പ്രായോഗിക പരീക്ഷകൾ മാറ്റിവച്ചു
കണ്ണൂർ സർവകലാശാലയുടെ അവസാന വർഷ ബികോം/ബിബിഎ (വിദൂര വിദ്യാഭ്യാസം) ഡിഗ്രിയുടെ (റഗുലർ/സപ്ലിമെന്ററി 2011 അഡ്മിഷൻ മുതൽ മാർച്ച് 2018) പ്രായോഗിക പരീക്ഷകൾക്ക് തോട്ടട ശ്രീ നാരായണ കോളജ് കേന്ദ്രത്തിൽ പ്രായോഗിക പരീക്ഷ നടക്കാൻ ബാക്കിയുള്ള വിദ്യാർഥികളുടെ പരീക്ഷകൾ മാറ്റിവച്ചു. പുതുക്കിയ തീയതി, കേന്ദ്രം എന്നിവ പിന്നീട് അറിയിക്കും.
വാക്ക് ഇൻ ഇന്റർവ്യൂ
കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി വകുപ്പിലേക്ക് അസിസ്റ്റന്റ് പ്രഫസർ തസ്തികയിൽ കരാർ നിയമനത്തിനുള്ള വാക്ഇൻഇന്റർവ്യു 31ന് താവക്കര ആസ്ഥാനത്ത് നടക്കും. താത്പര്യമുള്ള നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പകളും 210 രൂപ സർവകലാശാല ഫണ്ടിൽ അടച്ച രസീതുമായി അന്നേദിവസം രാവിലെ 9.30ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭിക്കും.