തെരഞ്ഞെടുപ്പ് ബോധവത്ക്കരണ കാമ്പയിൻ കടലിനടിയിൽ നടത്തി സ്കൂബാ ഡൈവർമാർ |

Click here for detailed news of all items

തെരഞ്ഞെടുപ്പ് ബോധവത്ക്കരണ കാമ്പയിൻ കടലിനടിയിൽ നടത്തി സ്കൂബാ ഡൈവർമാർ

Thursday, April 11, 2024 7:34 AM IST

ചെന്നൈ: ലോക്‌സഭാ തെരഞ്ഞെടുപ്പിന് മുന്നോടിയായി ബോധവൽക്കരണ കാമ്പയിൻ നടത്തി ചെന്നൈയിലെ ഒരു കൂട്ടം സ്കൂബാ ഡൈവർമാർ. ആറ് സ്കൂബാ ഡൈവർമാർ ചെന്നൈയിലെ നീലങ്കരൈയിൽ കടലിന്‍റെ അറുപത് അടി താഴ്ചയിൽ വോട്ടിംഗ് പ്രക്രിയ നടത്തി വോട്ടിംഗിനെക്കുറിച്ച് ബോധവൽക്കരണം നടത്തി.

ഇലക്ഷൻ കമ്മീഷൻ ഓഫ് ഇന്ത്യ (ഇസിഐ)യുടെ വോട്ടിംഗ് ബോധവൽക്കരണ പ്ലക്കാർഡുകൾ സഹിതം മോക്ക് ഇവിഎം മെഷീനുമായാണ് വിദഗ്ധർ കടലിൽ മുങ്ങിയത്. "എന്‍റെ വോട്ടിന്‍റെ ശക്തി എനിക്കറിയാം'," എന്‍റെ രാജ്യം, എന്‍റെ വോട്ട്' എന്നിങ്ങനെയാണ് പ്ലക്കാർഡിൽ എഴുതിയിരുന്നത്.

സ്കൂബ ഡൈവ് ഇൻസ്ട്രക്ടറും ടെംപിൾ അഡ്വഞ്ചർ ഡയറക്ടറുമായ എസ്.ബി. അരവിന്ദ് തരുൺശ്രീയാണ് ഡീപ് ഡൈവിംഗ് വോട്ടർ ബോധവത്കരണ പരിപാടി സംഘടിപ്പിച്ചത്.
‌
രാജ്യത്തെ 543 ലോക്‌സഭാ സീറ്റുകളിലേക്കുള്ള തെരഞ്ഞെടുപ്പ് ഏഴ് ഘട്ടങ്ങളിലായി നടക്കും, ഏപ്രിൽ 19 ന് ആരംഭിച്ച് ജൂൺ ഒന്നിന് അവസാനിക്കും. ഏകദേശം 97 കോടി വോട്ടർമാരാണ് പൊതുതെരഞ്ഞെടുപ്പിൽ വോട്ട് ചെയ്യാൻ അർഹരായത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.