താങ്ങുവില കുടിശികയെങ്കിലും നൽകി റബർ കർഷകർക്കു താങ്ങാകണം
കടുത്ത പ്രതിസന്ധിയിൽ കഴിയുന്ന റബർ കർഷകർക്കു വിലസ്ഥിരതാ ഫണ്ടിൽനിന്നു താങ്ങുവിലയെങ്കിലും ക്രമമായി നൽകാൻ സർക്കാർ തയാറാവണം

റ​ബ​ർ ക​ർ​ഷ​ക​മേ​ഖ​ല ക​ഠി​നമായ പ്ര​തി​സ​ന്ധി​യി​ലാ​ണ്. വി​ല​സ്ഥി​ര​താ പ​ദ്ധ​തി​യു​ടെ ഭാ​ഗ​മാ​യി റ​ബ​റി​നു കി​ലോ​ഗ്രാ​മി​നു 150 രൂ​പ താ​ങ്ങു​വി​ല പ്ര​ഖ്യാ​പി​ച്ചി​ട്ടു​ണ്ടെ​ങ്കി​ലും അ​തു​പോ​ലും കൃ​ത്യ​മാ​യി ക​ർ​ഷ​ക​ർ​ക്കു ല​ഭി​ക്കു​ന്നി​ല്ല. കോ​ടി​ക്ക​ണ​ക്കി​നു രൂ​പ​യാ​ണ് ഈ​യി​ന​ത്തി​ൽ ഇ​നി​യും കൊ​ടു​ത്തു​തീ​ർ​ക്കാ​നു​ള്ള​ത്. കു​ടി​ശി​ക തീ​ർ​ക്കാ​നെ​ങ്കി​ലും സ​ർ​ക്കാ​ർ ത​യാ​റാ​യി​രു​ന്നെ​ങ്കി​ൽ സാ​ന്പ​ത്തി​ക​മാ​യി വ​ല്ലാ​തെ ക്ലേ​ശി​ക്കു​ന്ന റ​ബ​ർ ക​ർ​ഷ​ക​ർ​ക്ക് അ​ല്പം ആ​ശ്വാ​സ​മാ​യേ​നേ.

വേ​ന​ൽ ക​ടു​ത്ത​തോ​ടെ റ​ബ​ർ ഉ​ത്പാ​ദ​നം ഗ​ണ്യ​മാ​യി കു​റ​ഞ്ഞു. പ​ല​രും ടാ​പ്പിം​ഗ് നി​ർ​ത്തി​വ​ച്ചി​രി​ക്കു​ക​യാ​ണ്. ഉ​ത്പാ​ദ​ന​ച്ചെ​ല​വും ഉ​ത്പ​ന്ന​വി​ല​യും ത​മ്മി​ൽ യാ​തൊ​രു പൊ​രു​ത്ത​വു​മി​ല്ലാ​താ​യ​താ​ണു റ​ബ​ർ മേ​ഖ​ല​യെ ത​ക​ർ​ത്ത​ത്. ഒ​രു​കാ​ല​ത്തു റ​ബ​ർ കൃ​ഷി ഏ​റെ ലാ​ഭ​ക​ര​മാ​യി​രു​ന്നു. ഈ ​കൃ​ഷി​യു​ടെ വ്യാ​പ​ന​ത്തി​നാ​യി കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളും റ​ബ​ർ ബോ​ർ​ഡും ഏ​റെ പ​ദ്ധ​തി​ക​ൾ ആ​വി​ഷ്ക​രി​ച്ചു ന​ട​പ്പാ​ക്കി. ഇ​റ​ക്കു​മ​തി നി​യ​ന്ത്ര​ണം ആ​ഭ്യ​ന്ത​ര​വി​പ​ണി​യെ ക​രു​ത്തു​റ്റ​താ​ക്കി. കേ​ര​ള​ത്തി​ലെ റ​ബ​ർ കൃ​ഷി മേ​ഖ​ല​ക​ളി​ലെ​ല്ലാം അ​തി​ന്‍റെ തെ​ളി​ച്ചം ദൃ​ശ്യ​മാ​യി​രു​ന്നു. എ​ന്നാ​ലി​പ്പോ​ഴ​ത്തെ സ്ഥി​തി തി​ക​ച്ചും ദ​യ​നീ​യ​മാ​ണ്. ഇ​ട​ത്ത​രം ക​ർ​ഷ​ക​ർ​ക്കു​പോ​ലും നി​ത്യ​ച്ചെ​ല​വി​നു വേ​ണ്ട ആ​ദാ​യം റ​ബ​ർ കൃ​ഷി​യി​ൽ​നി​ന്നു ല​ഭി​ക്കു​ന്നി​ല്ല. ചെ​റു​കി​ട, ഇ​ട​ത്ത​രം ക​ർ​ഷ​ക​രി​ൽ പ​ല​രും ഈ ​കൃ​ഷി ഉ​പേ​ക്ഷി​ച്ചു​കൊ​ണ്ടി​രി​ക്കു​ന്നു. ചി​ല​ർ റ​ബ​ർ മ​ര​ങ്ങ​ൾ വെ​ട്ടി​മാ​റ്റി പ​ക​രം കൈ​ത​ച്ച​ക്ക​യും പ്ലാ​വു​മൊ​ക്കെ കൃ​ഷി​ചെ​യ്യു​ന്നു. വ​ലി​യ വ​രു​മാ​നം പ്ര​തീ​ക്ഷി​ച്ച​ല്ല, റ​ബ​റി​നെ അ​പേ​ക്ഷി​ച്ച് വ​രു​മാ​നം അ​ല്പം മെ​ച്ച​മാ​യ​തു​കൊ​ണ്ടു മാ​ത്ര​മാ​ണ് അ​വ​യി​ലേ​ക്കു തി​രി​യു​ന്ന​ത്. റ​ബ​ർ ത​ടി​ക്കും വി​ല​യി​ല്ല. അ​വി​ടെ ഇ​ട​ത്ത​ട്ടു​കാ​രു​ടെ​യും ലോ​ബി​ക​ളു​ടെ​യും ക​ളി​യാ​ണ്.

