കാന്‍സര്‍ വന്നുകഴിഞ്ഞ് ചികിത്സിക്കുന്നതിനേക്കാള്‍ വരാതിരിക്കാനുള്ള മാര്‍ഗങ്ങള്‍ സ്വീകരിക്കുന്നതാണ് നല്ലത്. പുകവലി, മദ്യപാനം, മോശം ഭക്ഷണക്രമം, ശാരീരിക പ്രവര്‍ത്തനങ്ങളുടെ അഭാവം തുടങ്ങിയവയെല്ലാം കാന്‍സറിന്‍റെ സാധ്യത വര്‍ധിപ്പിക്കുന്നു.
പോഷകാഹാരങ്ങള്‍ ശരീരത്തിന്‍റെ രോഗപ്രതിരോധശേഷി കൂട്ടി കാന്‍സറിനുള്ള സാധ്യത കുറയ്ക്കുമെന്ന് ആരോഗ്യപ്രവര്‍ത്തകര്‍ സാക്ഷ്യപ്പെടുത്തുന്നു.
ആരോഗ്യകരമായ ജീവിതശൈലി സ്വീകരിക്കുന്നതിന് ഒപ്പം പോഷകസമൃദ്ധമായ ഭക്ഷണങ്ങള്‍ കഴിക്കുന്നത് വിവിധ രോഗങ്ങളുടെ അപകടസാധ്യത കുറയ്ക്കുന്നതിന് സഹായിക്കും.
ഒരു ഭക്ഷണവും കാന്‍സറിന് എതിരായ എഴുപ്പവഴി അല്ലെങ്കിലും പോഷകസമ്പന്നമായ ഭക്ഷണങ്ങളിലൂടെ കാന്‍സറുകളുടെ സാധ്യത കുറയ്ക്കാന്‍ സധിക്കും. അങ്ങനെ കാന്‍സര്‍ സാധ്യത കുറയ്ക്കാന്‍ സഹായിക്കുന്ന ആഹാരപദാര്‍ഥങ്ങളെ കുറിച്ച്...
ബ്രൊക്കോളി, കോളിഫ്‌ളവര്‍, മുളപ്പിച്ച ധാന്യങ്ങള്‍ തുടങ്ങിയ പോഷകഗുണങ്ങള്‍ക്കും ആരോഗ്യ ഗുണങ്ങള്‍ക്കും പേരുകേട്ടതാണ്. ഇത് കാന്‍സറിനെതിരായ പോരാട്ടത്തില്‍ ശരീരത്തെ സഹായിക്കും.
1. ബ്രൊക്കോളി
വിറ്റാമിന്‍ സി, വിറ്റാമിന്‍ കെ, ഫോളേറ്റ്, ഫൈബര്‍ എന്നിവയുടെ മികച്ച ഉറവിടമാണ് ബ്രൊക്കോളി. കാന്‍സറിനെതിരേ പോരാടാന്‍ സഹായിക്കുന്ന സള്‍ഫോറാഫേന്‍ ബ്രൊക്കോളിയില് അടങ്ങിയിട്ടുണ്ട്.
അര്‍ബുദകാരികളെ നിര്‍വീര്യമാക്കുക, കാന്‍സര്‍ കോശങ്ങളുടെ വളര്‍ച്ചയെ തടയുക തുടങ്ങിയ കാര്യങ്ങളാണ് സള്‍ഫോറഫേന്‍ ചെയ്യുന്നത്.
ബ്രൊക്കോളി പതിവായി കഴിക്കുന്നത് സ്തനം, പ്രോസ്റ്റേറ്റ്, വന്‍കുടല്‍, ശ്വാസകോശം, ആമാശയം എന്നിവയിലുള്ള അര്‍ബുദങ്ങളുടെ സാധ്യത കുറയ്ക്കാന്‍ സഹായിക്കുമെന്ന് ഗവേഷണങ്ങള്‍ സൂചിപ്പിക്കുന്നു.
2. കോളിഫ്‌ളവര്‍
കാന്‍സറിനെ പ്രതിരോധിക്കുന്ന ഗുണങ്ങള്‍ക്ക് പേരുകേട്ട മറ്റൊരു ഇലക്കറിയാണ് കോളിഫ്‌ളവര്‍. ബ്രോക്കോളി പോലെ, കോളിഫ്‌ളവറില്‍ വിറ്റാമിന്‍ സി, കെ, ഫോളേറ്റ്, ഫൈബര്‍ എന്നിവ അടങ്ങിയിട്ടുണ്ട്.
ഇന്‍ഡോള്‍-3-കാര്‍ബിനോള്‍ (ഐ3സി), സള്‍ഫോറഫേന്‍ തുടങ്ങിയ സംയുക്തങ്ങളും ഇതില്‍ അടങ്ങിയിരിക്കുന്നു. കോളിഫ്‌ളവറില്‍ കലോറി കുറവാണ് അതുകൊണ്ടുതന്നെ ഏത് ഭക്ഷണത്തിനൊപ്പവും ഇത് ചേര്‍ക്കാവുന്നതുമാണ്.
