ബിരുദപ്രവേശനം: അഞ്ചാം അലോട്ട്മെന്റ് ഇന്നു പ്രസിദ്ധീകരിക്കും
201819 അധ്യയനവർഷത്തെ ബിരുദ പ്രവേശനത്തിനുള്ള അഞ്ചാം അലോട്ട്മെന്റ് http://cap.kannuruniversity.ac.in എന്ന വെബ്സൈറ്റിൽ ഇന്നു വൈകുന്നേരം അഞ്ചിന് പ്രസിദ്ധീകരിക്കും.അലോട്ട്മെന്റ് ലഭിച്ച വിദ്യാർഥികൾ അഡ്മിഷൻ ഫീസ് SBI Collect മുഖാന്തരം മാത്രം അടച്ച് ഫീസടച്ച വിവരങ്ങൾ വെബ്സൈറ്റിൽ ലോഗിൻ ചെയ്ത് 16 ന് വൈകുന്നേരം അഞ്ചിന് മുമ്പായി അപ്ലോഡ് ചെയ്യണം. അഡ്മിഷന് ഫീസ് ജനറൽ വിഭാഗത്തിന് 685 രൂപയും എസ്സി, എസ്ടി വിഭാഗത്തിന് 630 രൂപയുമാണ്. UG Admission Admission Fee(General / SEBC), UG Admission Admission Fee(SC/ST) എന്നീ കാറ്റഗറിയിൽ മാത്രം ഓൺലൈനായി ഫീസ് അടക്കാൻ പ്രത്യേകം ശ്രദ്ധിക്കണം. മറ്റ് കാറ്റഗറിയിൽ ഫീസടച്ചാൽ ഒരു കാരണവശാലും പരിഗണിക്കുന്നതല്ല. ഒന്ന്, രണ്ട്, മൂന്ന്, നാല് അലോട്ട്മെന്റുകളിൽ അലോട്ട്മെന്റ് ലഭിച്ച് ഫീസടച്ച വിവരങ്ങൾ അപ്ലോഡ് ചെയ്ത വിദ്യാർഥികൾ വീണ്ടും ഫീസ് അടയ്ക്കേണ്ടതില്ല.
കോളജ് പ്രവേശനം
അലോട്ട്മെന്റ് ലഭിച്ച വിദ്യാർഥികൾ 16,17 തീയതികളിൽ അതത് കോളജുകളിൽ പ്രവേശനം നേടണം. അലോട്ട്മെന്റ് മെമ്മോ വെബ്സൈറ്റിൽനിന്ന് ലഭിക്കും. ഓൺലൈൻ അപേക്ഷയുടെ പ്രിന്റൗട്ട്, അലോട്ട്മെന്റ് മെമ്മോ, ഫീസടച്ച വിവരങ്ങൾ അടങ്ങിയ പ്രിന്റൗട്ടുകൾ, യോഗ്യത തെളിയിക്കുന്ന സർട്ടിഫിക്കറ്റുകൾ, സംവരണ സംബന്ധമായ മറ്റ് രേഖകൾ(നേറ്റിവിറ്റി, കമ്യൂണിറ്റി, നോണ്ക്രീമിലെയർ സർട്ടിഫിക്കറ്റ്, മെഡിക്കൽ ബോർഡ് അംഗീകരിച്ച ഡിസെബിലിറ്റി സർട്ടിഫിക്കറ്റ് മുതലായവ) വെയ്റ്റേജ് അനുവദിക്കുന്നതിനാവശ്യമായ രേഖകൾ (എൻഎസ്എസ്, എൻസിസി,എക്സ് സർവീസ്മെൻ തുടങ്ങിയവ), എസ്എസ്എൽസി. സർട്ടിഫിക്കറ്റ്, ആധാർ കാർഡ് എന്നിവ സഹിതം അതത് കോളജുകളിൽ ഹാജരാകണം.
ഒന്ന്, രണ്ട്, മൂന്ന്, നാല് അലോട്ട്മെന്റുകളിൽ താത്കാലിക പ്രവേശനം നേടിയ വിദ്യാർഥികൾക്ക് അഞ്ചാം അലോട്ട്മെന്റിൽ ഹയർ ഓപ്ഷൻ ലഭിച്ചിട്ടുണ്ടെങ്കിൽ ഇപ്പോൾ അലോട്ട്മെന്റ് ലഭിച്ച കോളജിൽ നിന്ന് സർട്ടിഫിക്കറ്റുകൾ തിരിച്ചുവാങ്ങി പുതുതായി അലോട്ട്മെന്റ് ലഭിച്ച കോളജിൽ പ്രവേശനം നേടണം. താത്കാലിക പ്രവേശനം നേടിയ വിദ്യാർഥികൾക്ക് അഞ്ചാം അലോട്ട്മെന്റിൽ ഹയർ ഓപ്ഷൻ ലഭിച്ചില്ലെങ്കിൽ മുഴുവൻ ഫീസുകളും അടച്ച് അതത് കോളജുകളിൽ പ്രസ്തുത തിയതികളിൽ തന്നെ സ്ഥിരം പ്രവേശനം നേടണം. സേ പരീക്ഷ വിജയിച്ചവർക്ക് 16,17 തീയതികളിൽ http://cap.kannuruniversity.ac.in എന്ന വെബ്സൈറ്റിൽ ഓൺലൈൻ രജിസ്ട്രഷൻ നടത്താം.
