ക്ലാസ് ബാഴ്സ : Deepika.com Sports News |

Click here for detailed news of all items

ക്ലാസ് ബാഴ്സ

Friday, April 12, 2024 12:22 AM IST

പാരീസ്: യുവേഫ ചാന്പ്യൻസ് ലീഗ് ഫുട്ബോളിൽ അഞ്ച് ഗോൾ പിറന്ന ക്ലാസിക്ക് പോരാട്ടത്തിൽ സ്പാനിഷ് സംഘമായ ബാഴ്സലോണ 3-2ന് ഫ്രഞ്ച് ടീമായ പാരീസ് സെന്‍റ് ജെർമയ്നെ കീഴടക്കി.

റാഫീഞ്ഞയുടെ ഇരട്ട ഗോളാണ് (37’, 62’) ആദ്യപാദ ക്വാർട്ടർ ഫൈനലിൽ ബാഴ്സയുടെ ജയത്തിൽ നിർണായകമായത്. ഉസ്മാൻ ഡെംബെലെ (48’), വിറ്റിൻഹ (50’) എന്നിവർ പിഎസ്ജിക്കുവേണ്ടിയും വലകുലുക്കി. 77-ാം മിനിറ്റിൽ ആൻഡ്രിയാസ് ക്രിസ്റ്റെൻസണിന്‍റെ ഹെഡർ ഗോളാണ് ബാഴ്സയ്ക്ക് ജയം സമ്മാനിച്ചത്. പകരക്കാരുടെ ബെഞ്ചിൽനിന്നായിരുന്നു ക്രിസ്റ്റെൻസൻ കളത്തിലെത്തിയത്.

യുവേഫ ചാന്പ്യൻസ് ലീഗിൽ പിഎസ്ജിക്കെതിരേ ബാഴ്സലോണയുടെ രണ്ടാമത് മാത്രം എവേ ജയമാണ്. 2019ൽ മാഞ്ചസ്റ്റർ യുണൈറ്റഡിനോട് 3-1നു പരാജയപ്പെട്ടശേഷം ചാന്പ്യൻസ് ലീഗിൽ പിഎസ്ജി ഹോം മത്സരത്തിൽ മൂന്ന് ഗോൾ വഴങ്ങുന്നത് ഇതാദ്യമാണെന്നതും ശ്രദ്ധേയം.

അത്‌ലറ്റിക്കോ ജയം

മറ്റൊരു ആദ്യപാദ ക്വാർട്ടറിൽ സ്പാനിഷ് ക്ലബ് അത്‌ലറ്റിക്കോ മാഡ്രിഡ് 2-1ന് ജർമനിയിൽനിന്നുള്ള ബൊറൂസിയ ഡോർട്ട്മുണ്ടിനെ കീഴടക്കി. റോഡ്രിഗൊ ഡി പോൾ (4’), സാമുവൽ ലിനൊ (32’) എന്നിവരായിരുന്നു അത്‌ലറ്റിക്കോയുടെ ഗോൾ നേട്ടക്കാർ. സെബാസ്റ്റ്യൻ ഹാളർ (81’) ഡോർട്ട്മുണ്ടിനായി ഗോൾ മടക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.