എതിർക്കപ്പെടേണ്ട ശത്രുവല്ല കൂടെ കൂട്ടേണ്ട മിത്രം
വാ​ല്യു​വേ​ഷ​ൻ ക്യാ​ന്പി​ലാ​യി​രു​ന്ന അ​യാ​ൾ​ക്ക് ഫോ​ണ്‍ ചെ​യ്ത​ത് ഭാ​ര്യ​യാ​ണ്. ഇ​രു​വ​രും അ​ധ്യാ​പ​ക​രാ​ണ്. അ​യാ​ൾ ഹൈ​സ്കൂ​ളി​ലും ഭാ​ര്യ എ​ൽ പി ​യി​ലു​മാ​ണ്. അ​യാ​ൾ ജോ​ണ്‍ മാ​ത്യു എ​ന്ന ജോ​യി സാ​ർ, ഭാ​ര്യ സൂ​സി ടീ​ച്ച​ർ. മ​ക്ക​ൾ ര​ണ്ടു​പേ​രാ​ണി​വ​ർ​ക്ക് മൂ​ത്ത​വ​ൻ ജി​ജോ, പ്ല​സ് ടൂ ​പ​ഠ​നം പൂ​ർ​ത്തി​യാ​ക്കി​യ​ശേ​ഷം ഡി​ഗ്രി​ക്ക് പോ​കാ​നു​ള്ള ഒ​രു​ക്ക​ത്തി​ലാ​ണ്. ഇ​ള​യ​വ​ൻ ജി​തീ​ഷ് ഒ​ൻ​പ​താം ക്ലാ​സ് വി​ദ്യാ​ർ​ഥി​യാണ്. അ​വ​ൻ മി​ത​ഭാ​ഷി​യും അ​നു​സ​ര​ണ ശീ​ല​വു​മു​ള്ള​വ​നാ​ണെ​ന്നാ​ണ് ജോ​യി​സാ​റും സൂ​സി ടീ​ച്ച​റും പ​റ​യു​ന്ന​ത്. എ​ന്നാ​ൽ ജി​ജോ അ​ങ്ങ​നെ​യ​ല്ല. വ​ഴി​പി​ഴ​ച്ച കു​റെ​യേ​റെ കൂ​ട്ടു​കെ​ട്ടു​ക​ൾ അ​വ​നുണ്ട് അ​വ​ധി​ക്കാ​ല​മാ​യി​രു​ന്ന​തി​നാ​ൽ കു​ട്ടി​ക​ൾ ഇ​രു​വ​രും വീ​ട്ടി​ൽ ത​ന്നെ​യു​ണ്ടാ​യി​രു​ന്നു. ടി ​വി ഓ​ഫ് ചെ​യ്യാ​നും ക​ട​യി​ൽ ചെ​ന്ന് സാ​ധ​ന​ങ്ങ​ൾ വാ​ങ്ങി​ക്കൊ​ണ്ട് വ​രാ​നും ജി​ജോ​യോ​ട് ടീ​ച്ച​ർ പ​റ​ഞ്ഞെ​ങ്കി​ലും അ​വ​ൻ അ​തി​ന് ത​യ്യാ​റാ​യി​ല്ല. പ​ല​വ​ട്ടം പ​റ​ഞ്ഞി​ട്ടും ത​ന്നെ അ​നു​സ​രി​ക്കാ​തി​രു​ന്ന അ​വ​നോ​ട് ടീ​ച്ച​ർ അ​രി​ശ​പ്പെ​ടു​ക​യും ടി. ​വി ഓ​ഫ് ചെ​യ്യു​ക​യും ചെ​യ്തു. അ​പ്ര​കാ​രം പ്ര​വ​ർ​ത്തി​ച്ച ടീ​ച്ച​റോ​ട് അ​തേ നാ​ണ​യ​ത്തി​ൽ​ത​ന്നെ അ​വ​നും പ്ര​തി​ക​രി​ച്ചു. കൈ​യി​ൽ കി​ട്ടി​യ സാ​ധ​ന​ങ്ങ​ളൊ​ക്കെ വ​ലി​ച്ചെ​റി​ഞ്ഞ് പൊ​ട്ടി​ക്കു​ക​യും ടീ​ച്ച​റെ ഭി​ത്തി​യോ​ട് ചേ​ർ​ത്തു​നി​ർ​ത്തി ഇ​ടി​ക്കു​ക​യും