Latest News
കണ്ടെയ്നർ ടിന്നുകളില്ല, അരവണ വിതരണം പ്രതിസന്ധിയിൽ
കണ്ടെയ്നർ ടിന്നുകളില്ല, അരവണ വിതരണം പ്രതിസന്ധിയിൽ
Wednesday, January 3, 2024 7:49 AM IST
വെബ് ഡെസ്ക്
പത്തനംതിട്ട: കണ്ടെയ്നർ‌ ടിന്നുകളുടെ ക്ഷാമം മൂലം ശബരിമലയിൽ അരവണ വിതരണത്തിലെ പ്രതിസന്ധി തുടരുന്നുവെന്ന് റിപ്പോർട്ട്. ആവശ്യത്തിന് കണ്ടെയ്നർ ലഭ്യമല്ലാത്തതിനാൽ ഒരാൾക്ക് അഞ്ച് ടിൻ അരവണ എന്നയളവിൽ മാത്രമാണ് വിതരണം ചെയ്യുന്നത്.

അടുത്തിടെ കരാർ എടുത്ത കമ്പനികൾ ഇന്ന് കൂടുതൽ ടിനുകൾ എത്തിക്കുന്നതോടെ പ്രതിസന്ധി തീരുമെന്ന് ദേവസ്വം ബോർഡ് അധികൃതർ വ്യക്തമാക്കി. പ്രതിദിനം ഒന്നര ലക്ഷം ടിനുകൾക്കായി രണ്ട് കമ്പനികളാണ് കരാർ ഏറ്റെടുത്തിരുന്നത്. എന്നാൽ ടിൻ ലഭ്യമാക്കുന്നതിൽ ഈ കന്പനികൾ വീഴ്ച്ച വരുത്തിയതോടെ പ്രതിസന്ധി ആരംഭിച്ചു.


ഒരു കരാറുകാരൻ മാത്രം ടീൻ നൽകുന്നതിനാൽ ഉൽപാദനം പകുതിയാക്കി കുറച്ചു. ഇതോടെ രണ്ട് ദിവസം മുൻപ് അരവണ വിതരണത്തിൽ നിയന്ത്രണം ഏർപ്പെടുത്തി. മകരവിളക്ക് തീർത്ഥാടനം മുന്നിൽക്കണ്ട് രണ്ട് കമ്പനികൾക്ക് കൂടി കരാർ നൽകിയിട്ടുണ്ട്. ഇവർ കണ്ടെയ്നറുകൾ എത്തിക്കുന്നതോടെ പ്രതിസന്ധിയ്ക്ക് പരിഹാരമായേക്കും.

അരവണ നിർമ്മാണത്തിന് ആവശ്യമായ ശർക്കരയുടെ ലഭ്യതക്കുറവിന് ഏതാനും ദിവസം മുൻപാണ് പരിഹാരമായത്. ഇതിന് പിന്നാലെയാണ് ടിന്നുകളുടെ ലഭ്യതയിൽ ഇടിവ് വന്നത്. ദിവസവും ശരാശരി 3 ലക്ഷം ടിൻ അരവണയാണ് സന്നിധാനത്ത് വിറ്റ് പോകുന്നത്.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.