3. കാബേജ്/മുളപ്പിച്ച ധാന്യങ്ങള്‍
വിറ്റാമിനുകള്‍, ധാതുക്കള്‍, ആന്‍റിഓക്‌സിഡന്‍റുകള്‍, ഫൈബര്‍ എന്നിവയുടെ സവിശേഷമായ സംയോജനമാണ് മുളപ്പിച്ച ധാന്യങ്ങളും കാബേജും. വിറ്റാമിന്‍ കെ, വിറ്റാമിന്‍ സി, വിറ്റാമിന്‍ എ, ഫോളേറ്റ്, പൊട്ടാസ്യം എന്നിവയാല്‍ സമ്പന്നമാണ് ഇവ.
കാബേജ് ഇലകളില്‍ സര്‍ഫര്‍ അടങ്ങിയിട്ടുള്ള ഗ്ലൂക്കോസിനോലേറ്റുകള്‍ ഉണ്ട്. കാബേജും മുളപ്പിച്ച ധാന്യങ്ങളും കഴിക്കുന്നത് വന്‍കുടല്‍, സ്തനം, പ്രോസ്റ്റേറ്റ് കാന്‍സര്‍ എന്നിവയുടെ സാധ്യത കുറയ്ക്കാന്‍ സഹായിക്കുമെന്ന് പഠനങ്ങള്‍ തെളിയിച്ചിട്ടുണ്ട്.
കൂടാതെ, അവയുടെ ഉയര്‍ന്ന ഫൈബര്‍ ഉള്ളടക്കം ദഹന ആരോഗ്യത്തെ പ്രോത്സാഹിപ്പിക്കുകയും ശരീരഭാരം നിയന്ത്രിക്കാന്‍ സഹായിക്കുകയും ചെയ്യും. ഇതും കാന്‍സര്‍ സാധ്യത കുറയ്ക്കുന്ന മറ്റൊരു ഘടകമാണ്.
4. ബ്ലൂബെറി/സ്ട്രോബെറി/റാസ്‌ബെറി/ബ്ലാക്ക്‌ബെറി
ഉയര്‍ന്ന ആന്‍റിഓക്‌സിഡന്‍റ് ഉള്ളടക്കത്തിന് പേരുകേട്ടതാണ് ബ്ലൂബെറി, പ്രത്യേകിച്ച് ആന്തോസയാനിനുകള്‍. ഇവ ദോഷകരമായ ഫ്രീ റാഡിക്കലുകളെ നിര്‍വീര്യമാക്കാനും വീക്കം കുറയ്ക്കാനും കോശങ്ങളെ ഓക്‌സിഡേറ്റീവ് നാശത്തില്‍ നിന്ന് സംരക്ഷിക്കാനും സഹായിക്കുന്നു.
ബ്ലൂബെറി സ്ഥിരമായി ഉപയോഗിച്ചാല്‍ കാന്‍സര്‍ കോശങ്ങളുടെ വളര്‍ച്ച കുറയുമെന്ന് പഠനങ്ങള്‍ തെളിയിച്ചിട്ടുണ്ട്. സ്ട്രോബെറി വിറ്റാമിന്‍ സി, മാംഗനീസ്, ഫോളേറ്റ്, പൊട്ടാസ്യം എന്നിവയുടെ മികച്ച ഉറവിടമാണ്.
ഇതില്‍ കാന്‍സറിനെ ചെറുക്കുന്ന എലാജിക് ആസിഡ് അടങ്ങിയിട്ടുണ്ട്. എല്ലാജിക് ആസിഡ് കാന്‍സര്‍ കോശങ്ങളുടെ വ്യാപനത്തെയും ട്യൂമറുകള്‍ രൂപപ്പെടുന്നതിനെയും തടയുമെന്ന് തെളിയിക്കപ്പെട്ടിട്ടുണ്ട്.
വിറ്റാമിനുകള്‍, ധാതുക്കള്‍, ആന്‍റിഓക്‌സിഡന്‍റുകള്‍, ഡയറ്ററി ഫൈബര്‍ എന്നിവയാല്‍ സമ്പന്നമായ റാസ്‌ബെറി കാന്‍സറിനെ ചെറുക്കും. അസ്ഥികളുടെ ആരോഗ്യം, ദഹനം എന്നിവയ്ക്കും സഹായകമാണ്.
ഇതിലെ എല്ലാജിക് ആസിഡ്, ക്വെര്‍സെറ്റിന്‍ തുടങ്ങിയവ കാന്‍സര്‍ കോശങ്ങളുടെ വളര്‍ച്ചയെ തടയും. ബ്ലാക്ക്‌ബെറിയില്‍ വിറ്റാമിന്‍ സി, കെ, മാംഗനീസ്, ഡയറ്ററി ഫൈബര്‍ എന്നിവയുണ്ട്. ഇതും കാന്‍സര്‍ സാധ്യത കുറയ്ക്കുന്നു.
5. ഗ്രീന്‍ ടി, തക്കാളി, മഞ്ഞള്‍
ഗ്രീന്‍ ടി, തക്കാളി, മഞ്ഞള്‍ തുടങ്ങിയവയും കാന്‍സര്‍ കോശങ്ങളുടെ വളര്‍ച്ചയെ തടയുന്നതിനു സഹായിക്കുന്നവയാണ്. ഇവയില്‍ അടങ്ങിയിരിക്കുന്ന എല്ലാജിക് ആസിഡ് കാന്‍സര്‍ കോശങ്ങളുടെ വ്യാപനത്തെയും ട്യൂമറുകള്‍ രൂപപ്പെടുന്നതിനെയും തടയുമെന്ന് തെളിയിക്കപ്പെട്ടിട്ടുണ്ട്.