കോ​ഴി​ക്കോ​ട്: ബേ​പ്പൂ​രി​ന് സ​മീ​പം പു​റം​ക​ട​ലി​ല്‍ ക​ത്തി​യ ച​ര​ക്കു​ക​പ്പ​ല്‍ വാ​ന്‍ ഹാ​യ് 503 ലെ ​തീ​യ​ണ​യ്ക്കാ​നു​ള്ള ശ്ര​മം അ​വ​സാ​ന ഘ​ട്ട​ത്തി​ലേ​ക്ക് ക​ട​ന്നു.

ഇ​ന്ത്യ​ന്‍ കോ​സ്റ്റ് ഗാ​ര്‍​ഡ്, ഇ​ന്ത്യ​ന്‍ നാ​വി​ക​സേ​ന, ഡ​യ​റ​ക്ട​റേ​റ്റ് ജ​ന​റ​ല്‍ ഓ​ഫ് ഷി​പ്പിം​ഗ് (ഡി​ജി​എ​സ്), ക​പ്പ​ല്‍ ക​മ്പ​നി​യു​ടെ പ്ര​ത്യേ​ക ദൗ​ത്യ സം​ഘം എ​ന്നി​വ​ര്‍ ചേ​ര്‍​ന്ന് തീ​യ​ണ​യ്ക്കാ​നാ​യി ന​ട​ത്തു​ന്ന ശ്ര​മം ഇ​ന്നു വൈ​കു​ന്നേ​ര​ത്തോ​ടെ ല​ക്ഷ്യ​ത്തി​ലെ​ത്തു​മെ​ന്നാ​ണ് പ്ര​തീ​ക്ഷ.

ഇ​ന്നു വൈ​കു​ന്നേ​ര​ത്തോ​ടെ തീ ​പൂ​ര്‍​ണ​മാ​യും അ​ണ​യ്ക്കും. തീ ​ഏ​ക​ദേ​ശം 40 ശ​ത​മാ​നം നി​യ​ന്ത്ര​ണ​വി​ധേ​യ​മാ​ക്കി​യ​താ​യി ഇ​ന്ത്യ​ന്‍ കോ​സ്റ്റ് ഗാ​ര്‍​ഡും ഇ​ന്ത്യ​ന്‍ നേ​വി​യും സി​റ്റു​വേ​ഷ​ന്‍ റി​പ്പോ​ര്‍​ട്ടി​ല്‍ വ്യ​ക്ത​മാ​ക്കി.

കോ​സ്റ്റ് ഗാ​ര്‍​ഡ് ക​പ്പ​ലു​ക​ളാ​യ സ​മു​ദ്ര​പ്ര​ഹ​രി, സ​ചേ​ത് എ​ന്നി​വ​യി​ല്‍ നി​ന്ന് ശ​ക്ത​മാ​യി വെ​ള്ളം പ​മ്പു​ചെ​യ്ത് ക​പ്പ​ല്‍ ത​ണു​പ്പി​ക്കാ​നു​ള്ള ശ്ര​മം ന​ട​ന്നി​രു​ന്നു. മു​ന്‍​ഭാ​ഗ​ത്തെ തീ ​അ​ല്‍​പം നി​യ​ന്ത്ര​ണ വി​ധേ​യ​മാ​യി. ക​ന​ത്ത പു​ക​യു​ണ്ട്. ക​പ്പ​ല്‍ ഏ​ക​ദേ​ശം 10 മു​ത​ല്‍ 15 ഡി​ഗ്രി​വ​രെ ഇ​ട​ത്തേ​ക്കു ചെ​രി​ഞ്ഞാ​ണ് നി​ൽ​ക്കു​ന്ന​ത്.

അ​തേ​സ​മ​യം, വ്യോ​മ​സേ​ന​യു​ടെ ഹെ​ലി​കോ​പ്റ്റ​ർ വ​ഴി ഡ്രൈ ​കെ​മി​ക്ക​ൽ പൗ​ഡ​ർ ബോം​ബ് ഉ​പ​യോ​ഗി​ച്ചും തീ ​കെ​ടു​ത്താ​നു​ള്ള ശ്ര​മം ന​ട​ത്തു​ന്നു​ണ്ട്. ഇ​ന്ധ​ന ടാ​ങ്കി​നു സ​മീ​പ​ത്തെ തീ ​അ​ണ​യ്ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​ത്.

ക​പ്പ​ലി​നെ നി​യ​ന്ത്ര​ണ​ത്തി​ല്‍ കൊ​ണ്ടു​വ​ന്ന​താ​യി കോ​സ്റ്റ് ഗാ​ര്‍​ഡ് അ​റി​യി​ച്ചു. ക​പ്പ​ലി​നെ വാ​ട്ട​ര്‍ ലി​ല്ലി എ​ന്ന ട​ഗ് ബോ​ട്ടു​മാ​യി ബ​ന്ധി​പ്പി​ച്ചു. വ​ടം​കെ​ട്ടി ഉ​ള്‍​ക്ക​ട​ലി​ലേ​ക്ക് കൊ​ണ്ടു​പോ​കാ​നു​ള്ള ശ്ര​മം തു​ട​ങ്ങി. തീ​പി​ടി​ച്ച ക​പ്പ​ലി​ല്‍ സാ​ല്‍​വേ​ജ് സം​ഘം ഹെ​ലി​കോ​പ്റ്റ​റി​ല്‍ ഇ​റ​ങ്ങി​യാ​ണ് നി​യ​ന്ത്ര​ണ​ത്തി​ലാ​ക്കി​യ​ത്. ട​ഗ് ഉ​പ​യോ​ഗി​ച്ച് ക​പ്പ​ലി​നെ പ​ര​മാ​വ​ധി ദൂ​ര​ത്തേ​ക്ക് വ​ലി​ച്ചു​മാ​റ്റു​ക​യാ​ണ്. അ​തേ​സ​മ​യം കാ​ണാ​താ​യ നാ​ലു നാ​വി​ക​ള്‍​ക്കാ​യു​ള്ള തെ​ര​ച്ചി​ല്‍ തു​ട​രു​ക​യാ​ണ്.