രണ്ടാം വർഷ ബിരുദ (വിദൂര വിദ്യാഭ്യാസം) പരീക്ഷ ഹാൾടിക്കറ്റ്
കണ്ണൂർ സർവകലാശാലയുടെ 19ന് ആരംഭിക്കുന്ന വിദൂര വിദ്യാഭ്യാസ വിഭാഗം രണ്ടാം വർഷ (ഏപ്രിൽ 2018) ബിരുദ പരീക്ഷയുടെ (2011 പ്രവേശനം മുതൽ) ഹാൾടിക്കറ്റും ടൈംടേബിളും സർവകലാശാലയുടെ വെബ്സൈറ്റിൽ ലഭിക്കും. ഹാൾടിക്കറ്റ് ഡൗണ്ലോഡ് ചെയ്ത് ഫോട്ടോ പതിച്ച് ഗസറ്റഡ് ഓഫീസറെക്കൊണ്ട് സാക്ഷ്യപ്പെടുത്തി, ഹാൾടിക്കറ്റിൽ രേഖപ്പെടുത്തിയിരിക്കുന്ന കേന്ദ്രങ്ങളിൽ പരീക്ഷയ്ക്ക് ഹാജരാകണം. ഹാൾടിക്കറ്റ് ലഭിക്കാത്തവർ പരീക്ഷാവിഭാഗത്തിൽ അന്വേഷിക്കണം. (ഫോണ് നന്പർ: 04972715475, 76, 77, 78).
നാലാം സെമസ്റ്റർ പിജി ഹാൾടിക്കറ്റ്
18ന് ആരംഭിക്കുന്ന നാലാം സെമസ്റ്റർ എംഎ/എംഎസ് സി/ എംകോം/എംടി.ടിഎം (റഗുലർ/ സപ്ലിമെന്ററി/ഇംപ്രൂവ്മെന്റ് 2014 അഡ്മിഷൻ മുതൽ മാർച്ച് 2018) ഡിഗ്രി പരീക്ഷകളുടെ ഹാൾടിക്കറ്റുകൾ സർവകലാശാല വെബ്സൈറ്റിൽ ലഭ്യമാണ്.
ബിഎ ഫംഗ്ഷണൽ ഇംഗ്ലീഷ് പ്രോജക്ട് മൂല്യനിർണയം
ആറാം സെമസ്റ്റർ ബിഎ ഫംഗ്ഷണൽ ഇംഗ്ലീഷ് ഡിഗ്രിയുടെ പ്രോജക്ട് മൂല്യനിർണയവും വാചാ പരീക്ഷയും 16, 17, 18, 24, 25 തീയതികളിൽ യഥാക്രമം മേരിമാതാ ആർട്സ് ആൻഡ് സയൻസ് കോളജ് മാനന്തവാടി, സർ സയ്യിദ് കോളജ് തളിപ്പറന്പ്, ഗവ.ബ്രണ്ണൻ കോളജ് തലശേരി, പീപ്പിൾസ് കോഓപ്പ്. ആർട്സ് ആൻഡ് സയൻസ് കോളജ്, മുന്നാട്, ഇ.കെ. നായനാർ മെമ്മോറിയൽ ഗവ. കോളജ്, എളേരിത്തട്ട് എന്നിവിടങ്ങളിൽ നടക്കും. വിദ്യാർഥികൾ രജിസ്റ്റർ ചെയ്ത കോളജുമായി ബന്ധപ്പെടണം.