ചെ​യ്തു. ഇ​തൊ​ക്കെ ക​ണ്ടു​നി​ന്നി​രു​ന്ന ഇ​ള​യ​വ​ൻ ജി​തീ​ഷ് ത​ട​സം പി​ടി​ക്കാ​ൻ ചെ​ന്നെ​ങ്കി​ലും ജി​ജോ അ​വ​നെ ത​ട്ടി​മാ​റ്റു​ക​യാ​യി​രു​ന്നു. കാ​ര്യ​ങ്ങ​ൾ ഇ​ത്ത​ര​ത്തി​ലൊ​ക്കെ വ​ഷ​ളാ​യ​തോ​ടെ​യാ​ണ് സൂ​സി ടീ​ച്ച​ർ ജോ​യി സാ​റി​ന് ഫോ​ണ്‍ ചെ​യ്ത​ത്. വാ​ല്യു​വേ​ഷ​ൻ ക്യാ​ന്പി​ലാ​യി​രു​ന്ന​തി​നാ​ൽ വീ​ട്ടി​ലേ​ക്ക് പെട്ടെ​ന്നെ​ത്താ​ൻ ത​ര​മി​ല്ലാ​ത്ത​തി​നാ​ൽ ജോ​യി സാ​ർ ത​ന്‍റെ ജ്യേ​ഷ്ഠ​ൻ അ​പ്പ​ച്ച​നോ​ട് കാ​ര്യ​ങ്ങ​ൾ പ​റ​യു​ക​യും പ്ര​ശ്ന പ​രി​ഹാ​ര​ത്തി​നാ​യി ത​ന്‍റെ വീ​ട്ടി​ലേ​ക്ക് ജ്യേ​ഷ്ഠ​നെ പ​റ​ഞ്ഞു​വി​ടു​ക​യു​മാ​യി​രു​ന്നു. അ​പ്പ​ച്ച​ൻ താ​മ​സം​വി​നാ ജോ​യി​സാ​റി​ന്‍റെ വീ​ട്ടി​ലെ​ത്തി​യെ​ങ്കി​ലും അ​യാ​ളെ കേ​ൾ​ക്കാ​നോ അ​മ്മ​യോ​ട് ക്ഷ​മ പ​റ​യാ​നോ ജി​ജോ ത​യ്യാ​റാ​യി​ല്ല. വ​ള​ർ​ത്തു​ദോ​ഷം​കൊ​ണ്ടാ​ണ് ഇ​ങ്ങ​നെ​യൊ​ക്കെ സം​ഭ​വി​ക്കു​ന്ന​ത് എ​ന്നു പ​റ​ഞ്ഞ അ​പ്പ​ച്ച​നോ​ട് വ​ള​രെ പ​രു​ഷ​മാ​യി​ട്ടാ​ണ് ജി​ജോ പ്ര​തി​ക​രി​ച്ച​ത്. വ​ലി​യ വി​ഷ​മ​ത്തോ​ടെ​യാ​ണ് അ​ന്ന് അ​യാ​ൾ ആ ​വീ​ട്ടി​ൽ നി​ന്നും തി​രി​ച്ചു​പോ​യ​ത്. വാ​ല്യു​വേ​ഷ​ൻ ക്യാ​ന്പി​ൽ​നി​ന്ന് ത​ന്‍റെ വീ​ട്ടി​ൽ ത​രി​ച്ചെ​ത്തി​യ ജോ​യി സാ​ർ പ്ര​ശ്ന​പ​രി​ഹാ​ര​ത്തി​നാ​യി ശ്ര​മി​ച്ചെ​ങ്കി​ലും ജി​ജോ​യെ അ​നു​ന​യി​പ്പി​ക്കാ​ൻ അ​യാ​ൾ​ക്ക് ക​ഴി​ഞ്ഞി​ല്ല.​ത​ന്‍റെ ഇ​ഷ്ട​ത്തി​നെ​തി​രാ​യി നി​ൽ​ക്കു​ന്ന​ത് മ​മ്മി​ത​ന്നെ​യാ​യാ​ലും അ​തി​നോ​ട് പൊ​രു​ത്ത​പ്പെ​ട്ടു പോ​കാ​ൻ ത​നി​ക്കാ​വി​ല്ല എ​ന്നു പ​റ​ഞ്ഞാ​ണ് ത​ന്‍റെ അ​പ്പ​നോ​ട് ജി​ജോ പ്ര​തി​ക​രി​ച്ച​ത്.