റ​ബ​ർ ക​ർ​ഷ​ക​ർ​ക്ക് എ​ന്തെ​ങ്കി​ലും ആ​ശ്വാ​സം ന​ൽ​കാ​ൻ ഇ​പ്പോ​ൾ അ​ധി​കൃ​ത​രാ​രും യാ​തൊ​രു താ​ത്പ​ര്യ​വും കാ​ട്ടു​ന്നി​ല്ല. കേ​ന്ദ്ര​സ​ർ​ക്കാ​രി​ന്‍റെ റ​ബ​ർ ന​യം തി​ക​ച്ചും ക​ർ​ഷ​ക​വി​രു​ദ്ധ​മാ​ണെ​ന്ന ആ​രോ​പ​ണം ശ​ക്ത​മാ​ണ്. മാ​ത്ര​മ​ല്ല, വ്യ​വ​സാ​യി​ക​ൾ​ക്ക​നു​കൂ​ല​മാ​യ കേ​ന്ദ്ര​ന​യം, നി​ല​വി​ലു​ള്ള റ​ബ​ർ കൃ​ഷി​ത​ന്നെ ഇ​ല്ലാ​താ​ക്കു​മെ​ന്നാ​ണു ഭ​യം. ചൈ​ന​യി​ൽ കോ​വി​ഡ് 19 വൈ​റ​സ് പ​ട​ർ​ന്നു​പി​ടി​ച്ച​ത് ആ ​രാ​ജ്യ​ത്തെ എ​ല്ലാ വ്യ​വ​സാ​യ​ങ്ങ​ളെ​യും ബാ​ധി​ച്ചി​ട്ടു​ണ്ട്. ചൈ​ന​യി​ലെ വ്യ​വ​സാ​യ​മാ​ന്ദ്യം റ​ബ​ർ വി​പ​ണി​യെ വീ​ണ്ടും ദു​ർ​ബ​ല​മാ​ക്കും.

