച ഒറിജിനൽ കണ്സോളിഡേറ്റഡ്/ഫൈനൽ ഗ്രേഡ് കാർഡുകളും പ്രൊവിഷണൽ സർട്ടിഫിക്കറ്റും ട്രാൻസ്ഫർ സർട്ടിഫിക്കറ്റും അപേക്ഷയോടൊപ്പം സമർപ്പിക്കണം.
പരീക്ഷകൾ മാറ്റിവച്ചു
നാളെ നടത്താൻ നിശ്ചയിച്ചിരുന്ന എല്ലാ പരീക്ഷകളും (ബിപിഎഡ്/ എംപിഎഡ് ഒഴികെ) 25 ലേക്ക് മാറ്റിവച്ചു. പരീക്ഷാസമയത്തിൽ മാറ്റമില്ല
തുറന്ന സംവാദം
കണ്ണൂർ സർവകലാശാലയിൽ ബോട്ടണിയിൽ ഗവേഷണം നടത്തുന്ന സിന്ധ്യ ക്രിസ്റ്റഫർ എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിലുള്ള തുറന്ന സംവാദം (ഓപ്പണ് ഡിഫൻസ്) നാളെ രാവിലെ 11ന് സർ സയ്യിദ് കോളജിലെ ബോട്ടണി വിഭാഗത്തിൽ നടത്തും. പ്രബന്ധം സർ സയ്യിദ് കോളജിലെ ബോട്ടണി വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും.
എംഫിൽ ഹിസ്റ്ററി കോഴ്സ്
കണ്ണൂർ സർവകലാശാലയിൽ 201718 അധ്യയനവർഷത്തെ എംഫിൽ ഹിസ്റ്ററി കോഴ്സ് പ്രവേശനത്തിനുള്ള അപേക്ഷ ക്ഷണിച്ചു. തലശേരി ഗവ.ബ്രണ്ണൻ കോളജിലാണ് കോഴ്സ് നടത്തുന്നത്. 55 ശതമാനത്തിൽ മാർക്കിൽ കുറയാത്ത (തത്തുല്യ ഗ്രേഡോടുകൂടി) ബന്ധപ്പെട്ട വിഷയത്തിൽ, കണ്ണൂർ സർവകലാശാല അംഗീകരിച്ച ബിരുദാനന്തരബിരുദമുള്ളവർക്ക് അപേക്ഷിക്കാം. എസ്സി/എസ്ടി വിഭാഗങ്ങൾക്ക് പിജി പാസായാൽ മതിയാകും. അഫിലിയേറ്റഡ് കോളജ് അധ്യാപകർക്ക് 5% മാർക്ക് ഇളവ് ലഭിക്കും. അപേക്ഷാഫോമിനും വിശദവിവരങ്ങൾക്കും ഗവ.ബ്രണ്ണൻ കോളജ്, ധർമടം എന്ന വിലാസത്തിൽ ബന്ധപ്പെടണം.(ഫോണ്: 04902346027). അപേക്ഷകൾ പൂരിപ്പിച്ച് സർട്ടിഫിക്കറ്റുകളുടെ പകർപ്പ് സഹിതം ഗവ.ബ്രണ്ണൻ കോളജ് പ്രിൻസിപ്പലിന് 30 വരെ സമർപ്പിക്കാം.
സ്കോളർഷിപ്പിന് അപേക്ഷ ക്ഷണിച്ചു
201718 അധ്യയനവർഷത്തേക്കുള്ള സുധാകൃഷ്ണൻ എൻഡോവ്മെന്റ് സ്കോളർഷിപ്പിനായി കണ്ണൂർ സർവകലാശാലയിൽ അഫിലിയേറ്റ് ചെയ്തിട്ടുള്ള ഗവൺമെന്റ്/എയ്ഡഡ് കോളജുകളിൽ പഠിക്കുന്ന ഒന്നും രണ്ടും സെമസ്റ്റർ ഡിഗ്രി വിദ്യാർഥികളിൽനിന്നും അപേക്ഷകൾ ക്ഷണിച്ചു. സാന്പത്തികമായി പിന്നോക്കം നിൽക്കുന്ന മത്സ്യത്തൊഴിലാളി കുടുംബങ്ങളിൽനിന്നുള്ള സമർത്ഥരായ വിദ്യാർഥികൾക്ക് വി.കൃഷ്ണൻ, അദ്ദേഹത്തിന്റെ പത്നി സുധാകൃഷ്ണന്റെ പേരിൽ ഏർപ്പെടുത്തിയിട്ടുള്ള സ്കോളർഷിപ്പാണിത്.വിശദ വിവരങ്ങൾ സർവകലാശാല വെബ്സൈറ്റിൽ (www.kannuruniversity.ac.in) ലഭ്യമാണ്. അപേക്ഷകൾ സ്വീകരിക്കുന്ന അവസാന തീയതി ഫെബ്രുവരി 15.