കണ്ണൂർ സർവകലാശാലയുടെ കീഴിലുള്ള വിവിധ പഠനവകുപ്പുകളിലെ രണ്ടും നാലും സെമസ്റ്റർ എം എ, എംഎസ്സി, എംബിഎ, എംസിജെ, എംഎൽഐഎസ്സി, എംസിഎ, നാല്, ആറ് സെമസ്റ്റർ എംസിഎ ലാറ്ററൽ എൻട്രി, ആറാം സെമസ്റ്റർ എംസിഎ എന്നീ പരീക്ഷകൾക്ക് അപേക്ഷ ക്ഷണിച്ചു. രണ്ടാം സെമസ്റ്റർ പരീക്ഷകൾക്കുള്ള ഓണ്ലൈൻ രജിസ്ട്രേഷൻ 16 ന് ആരംഭിക്കും. വിശദവിവരങ്ങളടങ്ങിയ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്.
അഞ്ചാം സെമസ്റ്റർ പുനഃപരിശോധനഫലം
ജൂണ് 13 ന് പ്രസിദ്ധീകരിച്ച അഞ്ചാം സെമസ്റ്റർ പുനർമൂല്യനിർണയഫലത്തിൽ മാർക്ക്, ഗ്രേഡിൽ മാറ്റമുള്ള വിദ്യാർഥികളിൽ, 2015 അഡ്മിഷൻ റഗുലർ വിദ്യാർഥികളുടെ, പ്രസ്തുത മാറ്റം ഉൾക്കൊള്ളിച്ച കണ്സോളിഡേറ്റഡ് ഗ്രേഡ് കാർഡുകൾ അതത് കോളജിൽ ലഭ്യമാക്കും. വിദ്യാർഥികൾ അതിനായി സർവകലാശാലയിൽ വരേണ്ടതില്ല.
നാലാം സെമസ്റ്റർ എംഎ ഇംഗ്ലീഷ് ഡിഗ്രി പ്രോജക്ട് വാചാ, കോംബ്രിഹെൻസീവ്
നാലാം സെമസ്റ്റർ എംഎ ഇംഗ്ലീഷ് ഡിഗ്രി (റഗുലർ, സപ്ലിമെന്ററിമാർച്ച് 2018) യുടെ പ്രോജക്ട് വാചാ പരീക്ഷ, കോംബ്രിഹെൻസീവ് വാചാ പരീക്ഷ 20 മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
നാലാം സെമസ്റ്റർ എംഎ ഫിലോസഫി ഡിഗ്രി പ്രോജക്ട് മൂല്യനിർണയം, വാചാ പരിക്ഷ
നാലാം സെമസ്റ്റർ എംഎ ഫിലോസഫി ഡിഗ്രി (റഗുലർ, സപ്ലിമെന്ററിമാർച്ച് 2018)യുടെ പ്രോജക്ട് മൂല്യനിർണയം, വാചാ പരീക്ഷ 19, 20 തീയതികളിൽ തലശേരി ഗവ. ബ്രണ്ണൻ കോളജിൽ നടക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
പ്രായോഗിക പരീക്ഷകൾ
നാലാം സെമസ്റ്റർ ബിഎസ്സി ഫിസിക്സ (റഗുലർ, സപ്ലിമെന്ററി മേയ് 2018) ഡിഗ്രി കോർ, കോംപ്ലിമെന്ററി പ്രായോഗിക പരീക്ഷകൾ 20 മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
ബിഎ ഇക്കണോമിക്സ് പ്രായോഗിക പരീക്ഷ
കണ്ണൂർ സർവകലാശാലയുടെ അവസാനവർഷ ബിഎ ഇക്കണോമിക്സ് (വിദൂരവിദ്യാഭ്യാസം) പ്രായോഗിക പരീക്ഷ 19, 20 തീയതികളിൽ വിവിധ കേന്ദ്രങ്ങളിൽ നടക്കും. വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
രണ്ടാം വർഷ പിജി (വിദൂരവിദ്യാഭ്യാസം) പരീക്ഷകൾ
അപേക്ഷ ക്ഷണിച്ച രണ്ടാം വർഷ ബിരുദാനന്തരബിരുദ(വിദൂരവിദ്യാഭ്യാസം) പരീക്ഷകൾ ജൂലൈ 11ന് ആരംഭിക്കും.
ബിഎസ്സി എംആർടി പരീക്ഷയ്ക്ക് അപേക്ഷിക്കാം
കണ്ണൂർ സർവകലാശാലയുടെ ഒന്നും രണ്ടും മൂന്നും വർഷ ബിഎസ്സി എംആർടി (സപ്ലിമെന്ററി) പരീക്ഷകൾക്ക് അപേക്ഷകൾ പിഴ കൂടാതെ 19 വരെയും 160 രൂപ പിഴയോടെ 21 വരെയും സർവകലാശാലയിൽ സമർപ്പിക്കാം. പരീക്ഷാതീയതി പിന്നീട് പ്രഖ്യാപിക്കും. വിശദവിവരങ്ങളടങ്ങിയ വിജ്ഞാപനം വെബ്സൈറ്റിൽ ലഭ്യമാണ്.
ഒന്നും മൂന്നും സെമസ്റ്റർ എംബിഎ (സപ്ലിമെന്ററി) പരീക്ഷകൾ
കണ്ണൂർ സർവകലാശാലയിലെ, വിവിധ എംബിഎ കോളജുകളിലെ, ഒന്നും മൂന്നും സെമസ്റ്റർ എംബിഎ (സപ്ലിമെന്ററി 2013 നും അതിന് മുന്പുമുള്ള അഡ്മിഷൻ) പരീക്ഷകൾക്ക് റീരജിസ്ട്രേഷൻ വഴി അപേക്ഷിക്കാം. ഓണ്ലൈൻ രജിസ്ട്രേഷൻ 19ന് ആരംഭിക്കും. പിഴകൂടാതെ 21 വരെയും 160 രൂപ പിഴ സഹിതം 23 വരെയും അപേക്ഷ സമർപ്പിക്കാം. പരീക്ഷാതീയതി പിന്നീട് പ്രഖ്യാപിക്കും. വിശദ വിവരങ്ങളടങ്ങിയ വിജ്ഞാപനം വെബ്സൈറ്റിൽ ലഭ്യമാണ്.