കേ​ര​ള​ത്തി​ൽ ഒ​രു കി​ലോ​ഗ്രാം ആ​ർ​എ​സ്എ​സ് 4 റ​ബ​ർ ഉ​ത്പാ​ദി​പ്പി​ക്കാ​ൻ 160 രൂ​പ ചെ​ല​വു വ​രു​മെ​ന്നാ​ണു റ​ബ​ർ വ്യ​വ​സാ​യ​വു​മാ​യി ബ​ന്ധ​പ്പെ​ട്ട് രാ​ജ്യ​സ​ഭ​യി​ൽ 2015ൽ ​അ​വ​ത​രി​പ്പി​ച്ച റി​പ്പോ​ർ​ട്ടി​ൽ പ​റ​ഞ്ഞി​രു​ന്ന​ത്. ച​ന്ദ​ൻ മി​ത്ര ചെ​യ​ർ​മാ​നും കേ​ര​ള​ത്തി​ൽ​നി​ന്നു​ള്ള ര​ണ്ട് എം​പി​മാ​ര​ട​ക്കം 31 എം​പി​മാ​ർ അം​ഗ​ങ്ങ​ളു​മാ​യ സ​മി​തി​യാ​ണ് ഈ ​റി​പ്പോ​ർ​ട്ട് ത​യാ​റാ​ക്കി​യ​ത്. ക​ൺ​സോ​ർ​ഷ്യം ഓ​ഫ് ഇ​ന്ത്യ​ൻ റ​ബ​ർ ഗ്രോ​വേ​ഴ്സ് അ​സോ​സി​യേ​ഷ​ന്‍റെ ക​ണ​ക്ക​നു​സ​രി​ച്ച് കേ​ര​ള​ത്തി​ൽ ഒ​രു കി​ലോ​ഗ്രാം റ​ബ​റി​നു 172 രൂ​പ ഉ​ത്പാ​ദ​ന​ച്ചെ​ല​വു വ​രും. റ​ബ​ർ ബോ​ർ​ഡി​ന്‍റെ ഏ​താ​നും വ​ർ​ഷ​ങ്ങ​ൾ മു​ന്പ​ത്തെ ക​ണ​ക്ക​നു​സ​രി​ച്ചു​ത​ന്നെ കേ​ര​ള​ത്തി​ൽ ഒ​രു കി​ലോ​ഗ്രാം റ​ബ​ർ ഉ​ത്പാ​ദി​പ്പി​ക്കു​ന്ന​തി​നു 172 രൂ​പ​യാ​ണു ചെ​ല​വ്. ഇ​തി​ൽ​നി​ന്നു വ​ള​രെ താ‍ഴെ​യാ​ണി​പ്പോ​ൾ വി​പ​ണി​വി​ല. താ​ങ്ങു​വി​ല പോ​ലും 150 രൂ​പ​യേ ഉ​ള്ളൂ. അ​തു​ത​ന്നെ കൃ​ത്യ​മാ​യി ന​ൽ​കു​ന്നി​ല്ല. പി​ന്നെ എ​ങ്ങ​നെ​യാ​ണു ക​ർ​ഷ​ക​ർ ഈ ​രം​ഗ​ത്തു പി​ടി​ച്ചു​നി​ൽ​ക്കു​ക?

അ​ത്യ​ന്തം ആ​ശ​ങ്കാ​ജ​ന​ക​മാ​യ ഈ ​കാ​ർ​ഷി​ക സാ​ഹ​ച​ര്യ​ത്തി​ൽ ക​ർ​ഷ​ക​ർ​ക്ക് സം​സ്ഥാ​ന സ​ർ​ക്കാ​രി​ന്‍റെ കൈ​ത്താ​ങ്ങ് അ​ത്യ​ന്താ​പേ​ക്ഷി​ത​മാ​യി​രി​ക്കു​ന്നു. താ​ങ്ങു​വി​ല കു​ടി​ശി​ക​യെ​ങ്കി​ലും സ​ർ​ക്കാ​ർ അ​ടി​യ​ന്ത​ര​മാ​യി വി​ത​ര​ണം ചെ​യ്‌​താ​ൽ ക​ർ​ഷ​ക​ർ​ക്കു വ​ലി​യ ആ​ശ്വാ​സ​മാ​യി​രി​ക്കും.

അ​ന്താ​രാ​ഷ്‌​ട്ര ക​രാ​റു​ക​ളു​ടെ​യും വി​ല​ത്ത​ക​ർ​ച്ച​യു​ടെ​യു​മൊ​ക്കെ പ​ശ്ചാ​ത്ത​ല​ത്തി​ൽ കേ​ര​ള​ത്തി​ലെ കാ​ർ​ഷി​ക​മേ​ഖ​ല പൊ​തു​വേ വ​ലി​യ പ്ര​തി​സ​ന്ധി നേ​രി​ടു​ക​യാ​ണ്. കൃ​ഷി​യെ​യും ക​ർ​ഷ​ക​രെ​യും പ്രോ​ത്സാ​ഹി​പ്പി​ക്കേ​ണ്ട​തി​ന്‍റെ ആ​വ​ശ്യ​ക​ത​യെ​ക്കു​റി​ച്ച് അ​ധി​കൃ​ത​ർ വാ​ചാ​ല​രാ​ണെ​ങ്കി​ലും പ്ര​യോ​ഗ​ത്തി​ൽ ഒ​ന്നു​മി​ല്ല.

