നക്സൽ ബന്ധം; യുപിയിൽ ദമ്പതികൾ അറസ്റ്റിൽ |

Click here for detailed news of all items

നക്സൽ ബന്ധം; യുപിയിൽ ദമ്പതികൾ അറസ്റ്റിൽ

Wednesday, March 6, 2024 3:56 AM IST

ലക്നോ: ഉത്തർപ്രദേശിൽ നക്സൽ ബന്ധത്തെ തുടർന്ന് ദമ്പതികളെ പോലീസ് അറസ്റ്റ് ചെയ്തു. പ്രയാഗ്‌രാജിൽ നിന്നും തീവ്രവാദ വിരുദ്ധ സ്‌ക്വാഡ് ആണ് ഇവരെ പിടികൂടിയത്.

കൃപാശങ്കർ സിംഗ് (49), ഭാര്യ ബിന്ദ സോന(സുമൻ 41) എന്നിവർ നിരോധിത സിപിഐ(മാവോയിസ്റ്റ്) അംഗങ്ങളാണെന്നും രാജ്യത്തിനെതിരെ യുദ്ധം നടത്താനുള്ള പദ്ധതികളിൽ ഏർപ്പെട്ടവരാണെന്നും ഭീകരവിരുദ്ധ സ്ക്വാഡ് പ്രസ്താവനയിൽ പറഞ്ഞു.

യുപി സർക്കാർ തലയ്ക്ക് അഞ്ച് ലക്ഷം രൂപ വിലയിട്ടിരിക്കുന്ന നക്സലേറ്റ് ക്വാന്തൻ ശ്രീനിവാസന് 2017-2018 കാലഘട്ടത്തിൽ ദമ്പതികൾ മഹാരാജ്ഗഞ്ചിലെ കർമഹിയ ഗ്രാമത്തിൽ അഭയം നൽകിയിരുന്നു.

നക്സൽ പ്രവർത്തനങ്ങളിൽ ഏർപ്പെട്ടതിന് ഏഴ് പേർക്കെതിരെ 2019 ജൂലൈയിൽ എഫ്ഐആർ രജിസ്റ്റർ ചെയ്തതായും ചിലരെ അറസ്റ്റ് ചെയ്തതായും എടിഎസ് പറഞ്ഞു. ഇവരിൽ നിന്ന് പിടിച്ചെടുത്ത ഇലക്‌ട്രോണിക് ഉപകരണങ്ങൾ ഫോറൻസിക് പരിശോധന നടത്തിയപ്പോൾ കൃപാശങ്കർ സിംഗിനും ഭാര്യക്കും നിരോധിത സംഘടനയുമായി ബന്ധമുണ്ടെന്ന് കണ്ടെത്തി.

റായ്പൂരിലെ ഒരു എൻജിഒയിൽ ജോലി ചെയ്യുന്നതിനിടെയാണ് ബിന്ദ സോനയുമായി കൃപാശങ്കർ സിംഗ് പരിചയത്തിലാകുന്നതും അവർ വിവാഹിതരാകുന്നതും. തുടർന്നാണ് ഇരുവരും നിരോധിത സംഘടനയിൽ ചേർന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.