ട്രയൽ അലോട്ട്മെന്റ്
201819 അധ്യയനവർഷത്തെ ബിരുദ പ്രവേശനത്തിന്റെ ട്രയൽ അലോട്ട്മെന്റ് പ്രസിദ്ധീകരിച്ചു. അപേക്ഷകർക്ക് ലോഗിന് ചെയ്ത് അലോട്ട്മെന്റ് വിവരങ്ങൾ അറിയാം.
ബിരുദ പ്രവേശനം: ഓൺലൈൻ രജിസ്ട്രേഷൻ അവസാനിച്ചു
201819 അധ്യയനവർഷത്തെ ബിരുദ പ്രവേശനത്തിനുള്ള ഓണ്ലൈൻ രജിസ്ട്രേഷൻ അവസാനിച്ചു. 36,325 അപേക്ഷകർ ഓണ്ലൈനായി രജിസ്റ്റർ ചെയ്തിട്ടുണ്ട്. ഓണ്ലൈനായി രജിസ്റ്റർ ചെയ്തവർ ഒരിക്കൽക്കൂടി ലോഗിൻ ചെയ്ത് അപേക്ഷാഫോറത്തിൽ തെറ്റൊന്നും ഇല്ലെന്ന് ഉറപ്പുവരുത്തണം.
പിഴവുകൾ തിരുത്താനും ഓപ്ഷൻ മാറ്റാനുമുള്ള അവസരം
ഓണ്ലൈൻ അപേക്ഷയിലെ പിഴവുകൾ തിരുത്താനും ഓപ്ഷൻ മാറ്റാനും എട്ടുവരെ അവസരമുണ്ട്. ഇതിനായി അപേക്ഷയുടെ പ്രിന്റൗട്ടും പിഴവുകൾ തിരുത്താന് ആവശ്യമായ രേഖകളും 200 രൂപയുടെ ചലാൻ രസീതും സർവകലാശാല ഏകജാലക അഡ്മിഷൻ സെല്ലിൽ സമർപ്പിക്കണം. എട്ടിന് വൈകുന്നേരം അഞ്ചിനുശേഷം ഒരുകാരണവശാലും പിഴവുകൾ തിരുത്താൻ അവസരം ലഭിക്കുന്നതല്ല.
ഒന്ന്, രണ്ട്, മൂന്ന് അലോട്ട്മെന്റ് 13, 20, 25 തീയതികളിൽ
ഒന്ന്, രണ്ട്, മൂന്ന് അലോട്ട്മെന്റുകൾ യഥാക്രമം 13, 20, 25 തീയതികളിൽ നടക്കും. അലോട്ട്മെന്റ് ലഭിച്ചവർ നിശ്ചിത തീയതിക്കു മുന്പായി സർവകലാശാലാ ഫീസ് എസ്ബിഐ കളക്ട് മുഖാന്തരം നിർബന്ധമായും അടയ്ക്കേണ്ടതാണ്.ഫീസടക്കാത്ത പക്ഷം വിദ്യാർഥികൾ അലോട്ട്മെന്റിൽനിന്നും പുറത്താകും.
അലോട്ട്മെന്റ് ലഭിച്ച വിദ്യാർഥികള്ക്ക് തങ്ങള്ക്ക് ലഭിച്ച അലോട്ട്മെന്റിൽ സംതൃപ്തരാണെങ്കിൽ ഓരോ അലോട്ട്മെന്റിനുശേഷവും ഹയർ ഓപ്ഷൻ റദ്ദാക്കാവുന്നതാണ്.ഹയർ ഓപ്ഷന് നിലനിർത്തുന്ന പക്ഷം അടുത്ത അലോട്ട്മെന്റിൽ അവ പരിഗണിക്കുന്നതും അലോട്ട്മെന്റ് ലഭിക്കുന്ന പക്ഷം അപേക്ഷകൻ നിർബന്ധമായും അത് സ്വീകരിക്കേണ്ടതുമാണ്.അലോട്ട്മെന്റ് ലഭിച്ചാൽ ലോവർ ഓപ്ഷൻ ഒരു കാരണവശാലും പരിഗണിക്കുന്നതല്ല.
മൂന്നാമത്തെ അലോട്ട്മെന്റിനുശേഷം മാത്രമേ വിദ്യാർഥികൾ കോളജിൽ പ്രവേശനം നേടേണ്ടതുള്ളൂ. മൂന്നാമത്തെ അലോട്ട്മെന്റിനുശേഷം അലോട്ട്മെന്റ് മെമ്മോ വെബ്സൈറ്റിൽനിന്നും ഡൗൺലോഡ് ചെയ്ത് ആവശ്യമായ സർട്ടിഫിക്കറ്റുകൾ സഹിതം അലോട്ട്മെന്റ് ലഭിച്ച കോളജിൽ നിശ്ചിത തീയതിക്കു തന്നെ ഹാജരാകേണ്ടതാണ്.
സയന്സ് വിഷയങ്ങളുടെ അഡ്മിഷൻ 26,27 തീയതികളിലും കൊമേഴ്സ് വിഷയങ്ങളുടേത് 28നും ആർട്സ്, ഭാഷാ വിഷയങ്ങളുടേത് 29,30 തീയതികളിലും നടക്കും. ഒന്നാം സെമസ്റ്റർ ക്ലാസുകൾ ജൂലൈ രണ്ടിന് ആരംഭിക്കും.
നോഡൽ ഓഫീസർമാരുടെ യോഗം ഇന്ന്
201819 അധ്യയനവർഷത്തെ ഏകജാലക ബിരുദ പ്രവേശനവുമായി ബന്ധപ്പെട്ട് നോഡൽ ഓഫീസർമാരുടെ യോഗം ഇന്ന് ഉച്ചകഴിഞ്ഞ് 2.30 ന് കണ്ണൂർ സർവകലാശാല താവക്കര കാമ്പസിലെ ചെറുശേരി ഓഡിറ്റോറിയത്തിൽ നടക്കും.