ര​ണ്ടു ഹെ​ക്‌​ട​റി​ൽ താ​ഴെ ഭൂ​മി​യു​ള്ള റ​ബ​ർ​ക​ർ​ഷ​ക​രെ ദാ​രി​ദ്ര്യ​രേ​ഖ​യ്ക്കു താ​ഴെ​യു​ള്ള​വ​രാ​യി ക​ണ​ക്കാ​ക്ക​ണ​മെ​ന്നു ദേ​ശീ​യ ഗ​വേ​ഷ​ണ പ​ദ്ധ​തി​യു​ടെ ഭാ​ഗ​മാ​യി കേ​ര​ള​ത്തി​ലെ റ​ബ​ർ കൃ​ഷി​യെ​ക്കു​റി​ച്ചു പ​ഠ​നം ന​ട​ത്തി​യ തി​രു​വ​ന​ന്ത​പു​രം സെ​ന്‍റ​ർ ഫോ​ർ ഡെ​വ​ല​പ്മെ​ന്‍റ് സ്റ്റ​ഡീ​സി​ലെ വി​ദ​ഗ്ധ​രു​ടെ റി​പ്പോ​ർ​ട്ടി​ൽ പ​റ​ഞ്ഞി​രു​ന്നു. കേ​ര​ള​ത്തി​ൽ റ​ബ​ർ ക​ർ​ഷ​ക​ർ നേ​രി​ടു​ന്ന പ്ര​തി​സ​ന്ധി​യു​ടെ ആ​ഴം ആ ​റി​പ്പോ​ർ​ട്ട് വ്യ​ക്ത​മാ​ക്കു​ന്നു. 2016 ലെ ​റ​ബ​ർ ബോ​ർ​ഡി​ന്‍റെ ക​ണ​ക്ക​നു​സ​രി​ച്ച്, കേ​ര​ള​ത്തി​ൽ ഒ​ന്പ​തു​ല​ക്ഷം ര​ജി​സ്‌​റ്റേ​ർ​ഡ് റ​ബ​ർ ക​ർ​ഷ​ക​രാ​ണു​ള്ള​ത്. ഇ​തി​ൽ 91 ശ​ത​മാ​ന​വും ഒ​രു ഹെ​ക്‌​ട​റി​ൽ താ​ഴെ കൃ​ഷി​യു​ള്ള​വ​രാ​ണ്. ഏ​ഴു വ​ർ​ഷ​ത്തെ പ​രി​ച​ര​ണ​ത്തി​നും ക​ഠി​നാ​ധ്വാ​ന​ത്തി​നും ശേ​ഷ​മാ​ണു മ​ര​ത്തി​ൽ​നി​ന്നു റ​ബ​ർ കി​ട്ടി​ത്തു​ട​ങ്ങു​ക. എ​ന്നാ​ൽ ചെ​ല​വു​കാ​ശു​പോ​ലും കി​ട്ടി​ല്ല എ​ന്ന​താ​ണു സ്ഥി​തി. ഇ​വി​ടെ ക​ർ​ഷ​ക​ർ തോ​ൽ​ക്കു​ന്നു. അ​ല്ല, തോ​ൽ​പ്പി​ക്ക​പ്പെ​ടു​ന്നു.

സം​സ്ഥാ​ന​ത്തി​ന്‍റെ സ​ന്പ​ദ്‌​വ്യ​വ​സ്ഥ​യ്ക്ക് നി​ർ​ണാ​യ​ക സം​ഭാ​വ​ന ചെ​യ്യു​ന്ന ഒ​രു മേ​ഖ​ല​യെ തി​ക​ച്ചും അ​വ​ഗ​ണി​ച്ചു​കൊ​ണ്ടു​ള്ള സ​ർ​ക്കാ​രി​ന്‍റെ നി​ല​പാ​ട് തി​ക​ഞ്ഞ അ​ന്യാ​യ​മാ​ണ്. കേ​ന്ദ്ര സ​ർ​ക്കാ​രി​ന്‍റെ റ​ബ​ർ​ന​യം യാ​തൊ​രു വി​ധ​ത്തി​ലും ക​ർ​ഷ​ക​ർ​ക്ക് ആ​ശ്വാ​സ​ക​ര​മ​ല്ല. മ​റി​ച്ച്, അ​ത് വ്യ​വ​സാ​യ ലോ​ബി​യെ സ​ഹാ​യി​ക്കു​ക​യും ചെ​യ്യു​ന്നു. സം​സ്ഥാ​ന സ​ർ​ക്കാ​രാ​ക​ട്ടെ റ​ബ​ർ ക​ർ​ഷ​ക​ർ​ക്കു ന​ൽ​കാ​നാ​യി ബ​ജ​റ്റി​ൽ നീ​ക്കി​വ​ച്ച വി​ല​സ്ഥി​ര​താ ഫ​ണ്ടി​ൽ​നി​ന്നു​ള്ള സ​ഹാ​യം​പോ​ലും കൃ​ത്യ​മാ​യി ന​ൽ​കു​ന്നി​ല്ല. പ​ലേ​ട​ത്തും ക​ർ​ഷ​ക​ർ​ക്കു ക​ഴി​ഞ്ഞ ജൂ​ൺ മു​ത​ൽ താ​ങ്ങു​വി​ല കു​ടി​ശി​ക കി​ട്ടാ​നു​ണ്ട്. ഈ ​വ​ർ​ഷ​വും ബ​ജ​റ്റി​ൽ അ​ഞ്ഞൂ​റു കോ​ടി രൂ​പ താ​ങ്ങു​വി​ല​യ്ക്കാ​യി നീ​ക്കി​വ​ച്ചി​രി​ക്കു​ന്നു. പ​ക്ഷേ, പ​ണം ക​ർ​ഷ​ക​രു​ടെ കൈ​യി​ലേ​ക്കു ല​ഭി​ക്കേ​ണ്ടേ? ആ​റു വ​ർ​ഷ​മാ​യി റ​ബ​ർ ആ​വ​ർ​ത്ത​ന​കൃ​ഷി സ​ബ്സി​ഡി ഉ​ൾ​പ്പെ​ടെ സ​ഹാ​യ പ​ദ്ധ​തി​ക​ളെ​ല്ലാം മു​ട​ങ്ങി​ക്കി​ട​ക്കു​ന്നു.

