കടച്ചക്ക പ്രഥമൻ

ഓണപായസം

കടച്ചക്ക പ്രഥമൻ

ചേരുവകൾ

കടച്ചക്ക (ശീമച്ചക്ക)(ഇടത്തരം വലുപ്പം)- 1 എണ്ണം
ശർക്കര ചീകിയത് - രണ്ട് കപ്പ്
തേങ്ങാപ്പാൽ (രണ്ടാം പാൽ) - ഒന്നര കപ്പ്
ഒന്നാംപാൽ - ഒരു കപ്പ്
ചുരണ്ടിയ തേങ്ങാ - ഒരു ടേബിൾ സ്പൂണ്‍
ഏലയ്ക്കാപ്പൊടി - അര ടീസ്പൂണ്‍
കടലപ്പരിപ്പ്(വേവിച്ചത്) - കാൽ കപ്പ്
ബദാം ഗ്രേറ്റ് ചെയ്തത് - ഒരു ടേബിൾ സ്പൂണ്‍
നെയ്യ് - രണ്ട് ടേബിൾ സ്പൂണ്‍

തയാറാക്കുന്നവിധം

ശീമച്ചക്കയുടെ തൊലിയും കൂഞ്ഞിയും ചെത്തി, കഴുകി വലിയ കഷണങ്ങളാക്കി ഏഴു മിനിറ്റ് ആവിയിൽ വേവിച്ച് ആറാൻ വയ്ക്കുക. അതിനുശേഷം അൽപമൊന്ന് ഉടച്ചുകടലപ്പരിപ്പ് വേവിച്ചതും ചേർത്തിളക്കി വയ്ക്കണം.

ശർക്കര ചീകിയതിൽ അൽപം ചൂടുവെള്ളം ഒഴിച്ച് ചൂടാക്കി പാനി തയാറാക്കുക. ഇത് അരിച്ച് ശീമച്ചക്ക -കടലപ്പരിപ്പ് കൂട്ടിൽ ചേർക്കണം. ഇതിൽ രണ്ടാംപാൽ ചേർക്കുക. 5-7 മിനിറ്റ് അടുപ്പത്ത് വച്ച് ചുരണ്ടിയ തേങ്ങ (ഒരു ടേബിൾ സ്പൂണ്‍) നെയ്യിൽ വറുത്തതിട്ട് വാങ്ങണം. മിച്ചമുള്ള നെയ്യും പായസത്തിൽ ചേർക്കാം. ബദാം ഗ്രേറ്റ് ചെയ്തതും ഏലയ്ക്കാപ്പൊടിയും വിതറി ചൂടാടെ വിളന്പുക. സ്വാദിഷ്ടമായ കടച്ചക്ക പ്രഥമൻ റെഡി.