Business News
റബർ കർഷകർ ഒരുങ്ങുന്നു; ഉ​ത്ത​രേ​ന്ത്യ​ൻ സു​ഗ​ന്ധ​വ്യ​ഞ്ജ​ന വ്യാ​പാ​രി​ക​ൾ സംഭരണത്തിരക്കിൽ
റബർ കർഷകർ ഒരുങ്ങുന്നു; ഉ​ത്ത​രേ​ന്ത്യ​ൻ സു​ഗ​ന്ധ​വ്യ​ഞ്ജ​ന വ്യാ​പാ​രി​ക​ൾ സംഭരണത്തിരക്കിൽ
Monday, August 18, 2025 1:10 AM IST
വിപണിവിശേഷം / കെ.​​​ബി. ഉ​​​ദ​​​യ​​​ഭാ​​​നു
ഏ​ഷ്യ​ൻ രാ​ജ്യ​ങ്ങ​ളി​ൽ ഒ​ക്‌​ടോ​ബ​ർ വ​രെ​യു​ള്ള കാ​ല​യ​ള​വി​ൽ റ​ബ​ർ ഉ​ത്പാ​ദ​നം ഉ​യ​ർ​ന്ന ത​ല​ത്തി​ലെ​ത്തും, ഊ​ഹ​ക്ക​ച്ച​വ​ട​ക്കാ​ർ വി​പ​ണി​യെ അ​മ്മാ​ന​മാ​ടാ​നു​ള്ള ശ്ര​മ​ത്തി​ൽ, ട​യ​ർ ലോ​ബി താ​ഴ്‌​ന്ന വി​ല​യെ ഉ​റ്റു​നോ​ക്കും. ഉ​ത്ത​രേ​ന്ത്യ​ൻ വാ​ങ്ങ​ലു​കാ​ർ കു​രു​മു​ള​ക്‌ സം​ഭ​ര​ണം ഊ​ർ​ജി​ത​മാ​ക്കി, നി​ര​ക്ക്‌ ക​യ​റി. ദ​ക്ഷി​ണേ​ന്ത്യ​ൻ നാ​ളി​കേ​ര വി​പ​ണി കയറ്റിറക്കത്തിൽ. മി​ക​ച്ച കാ​ലാ​വ​സ്ഥ​യി​ൽ ഏ​ല​ക്ക ഉ​ത്പാ​ദ​നം മെ​ച്ച​പ്പെ​ടു​ന്നു.

ടാ​പ്പിം​ഗി​ലേ​ക്കു ക​ട​ക്കാ​ൻ ക​ർ​ഷ​ക​ർ

തെ​ക്കുകി​ഴ​ക്ക​ൻ ഏ​ഷ്യ​ൻ രാ​ജ്യ​ങ്ങ​ളി​ൽ മ​ഴ​യു​ടെ ശ​ക്തി കു​റ​യു​ന്ന​തി​നാ​ൽ ഒ​ക്‌​ടോ​ബ​ർ വ​രെ റ​ബ​ർ ടാ​പ്പിം​ഗ് രം​ഗം കൂടു​ത​ൽ സ​ജീ​വ​മാ​കു​ം. താ​യ്‌​ല​ൻ​ഡ്‌, മ​ലേ​ഷ്യ, ഇ​ന്തോ​നേ​ഷ്യ എ​ന്നി​വി​ട​ങ്ങ​ളി​ൽ മാ​ത്ര​മ​ല്ല; ഇ​ന്ത്യ, ശ്രീ​ല​ങ്ക കം​ബോ​ഡി​യ, വി​യ​റ്റ്‌​നാം തു​ട​ങ്ങി​യ മു​ഖ്യ റ​ബ​ർ ഉ​ത്പാ​ദ​ക രാ​ജ്യ​ങ്ങ​ളി​ലും മു​ന്നി​ലു​ള്ള മാ​സ​ങ്ങ​ളി​ൽ റ​ബ​ർ ഉ​ത്പാ​ദ​നം ഏ​റ്റ​വും ഉ​യ​രു​ന്ന സ​ന്ദ​ർ​ഭ​മാ​ണ്. ആ​ഗോ​ള വി​പ​ണി​യി​ൽ റ​ബ​ർ ഷീ​റ്റ്‌, ലാ​റ്റ​ക്‌​സ്‌ ല​ഭ്യ​ത പ​തി​വി​ലും ഉ​യ​രു​ന്ന​ത്‌ മു​ന്നി​ൽക​ണ്ട്‌ വ്യ​വ​സാ​യി​ക​ൾ കൂ​ടു​ത​ൽ ക​ച്ച​വ​ട​ങ്ങ​ൾ​ക്ക്‌ മു​ന്നി​ലു​ള്ള ആ​ഴ്‌​ച​ക​ളി​ൽ ഉ​ത്സാ​ഹി​ക്കും.