ഇ​ത്ത​ര​ത്തി​ലു​ള്ള സം​ഭ​വ​ങ്ങ​ൾ പ​ണ്ട് കേ​ട്ടു​കേ​ൾ​വി​പോ​ലും ഇ​ല്ലാ​യി​രു​ന്നെ​ങ്കി​ൽ ഇ​ന്ന് പ​ര​ക്കെ​യ​ല്ലെ​ങ്കി​ലും അ​ങ്ങി​ങ്ങാ​യെ​ങ്കി​ലും ക​ണ്ടു​വ​രു​ന്നു എ​ന്ന​ത് ആ​ശ​ങ്കാ​ജ​ന​ക​മാ​ണ്. ഇ​ത്ത​രം സം​ഭ​വ​ങ്ങ​ളെ​പ്ര​തി ര​ക്ഷാ​ക​ർ​തൃ​ത്വം അ​പ​ക​ട​ത്തി​ൽ എ​ന്നോ, വ​ഴി​പി​ഴ​യ്ക്കു​ന്ന ര​ക്ഷാ​ക​ർ​തൃ​ത്വ​മെ​ന്നോ ഒ​ക്കെ പ​ഴി​ച്ചു മാ​റി​നി​ന്നി​ട്ടു കാ​ര്യ​മു​ണ്ടോ? മാ​റി​വ​രു​ന്ന കാ​ല​ത്തി​ന്‍റെ സൃ​ഷ്ടി​യാ​യ ഇ​ത്ത​രം സാ​ഹ​ച​ര്യ​ങ്ങ​ളെ പ​ക്വ​ത​യോ​ടെ​യും വി​വേ​ക​പൂ​ർ​വ​വും കൈ​കാ​ര്യം ചെ​യ്യു​ക എ​ന്ന​താ​ണ് ഉ​ത്ത​മ​മാ​യ കാ​ര്യം. കു​ട്ടി​ക​ളെ കു​ടും​ബ​ജീ​വി​ത​ത്തി​ന്‍റെ മു​ഖ്യ​ധാ​ര​യോ​ട് ചേ​ർ​ത്ത് വ​ള​ർ​ത്തു​ക എ​ന്ന​ത് കു​ട്ടി​ക​ളു​ടെ​യും കു​ടും​ബ​ത്തി​ന്‍റെ​യും ആ​രോ​ഗ്യ​ക​ര​മാ​യ ഭാ​വി​ക്ക് അ​നു​പേ​ക്ഷ​ണീ​യ​മാ​ണ്. കു​ടും​ബം കു​ട്ടി​ക​ൾ​ക്കു​വേ​ണ്ടി​യും ഇ​ത​ര കു​ടും​ബാം​ഗ​ങ്ങ​ൾ​ക്കു​വേ​ണ്ടി​യു​മാ​ണ് നി​ല​നി​ൽ​ക്കു​ന്ന​ത് എ​ന്ന ഭാ​ഗി​ക​മാ​യ കാ​ഴ്ച​പ്പാ​ടി​ൽ​നി​ന്ന് ഓ​രോ​രു​ത്ത​രും നി​ല​നി​ൽ​ക്കു​ന്ന​തും അ​ധ്വാ​നി​ക്കു​ന്ന​തും കു​ടും​ബ​ത്തി​നു​വേ​ണ്ടി​കൂ​ടി​യാ​ണ് എ​ന്ന കാ​ഴ്ച​പ്പാ​ടു​കൂ​ടി കു​ട്ടി​ക​ൾ​ക്ക് പ​ക​ർ​ന്നു​ന​ൽ​കാ​ൻ മാ​താ​പി​താ​ക്ക​ൾ ശ്ര​ദ്ധി​ക്കേ​ണ്ട​താ​ണ്. മാ​താ​പി​താ​ക്ക​ളോ​ടും കു​ടും​ബ​ത്തോ​ടും ആ​ത്മാ​ർ​ഥമാ​യ സ്നേ​ഹം പു​ല​ർ​ത്താ​ൻ ത​ക്ക​വി​ധം ത​ങ്ങ​ളു​ടെ കു​ടും​ബം ക​ട​ന്നു​വ​ന്ന ച​രി​ത്രവ​ഴി​ക​ളെ കു​ട്ടി​ക​ൾ​ക്ക് ബോ​ധ​പൂ​ർ​വ്വം പ​രി​ച​യ​പ്പെ​ടു​ത്താ​ൻ മാ​താ​പി​താ​ക്ക​ൾ ശ്ര​ദ്ധി​ക്ക​ണം. മാ​താ​പി​താ​ക്ക​ളെ മ​ക്ക​ൾ ആ​ദ​രി​ക്കാ​ൻ ത​ക്ക​വി​ധം കു​ട്ടി​ക്കാ​ലം തു​ട​ങ്ങി അ​വ​രെ ആ​ദ​രി​ക്കാ​നും കേ​ൾ​ക്കാ​നും മാ​താ​പി​താ​ക്ക​ൾ സ​ന്ന​ദ്ധ​ത കാ​ട്ടു​ക​യും വേ​ണം.

