മാർ സെബാസ്റ്റ്യൻ മങ്കുഴിക്കരി അനുസ്മരണം ജൂണ്‍ 5ന് : Deepika.com Kerala News |

Click here for detailed news of all items

മാർ സെബാസ്റ്റ്യൻ മങ്കുഴിക്കരി അനുസ്മരണം ജൂണ്‍ 5ന്

Saturday, May 18, 2019 12:43 AM IST

കൊച്ചി: ന്യൂമാൻ അസോസിയേഷന്‍റെ സജീവ അംഗവും മാർഗദർശിയുമായിരുന്ന ദിവംഗതനായ മാർ സെബാസ്റ്റ്യൻ മങ്കുഴിക്കരിയെ അനുസ്മരിക്കാൻ ന്യൂമാൻ അസോസിയേഷന്‍റെ ആഭിമുഖ്യത്തിൽ പാലാരിവട്ടം പിഒസിയിൽ സ്നേഹക്കൂട്ടായ്മ സംഘടിപ്പിക്കുന്നു. ജൂണ്‍ അഞ്ചിന് അദ്ദേഹത്തിന്‍റെ ശിഷ്യരും സ്നേഹിതരും ചേർന്നാണു സ്നേഹക്കൂട്ടായ്മ ഒരുക്കുന്നത്.

വൈകുന്നേരം മൂന്നിന് മോണ്‍. ആന്‍റണി നരിക്കുളത്തിന്‍റെ മുഖ്യകാർമികത്വത്തിൽ നടക്കുന്ന ദിവ്യബലിയോടെ അനുസ്മരണചടങ്ങ് ആരംഭിക്കും. നാലിനു ചേരുന്ന സമ്മേളനത്തിൽ കെസിബിസി പ്രസിഡന്‍റ് ആർച്ച്ബിഷപ് ഡോ. എം. സൂസപാക്യം അധ്യക്ഷത വഹിക്കും. സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി സമ്മേളനം ഉദ്ഘാടനം ചെയ്യും. മാവേലിക്കര രൂപത ബിഷപ് ജോഷ്വാ മാർ ഇഗ്നാത്തിയോസ് മുഖ്യപ്രഭാഷണം നടത്തും.

പ്രഫ. എം.കെ. സാനു, പ്രഫ. എം. തോമസ് മാത്യു, ജസ്റ്റീസ് സിറിയക് ജോസഫ്, ജസ്റ്റീസ് പി.കെ. ഷംസുദ്ദീൻ, സിസ്റ്റർ സിബി സിഎംസി, കെആർഎൽസിസി വൈസ് പ്രസിഡന്‍റ് ഷാജി ജോർജ്, ഡോ. കെ.എം. മാത്യു, ജോസഫ് ആഞ്ഞിപ്പറന്പിൽ എന്നിവർ പ്രസംഗിക്കും. ഫാ. എ. അടപ്പൂർ എസ്ജെ, ഫാ. വർഗീസ് വള്ളിക്കാട്ട്, ഫാ. ബിനോയ് പിച്ചളക്കാട്ട് എസ്ജെ, ഡോ. കെ.എം.മാത്യു, ജോസഫ് ആഞ്ഞിപ്പറന്പിൽ, സാബു ജോസ്, അഡ്വ. റോയി ചാക്കോ തുടങ്ങിയവർ ചടങ്ങിനു നേതൃത്വം നൽകും.

മംഗലപ്പുഴ സെമിനാരിയിൽ 10 വർഷം തത്വശാസ്ത്ര പ്രഫസറും എറണാകുളം-അങ്കമാലി അതിരൂപതയുടെ സഹായമെത്രാനായി 16 വർഷവും താമരശേരി രൂപത മെത്രാനായി എട്ടുവർഷവും നിസ്തുല സേവനം സഭയ്ക്കും സമൂഹത്തിനും ചെയ്ത ബിഷപ് മാർ സെബാസ്റ്റ്യൻ മങ്കുഴിക്കരി ദിവംഗതനായിട്ടു 25 വർഷം പൂർത്തിയാകുകയാണ്. 1994 ജൂണ്‍ 11നാണ് ദിവംഗതനായത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.