ട​യ​ർ മേ​ഖ​ല​യി​ൽ നി​ന്നു​ള്ള പു​തി​യ ഓ​ർ​ഡ​റു​ക​ൾ​ക്ക്‌ അ​വ​സ​രം ഒ​രു​ങ്ങു​മെ​ന്ന പ്ര​തീ​ക്ഷ​യി​ലാ​ണ് ഉ​ത്പാ​ദ​ക രാ​ജ്യ​ങ്ങ​ൾ. കാ​ർ​ഷി​ക മേ​ഖ​ല ടാ​പ്പിം​ഗ് ദി​ന​ങ്ങ​ൾ പ​ര​മാ​വ​ധി ഉ​യ​ർ​ത്താ​ൻ ക​യ​റ്റു​മ​തി രാ​ജ്യ​ങ്ങ​ൾ ശ്ര​മം ന​ട​ത്തും. യു​എ​സ്‌ തീ​രു​വ വി​ഷ​യത്തിൽ ആ​ഗോ​ള ത​ല​ത്തി​ൽ റ​ബ​റി​നു ഡി​മാ​ൻ​ഡ് മ​ങ്ങു​മോ​യെ​ന്ന ആ​ശ​ങ്ക​യും ഇ​ല്ലാ​തി​ല്ല. അ​ന്താ​രാ​ഷ്‌​ട്ര റ​ബ​ർ മാ​ർ​ക്ക​റ്റ്‌ ഏ​ത്‌ ദി​ശ​യി​ൽ ചു​വ​ടു​വ​യ്ക്കു​മെ​ന്ന വ്യ​ക്ത​ത​യ്‌​ക്കാ​യി വ്യ​വ​സാ​യി​ക​ൾ കാ​ത്തുനി​ൽ​ക്കു​ന്നു. അ​വ​ധിവ്യാ​പാ​ര​ത്തി​ൽ നി​ക്ഷേ​പ​ക​രും ഊ​ഹ​ക്ക​ച്ച​വ​ട​ക്കാ​രും സ്വീ​ക​രി​ക്കു​ന്ന നി​ല​പാ​ട്‌ ഈ ​അ​വ​സ​ര​ത്തി​ൽ നി​ർ​ണാ​യ​കമാ​വും.

ജ​പ്പാ​ൻ ഒ​സാ​ക്ക എ​ക്‌​സ്‌​ചേ​ഞ്ചി​ൽ ഡെ​യ്‌​ലി ചാ​ർ​ട്ടി​ൽ റ​ബ​ർ പു​തി​യ ദി​ശ​യി​ലേ​ക്ക്‌ തി​രി​യാ​നു​ള്ള ശ്ര​മ​ത്തി​ലാ​ണ്. വ്യ​വ​സാ​യി​ക​ളും ഊ​ഹ​ക്ക​ച്ച​വ​ട​ക്കാ​രും റ​ബ​റി​നെ ഉ​ഴു​തു മ​റി​ക്കാ​ൻ അ​ണി​യ​റനീ​ക്ക​ങ്ങ​ൾ തു​ട​ങ്ങി. ഒ​ക്‌​ടോ​ബ​ർ അ​വ​ധി വാ​രാ​ന്ത്യം 325 യെ​ന്നി​ലാ​ണ്, റ​ബ​റി​ന് 329 യെ​ന്നി​ലെ ത​ട​സം മി​ക​ട​ന്നാ​ലും 336 യെ​ന്നി​ൽ വീ​ണ്ടും പ്ര​തി​രോ​ധം ത​ലയുയ​ർ​ത്താം.