ത​ന്‍റെ ആ​ഗ്ര​ഹ​ങ്ങ​ളെ​ക്കാ​ൾ കു​ടും​ബ​ത്തി​ന്‍റെ നന്മയാ​ണ് താ​ൻ കാം​ക്ഷി​ക്കേ​ണ്ട​തെ​ന്ന ചി​ന്ത ചെ​റു​പ്പ​കാ​ലം മു​ത​ൽ കു​ട്ടി​ക​ളു​ടെ ബോ​ധ്യ​മാ​യി മാ​റേ​ണ്ട​താ​ണ്. ത​ന്‍റെ ജീ​വി​ത​ത്തി​ൽ മു​ൻ​ഗ​ണ​ന​യും പ​രി​ഗ​ണ​ന​യും കൊ​ടു​ക്കേ​ണ്ട കാ​ര്യ​ങ്ങ​ൾ ഉ​ണ്ടെ​ന്നും അ​വ കു​ടും​ബ​ത്തി​ന്‍റെ​യും കു​ടും​ബാം​ഗ​ങ്ങ​ളു​ടെ​യും പൊ​തു​നന്മയും വ​ള​ർ​ച്ച​യും ല​ക്ഷ്യം​വ​ച്ചു​കൊ​ണ്ടു​ള്ള​താ​ണെ​ന്നു​മു​ള്ള തി​രി​ച്ച​റി​വ് കു​ട്ടി​ക​ൾ​ക്ക് ബാ​ല്യ​കാ​ലം​മു​ത​ൽ ല​ഭി​ക്കേ​ണ്ട​താ​ണ്. കു​ട്ടി​ക​ളെ കു​ടും​ബ​ജീ​വി​ത​ത്തി​ന്‍റെ നേ​ർ​ക്കാ​ഴ്ച​ക​ളി​ൽ​നി​ന്ന് മാ​റ്റി നി​ർ​ത്തി അ​വ​ർ​ക്ക് ശി​ക്ഷ​ണം ന​ൽ​കു​ക എ​ന്ന​തി​നെ​ക്കാ​ൾ കു​ടും​ബ​ജീ​വി​ത​ത്തി​ന്‍റെ മു​ഖ്യ​ധാ​ര​യി​ലൂ​ടെ ത​ങ്ങ​ൾ​ക്കൊ​പ്പം ന​ട​ത്തി ശി​ക്ഷ​ണം ന​ൽ​കു​ന്ന രീ​തി​യാ​ണ് അ​വ​രു​ടെ ശി​ക്ഷ​ണ വ​ഴി​യി​ൽ ഏ​റെ ഗു​ണ​പ്ര​ദം എ​ന്ന് തോ​ന്നു​ന്നു. കൂ​ട്ടു​കെ​ട്ട്ബ​ന്ധ​ത്തെ​യും സ്വാ​ധീ​ന​ത്തെ​യും​കാ​ൾ ഉ​യ​ർ​ന്ന ഒ​രു സ്വാ​ധീ​നം കു​ട്ടി​ക​ളു​ടെ​മേ​ൽ മാ​താ​പി​താ​ക്ക​ൾ​ക്ക് അ​വ​രു​ടെ ശൈ​ശ​വ​കാ​ലം മു​ത​ൽ ഉ​ണ്ടാ​കു​ക എ​ന്ന​തും ശി​ക്ഷ​ണ വ​ഴി​യി​ൽ പ്ര​ധാ​ന​പ്പെ​ട്ട​താ​ണ്. എ​തി​ർ​ക്ക​പ്പെ​ടേ​ണ്ട ശ​ത്രു എ​ന്ന​തി​നെ​ക്കാ​ൾ കൂ​ടെ കൂ​ട്ടേ​ണ്ട മി​ത്രം എ​ന്ന് മ​ക്ക​ൾ ഓ​രോ​രു​ത്ത​ർ​ക്കും മാ​താ​പി​താ​ക്ക​ളെ​പ്പ​റ്റി ചി​ന്തി​ക്കാ​ൻ ഇ​ട​യാ​കും​വി​ധം ആ​യി​രി​ക്ക​ണം മ​ക്ക​ളു​ടെ​മേ​ൽ അ​വ​ർ​ക്കു​ള്ള സ്വാ​ധീ​നം എ​ന്ന​തും മു​ഖ്യ​മാ​ണ്.

സിറിയക് കോട്ടയിൽ


Copyright @ 2022 , Rashtra Deepika Ltd.