ഇരുപതിലേറെ കുട്ടികളെ പീഡിപ്പിച്ചു; മദ്രസയിലെ രണ്ട് അധ്യാപകർ അറസ്റ്റിൽ : Deepika.com Kerala News |

Click here for detailed news of all items

ഇരുപതിലേറെ കുട്ടികളെ പീഡിപ്പിച്ചു; മദ്രസയിലെ രണ്ട് അധ്യാപകർ അറസ്റ്റിൽ

Sunday, November 11, 2018 1:11 AM IST

കൂത്തുപറമ്പ്: മദ്രസ വിദ്യാർഥികളെ പീഡിപ്പിച്ച കേസിൽ അവിടത്തെ അധ്യാപകരായ രണ്ടു പേർ അറസ്റ്റിൽ. കോഴിക്കോട് കൊടുവള്ളി കൊടുവൻമുഴിയിൽ എരിഞ്ഞിക്കോത്തെ കെ.കെ. അബ്ദുൾ റഹ്‌മാൻ മൗലവി (44), വയനാട് കെല്ലൂർ നാലാംമൈലിലെ ടി. അബ്ദുനാസർ മൗലവി (48)എന്നിവരെയാണ് കണ്ണവം എസ്ഐ കെ.വി. ഗണേഷും സംഘവും അറസ്റ്റ് ചെയ്തത്. ഇവർക്കെതിരേ പോക്സോ വകുപ്പ് പ്രകാരം 22 കേസുകളാണ് നിലവിൽ രജിസ്റ്റർചെയ്തിരിക്കുന്നത്.

പത്തു വയസിന് താഴെയുള്ള ആൺകുട്ടികളും പെൺകുട്ടികളുമുൾപ്പെടെ ഇരുപതിലേറെ കുട്ടികളാണ് പീഡിപ്പിക്കപ്പെട്ടത്.

പരാതിയുമായി കൂടുതൽ വിദ്യാർഥികൾ എത്തിയേക്കുമെന്നാണ് സൂചന. പോലീസ് വിശദമായി അന്വേഷണം നടത്തിവരുകയാണ്. രണ്ടു വർഷമായി ഇവർ മദ്രസ അധ്യാപകരായി ജോലിചെയ്തുവരികയായിരുന്നു.

തലശേരി എഎസ്പി ചൈത്ര തെരേസ ജോണിന്‍റെ നിർദേശപ്രകാരം പോലീസ് നടത്തിയ ഊർജിത അന്വേഷണത്തിലാണ് ഇരുവരെയും പിടികൂടിയത്. പീഡനം സംബന്ധിച്ച് ചൈൽഡ്‌ലൈൻ അധികൃതർ പോലീസിൽ അറിയിച്ചതോടെയാണ് നടപടികൾക്കു തുടക്കമായത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.