എം.​എ​സ്. സ്വാ​മി​നാ​ഥ​ൻ ക​മ്മി​റ്റി​യു​ടെ ശി​പാ​ർ​ശ​പ്ര​കാ​രം, ഉ​ത്പാ​ദ​ന​ച്ചെ​ല​വി​ന്‍റെ 50 ശ​ത​മാ​നം അ​ധി​കം താ​ങ്ങു​വി​ല​യാ​ണു ക​ർ​ഷ​ക​ർ​ക്കു ന​ൽ​കേ​ണ്ട​ത്. അ​ത​നു​സ​രി​ച്ച്, റ​ബ​റി​ന് നി​ല​വി​ലു​ള്ള 150 രൂ​പാ താ​ങ്ങു​വി​ല എ​ത്ര​യോ കു​റ​വ്. ഉ​ത്പാ​ദ​ന​ച്ചെ​ല​വെ​ങ്കി​ലും കി​ട്ടി​യി​രു​ന്നെ​ങ്കി​ൽ എ​ന്നാ​ണി​പ്പോ​ൾ ക​ർ​ഷ​ക​രു​ടെ പ്രാ​ർ​ഥ​ന. താ​ങ്ങു​വി​ല​യു​ടെ കാ​ര്യ​ത്തി​ൽ കേ​ര​ള സ​ർ​ക്കാ​ർ പു​ന​രാ​ലോ​ച​ന ന​ട​ത്ത​ണം.

റ​ബ​ർ പാ​ർ​ക്ക് പോ​ലു​ള്ള വ​ൻ പ​ദ്ധ​തി​ക​ളും പ്ര​ഖ്യാ​പ​ന​ങ്ങ​ളും ഏ​റെ​യു​ണ്ട്. ത​ത്കാ​ലം, മാ​സ​ങ്ങ​ളാ​യി കു​ടി​ശി​ക​യാ​യി​രി​ക്കു​ന്ന താ​ങ്ങു​വി​ല അ​ടി​യ​ന്ത​ര​മാ​യി വി​ത​ര​ണം ചെ​യ്യ​ട്ടെ. അ​ത് ഇ​പ്പോ​ൾ ടാ​പ്പിം​ഗ് പോ​ലും ന​ട​ത്താ​നാ​വാ​തെ വി​ഷ​മി​ച്ചു ക​ഴി​യു​ന്ന സാ​ധാ​ര​ണ ക​ർ​ഷ​ക​രു​ടെ ഹൃ​ദ​യ​ത്തി​ന് അ​ല്‌​പം ത​ണു​പ്പേ​കും. ഇ​റ​ക്കു​മ​തി ഉ​ദാ​ര​മാ​ക്കി വ്യ​വ​സാ​യി​ക​ളെ പ്രീ​തി​പ്പെ​ടു​ത്തു​ന്ന ഭ​ര​ണ​കൂ​ടം, മ​ണ്ണി​ൽ പ​ണി​യെ​ടു​ത്തു ജീ​വി​ക്കു​ന്ന സാ​ധാ​ര​ണ ക​ർ​ഷ​ക​രെ വി​സ്മ​രി​ക്ക​രു​ത്.
Copyright @ 2022 , Rashtra Deepika Ltd.