എംസിജെ ഡിഗ്രി പ്രോജക്ട് മൂല്യനിർണയം/വാചാ പരീക്ഷ
രണ്ടാം സെമസ്റ്റർ എംസിജെ ഡിഗ്രി (റഗുലർ/സപ്ലിമെന്‍ററി ജൂണ്‍ 2017)യുടെ പ്രോജക്ട് മൂല്യനിർണയം/വാചാ പരീക്ഷ 26, 27, 28 തീയതികളിൽ അങ്ങാടിക്കടവ് ഡോണ് ബോസ്കോ ആർട്സ് ആൻഡ് സയൻസ് കോളജിൽ നടക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
എംസിജെ പരീക്ഷാഫലം
കണ്ണൂർ സർവകലാശാല നാലാം സെമസ്റ്റർ എംസിജെ (സിസിഎസ്എസ് റഗുലർ) ഏപ്രിൽ 2017 (സർവകലാശാല പഠന വകുപ്പ്) പരീക്ഷയുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യ നിർണയത്തിനും സൂഷ്മ പരിശോധനയ്ക്കുമുള്ള അപേക്ഷകൾ ഏപ്രിൽ നാലു വരെ സർവകലാശാലയിൽ സ്വീകരിക്കും.
എംഎസ് ഡബ്ല്യു/എംസിജെ പരീക്ഷകൾ
കണ്ണൂർ സർവകലാശാല നാലാം സെമസ്റ്റർ എംഎസ്ഡബ്ല്യു (റഗുലർ), രണ്ടാം സെമസ്റ്റർ എംഎസ്ഡബ്ല്യു (റഗുലർ/സപ്ലിമെന്‍ററി), നാലാം സെമസ്റ്റർ എംസിജെ (റഗുലർ), രണ്ടാം സെമസ്റ്റർ എംസിജെ (സപ്ലിമെന്‍ററി) ജൂണ്‍ 2017 പരീക്ഷകൾ എഴുതിയ അങ്ങാടിക്കടവ് ഡോണ്ബോസ്കോ, പിലാത്തറ സെന്‍റ് ജോസഫ്സ്, ശ്രീകണ്ഠപുരം എസ്ഇഎസ് എന്നീ കോളജുകളിലെ വിദ്യാർഥികൾക്ക് രണ്ടാം സെമസ്റ്റർ എംഎസ്ഡബ്ല്യു/എംസിജെ, നാലാം സെമസ്റ്റർ എംഎസ്ഡബ്ല്യു/ എംസിജെ (സപ്ലിമെന്‍ററി/ഇംപ്രൂവ്മെന്‍റ്) മാർച്ച് 2018 പരീക്ഷകൾക്ക് 26 വരെ അപേക്ഷിക്കാം.
നാലാം സെമസ്റ്റർ ബിഎഡ് പരീക്ഷകൾ
കണ്ണൂർ സർവകലാശാലയുടെ നാലാം സെമസ്റ്റർ ബിഎഡ് ഡിഗ്രി (റഗുലർ/സപ്ലിമെന്‍ററി/ഇംപ്രൂവ്മെന്‍റ്), ഏപ്രിൽ 2018 പരീക്ഷകൾ ഏപ്രിൽ 23ന് ആരംഭിക്കും. ഓണ്‍ലൈൻ രജിസ്ട്രേഷൻ ഈമാസം 26 ന് ആരംഭിക്കും. അപേക്ഷകൾ പിഴയില്ലാതെ ഏപ്രിൽ രണ്ടു വരെയും 150 രൂപ പിഴ സഹിതം നാലു വരെയും സമർപ്പിക്കാം. അപേക്ഷകളുടെ പ്രിന്‍റൗട്ടുകൾ, ചലാൻ, എപിസി എന്നിവ സഹിതം ഏപ്രിൽ അഞ്ചിന് തന്നെ സർവകലാശാലയിൽ എത്തിക്കണം. ഫീസ് ഇപ്രകാരമാണ്: തിയറി റഗുലർ 100 രൂപ, സപ്ലിമെന്‍ററി/ഇംപ്രൂവ്മെന്‍റ് 180 രൂപ, മാർക്ക് ലിസ്റ്റ് 60 രൂപ, ആപ്ലിക്കേഷൻ ഫോം ഫീ 40 രൂപ, ക്യാന്പ് ഫീ 150 രൂപ, പ്രൊവിഷണൽ സർട്ടിഫിക്കറ്റ് ഫീ 210 രൂപ.