അവൽപായസം

ഓണപായസം

അവൽപായസം

ചേരുവകൾ

അവൽ - അര കപ്പ്
പാൽ - രണ്ടു കപ്പ്
ശർക്കര ചീകിയത് - രണ്ടു കപ്പ്
നെയ്യ്- രണ്ട് ടേബിൾ സ്പൂണ്‍
അണ്ടിപ്പരിപ്പ്, കിസ്മിസ് - എട്ട് എണ്ണം വീതം
വെള്ളം - അഞ്ച് ടേബിൾ സ്പൂണ്‍
ഏലയ്ക്ക(പൊടിച്ചത്) - നാലെണ്ണം

വറുത്ത് ചേർക്കാൻ
അവൽ- രണ്ട് ടേബിൾസ്പൂണ്‍
അണ്ടിപ്പരിപ്പ് - എട്ടെണ്ണം

തയാറാക്കുന്ന വിധം

ശർക്കരയിൽ അഞ്ച് ടേബിൾസ്പൂണ്‍ വെള്ളം ഒഴിച്ച് ഉരുക്കി തെളിച്ചൂറ്റി വയ്ക്കുക.
എട്ട് അണ്ടിപ്പരിപ്പും അര കപ്പ് അവലും നന്നായി പൊടിക്കണം. ഒരു പാനിൽ നെയ്യൊഴിച്ച് ചൂടാക്കി എട്ട് അണ്ടിപ്പരിപ്പിട്ട് വറുത്തുകോരുക. കിസ്മിസും ഇതുപോലെ വറുത്തു കോരണം. രണ്ട് ടേബിൾ സ്പൂണ്‍ അവലുമിട്ട് വറുത്ത് കോരുക.
പൊടിച്ചുവച്ച അവൽ - അണ്ടിപ്പരിപ്പ് കൂട്ട് ഒരു ഉരുളിയിൽ എടുത്ത് അടുപ്പത്ത് വയ്ക്കുക. ഇതിലേക്ക് പാൽ ഒഴിച്ച് മിശ്രിതം കുറുകിയാൽ ഏലയ്ക്കാപ്പൊടി, വറുത്ത് കോരിയ അവൽ, അണ്ടിപ്പരിപ്പ്, കിസ്മിസ് എന്നിവയിട്ട് ശർക്കരപ്പാനി ഒഴിച്ച് തിളപ്പിച്ച് വാങ്ങണം.

(കുറിപ്പ്- എല്ലാ പായസങ്ങൾക്കും അൽപം അവയുവരുത്താനായി ആവശ്യത്തിന് പാൽ ചേർക്കാം.)

ഇന്ദു നാരായണ്‍