പിജി പ്രവേശനം ട്രയൽ റാങ്ക് ലിസ്റ്റ്
201819 അധ്യയനവർഷത്തെ പിജി പ്രവേശനത്തിന്അപേക്ഷിച്ചവരുടെ ട്രയൽ റാങ്ക് ലിസ്റ്റ് 17,18,19 തീയതികളിൽ വെബ്സൈറ്റിൽ പ്രസിദ്ധീകരിക്കും. 17ന് സയൻസ് വിഷയങ്ങൾ, 18ന് ആർട്സ് വിഷയങ്ങൾ, 19 ന് കോമേഴ്സ് വിഷയങ്ങൾ. ഫോൺ: 049 72715261.
എട്ടാം സെമസ്റ്റർ ബിടെക് പരീക്ഷാഫലം
കണ്ണൂർ സർവകലാശാലയുടെ ഏപ്രിൽ 2018ൽ നടത്തിയ എട്ടാം സെമസ്റ്റർ ബിടെക് (റഗുലർ, സപ്ലിമെന്ററി പാർട്ട്ടൈം ഉൾപ്പെടെ) പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനപരിശോധന, സൂക്ഷ്മപരിശോധന, ഫോട്ടോ കോപ്പി എന്നിവയ്ക്കുള്ള അപേക്ഷകൾ 27 വരെ സർവകലശാലയിൽ സ്വീകരിക്കും. പ്രൊവിഷണൽ സർട്ടിഫിക്കറ്റ്, കണ്സൊളിഡേറ്റഡ് മാർക്ക് ലിസ്റ്റ് എന്നിവയ്ക്ക് 30 മുതൽ അപേക്ഷിക്കാം.
ആറാം സെമസ്റ്റർ എംസിഎ ഹാൾടിക്കറ്റ്
18ന് ആരംഭിക്കുന്ന ആറാം സെമസ്റ്റർ എംസിഎ (റഗുലർ, സപ്ലിമെന്ററി, ഇംപ്രൂവ്മെന്റ്ജൂലൈ 2018) ഡിഗ്രി പരീക്ഷയുടെ ഹാൾടിക്കറ്റുകൾ സർവകലാശാലയുടെ വെബ്സൈറ്റിൽനിന്ന് ഡൗണ്ലോഡ് ചെയ്യാം.
ബിഎസ്സി പ്രായോഗിക പരീക്ഷകൾ
നാല്, രണ്ട് സെമസ്റ്റർ ബിഎസ്സി കംപ്യൂട്ടർ സയൻസ് (സിബിസിഎസ് എസ്റഗുലർ, സപ്ലിമെന്ററി, സിസിഎസ്എസ്സപ്ലിമെന്ററി മെയ്2018) ഡിഗ്രി കോർ, കോംപ്ലിമെന്ററി പ്രായോഗിക പരീക്ഷകൾ 17 മുതൽ വിവിധ കേന്ദ്രങ്ങളിൽ ആരംഭിക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭിക്കും.
നാലാം സെമസ്റ്റർ ബിഎസ്സി ഫോറസ്ട്രി (സിബിസിഎസ്എസ്റഗുലർ, സപ്ലിമെന്ററി, സിസിഎസ്എസ്സപ്ലിമെന്ററി മേയ്2018) ഡിഗ്രി കോർ പ്രായോഗിക പരീക്ഷകൾ 17ന് തളിപ്പറന്പ് സർ സയ്യിദ് കോളജിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
രണ്ടാം സെമസ്റ്റർ എംഫിൽ ഇംഗ്ലീഷ് പരീക്ഷാഫലം
രണ്ടാം സെമസ്റ്റർ എം.ഫിൽ ഇംഗ്ലീഷ് (ജൂണ് 2017)പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
പ്രായോഗിക ,വാചാ പരീക്ഷകൾ
പാർട്ട് ഒന്ന് രണ്ടാം സെമസ്റ്റർ എംഎസ്സി മെഡിക്കൽ മൈക്രോബയോളജി , ബയോകെമിസ്ട്രി ഡിഗ്രി (സിസിഎസ്എസ് റഗുലർ 2016 അഡ്മിഷൻ, സപ്ലിമെന്ററി മേയ് 2017 ) യുടെ പ്രായോഗിക, വാചാ പരീക്ഷകൾ 17, 20, 23 തീയതികളിൽ പാലയാട് സ്കൂൾ ഓഫ് ഹെൽത്ത് സയൻസിൽ നടത്തും. രജിസ്റ്റർ ചെയ്ത വിദ്യാർഥികൾ പഠനവകുപ്പുമായി ബന്ധപ്പെടണം.