പ്രായപൂർത്തിയാകാത്ത പെൺകുട്ടി ജീവനൊടുക്കി; അഞ്ച് പേർ അറസ്റ്റിൽ |

Click here for detailed news of all items

പ്രായപൂർത്തിയാകാത്ത പെൺകുട്ടി ജീവനൊടുക്കി; അഞ്ച് പേർ അറസ്റ്റിൽ

Wednesday, April 3, 2024 12:46 AM IST

വിശാഖപട്ടണം: ആന്ധ്രാപ്രദേശിൽ കോളജ് അധികൃതർക്കെതിരെ ലൈംഗികാരോപണം ഉന്നയിച്ച പ്രായപൂർത്തിയാകാത്ത പെൺകുട്ടി ജീവനൊടുക്കിയ സംഭവത്തിൽ അഞ്ച് പേരെ പോലീസ് അറസ്റ്റ് ചെയ്തു.

തന്‍റെ സ്വകാര്യ ചിത്രങ്ങൾ സമൂഹമാധ്യമങ്ങളിൽ പോസ്റ്റ് ചെയ്യുമെന്ന് ചിലർ ഭീഷണിപ്പെടുത്തിയതിനെ തുടർന്നാണ് മാർച്ച് 28 രാത്രിയിൽ 17 കാരിയായ പെൺകുട്ടി കെട്ടിടത്തിൽ നിന്ന് ചാടി മരിച്ചത്.

സംഭവവുമായി ബന്ധപ്പെട്ട് തുറമുഖ നഗരത്തിലെ കൊമ്മാടി ചൈതന്യ പോളിടെക്‌നിക് കോളജിൽ നിന്നാണ് അഞ്ചുപേരെ പോലീസ് അറസ്റ്റ് ചെയ്തത്. കെമിസ്ട്രി ലാബ് ടെക്‌നീഷ്യൻ എൻ. ശങ്കർ റാവു, കോളേജ് മാനേജ്‌മെന്‍റ് മേധാവി ശങ്കർ വർമ, പ്രിൻസിപ്പൽ ജി. ഭാനു പ്രവീൺ, ഹോസ്റ്റൽ വാർഡൻ വി. ഉഷാ റാണി, റാണിയുടെ ഭർത്താവ് വി. പ്രദീപ് കുമാർ എന്നിവരാണ് അറസ്റ്റിലായത്.

പ്രാഥമിക അന്വേഷണത്തിൽ കൊല്ലപ്പെട്ട വിദ്യാർഥിനിയെ ലൈംഗികമായി ഉപദ്രവിച്ചയാളാണ് ശങ്കർ റാവുവെന്ന് വിശാഖപട്ടണം നോർത്ത് പോലീസ് അസിസ്റ്റന്‍റ് കമ്മീഷണർ (എസിപി) ബി. സുനിൽ പറഞ്ഞു.

അറസ്റ്റിലായവർക്കെതിരെ ഐപിസി സെക്ഷൻ 305, 354 എ, 354 സി, 506, പോക്‌സോ നിയമത്തിലെ സെക്ഷൻ 12, റാഗിംഗ് നിരോധന നിയമപ്രകാരമുള്ള മറ്റ് വകുപ്പുകൾ എന്നിവ പ്രകാരമാണ് കേസെടുത്തിരിക്കുന്നത്. അറസ്റ്റിലായ അഞ്ച് പേരെയും ബുധനാഴ്ച ജഡ്ജിക്ക് മുന്നിൽ ഹാജരാക്കുമെന്ന് എസിപി അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.