ബിരുദ പ്രവേശനം: ട്രയൽ അലോട്ട്മെന്റ്
201819 അധ്യയനവർഷത്തെ ബിരുദ പ്രവേശനത്തിന്റെ ട്രയൽ അലോട്ട്മെന്റ് പ്രസിദ്ധീകരിച്ചു.അപേക്ഷകർക്ക് ലോഗിൻ ചെയ്ത് അലോട്ട്മെന്റ് വിവരങ്ങൾ അറിയാവുന്നതാണ്. പ്രവേശനവുമായി ബന്ധപ്പെട്ട സംശയങ്ങൾക്ക് ഫോണിലൂടെ മറുപടി ലഭിക്കും. ഫോൺ: 04972715261, 07972715284.
ലാസ്യ കലാക്ഷേത്രയ്ക്ക് അംഗീകാരമില്ല
പിലാത്തറയിൽ പ്രവർത്തിക്കുന്ന കമ്യൂണിറ്റി കോളജായ ’ലാസ്യ കോളജ് ഓഫ് ഫൈൻ ആർട്സിൽ നടത്തിവരുന്ന ബിഎ ഭരതനാട്യം, ബിഎ കർണാടിക് മ്യൂസിക്, എംഎ ഭരതനാട്യം എന്നീ കോഴ്സുകൾക്ക് മാത്രമാണ് കണ്ണൂർ സർവകലാശാലയുടെ അംഗീകാരമുള്ളതെന്ന് സർവകലാശാല അധികൃതർ അറിയിച്ചു. ലാസ്യ കോളജ് ഓഫ് ഫൈൻ ആർട്സ് പ്രവർത്തിക്കുന്ന കെട്ടിടത്തിൽ പ്രവർത്തിച്ചുവരുന്ന ലാസ്യ കലാക്ഷേത്ര എന്ന സ്ഥാപനത്തിൽ നടത്തുന്ന കോഴ്സുകൾക്ക് സർവകലാശാലയുടെ അംഗീകാരമില്ലെന്ന് വാഴ്സിറ്റി അധികൃതർ അറിയിച്ചു.
പരീക്ഷാഫലം
കണ്ണൂർ സർവകലാശാലയുടെ അഫിലിയേറ്റഡ് കോളജുകളിലെ ഒന്നാം സെമസ്റ്റർ ബികോം, ബിബിഎ, ബിബിഎടിടിഎം, ബിബിഎആർടിഎം, ബിബിഎഎവിഎച്ച് (റഗുലർ, സപ്ലിമെന്ററി, ഇംപ്രൂവ്മെന്റ് നവംബർ2017) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മ പരിശോധന, ഫോട്ടോകോപ്പി എന്നിവയ്ക്കുള്ള ഓണ്ലൈൻ അപേക്ഷകൾ വെബ്സൈറ്റിൽനിന്നും ഡൗണ്ലോഡ് ചെയ്ത മാർക്ക് ലിസ്റ്റ് സ്വയം സാക്ഷ്യപ്പെടുത്തിയപകർപ്പിനൊപ്പം 19 വരെ സ്വീകരിക്കും.