സം​സ്ഥാ​ന​ത്ത്‌ നാ​ലാം ഗ്രേ​ഡ്‌ റ​ബ​ർ കി​ലോ 202 രൂ​പ​യി​ൽ​നി​ന്നും 198ലേ​ക്ക്‌ വാ​രാ​വ​സാ​നം താ​ഴ്‌​ന്നു. ഏ​റെ നി​ർ​ണാ​യ​ക​മാ​യ 200 രൂ​പ​യി​ലെ താ​ങ്ങ്‌ ന​ഷ്ടപ്പെട്ട​ത്‌ ക​ർ​ഷ​ക​രു​ടെ വ​ശ​ത്തു​നി​ന്ന്‌ വീ​ക്ഷി​ക്കു​മ്പോ​ൾ അ​ത്ര സു​ഖ​ക​ര​മ​ല്ല. എ​ന്നാ​ൽ, പ്ര​തി​കൂ​ല കാ​ലാ​വ​സ്ഥ​യി​ൽ അ​ടി​ക്ക​ടി ടാ​പ്പിം​ഗി​നു ത​ട​സം നേ​രി​ടു​ന്ന​തി​നാ​ൽ വ്യ​വ​സാ​യി​ക​ളു​ടെ പ്ര​തീ​ക്ഷ​യ്‌​ക്കൊ​ത്ത്‌ ഷീ​റ്റ്‌ വി​ൽ​പ്പ​ന​യ്‌​ക്ക്‌ ഇ​റ​ങ്ങി​ല്ലെ​ന്ന​ത്‌ വി​പ​ണി​ക്ക്‌ താ​ങ്ങ്‌ പ​ക​രും.

കു​രു​മു​ള​കി​ലും ഏ​ല​ക്ക​യി​ലും പ്ര​തീ​ക്ഷ

ഉ​ത്ത​രേ​ന്ത്യ​ൻ സു​ഗ​ന്ധ​വ്യ​ഞ്ജ​ന വ്യാ​പാ​രി​ക​ൾ ദീ​പാ​വ​ലി വ​രെ​യു​ള്ള കാ​ല​യ​ള​വി​ലെ ഡി​മാ​ൻ​ഡ് മു​ൻ​നി​ർ​ത്തി കു​രു​മു​ള​ക്‌ സം​ഭ​ര​ണത്തി​ര​ക്കി​ലാ​ണ്. രാ​ജ്യ​ത്തെ വ​ൻ​കി​ട സ്റ്റോക്കി​സ്റ്റു​ക​ളു​ടെ ഗോ​ഡൗ​ണു​ക​ളി​ൽ നാ​ട​ൻ കു​രു​മു​ള​ക്‌ സ്റ്റോക്ക്‌ ചു​രു​ങ്ങി​യ​ത്‌ ക​ണ​ക്കി​ലെ​ടു​ത്ത​ൽ വി​ല ഏ​ത​വ​സ​ര​ത്തി​ലും കു​തി​ക്കാ​ൻ ഇ​ട​യു​ണ്ട്‌. ദ​ക്ഷി​ണേ​ന്ത്യ​യി​ൽ വി​ള​വ്‌ ചു​രു​ങ്ങി​യ​തി​നാ​ൽ വ​ർ​ഷാ​രം​ഭം മു​ത​ൽ കൊ​ച്ചി​യി​ൽ നാ​ട​ൻ ച​ര​ക്ക്‌ വ​ര​വ്‌ കു​റ​വാ​ണ്. ഉ​ത്പാ​ദ​നം ചു​രു​ങ്ങി​യ​തി​നാ​ൽ കാ​ർ​ഷി​ക മേ​ഖ​ല​യി​ലും കാ​ര്യ​മാ​യ മു​ള​കി​ല്ല. നി​ല​വി​ൽ 67,700 രൂ​പ​യി​ൽ നീ​ങ്ങു​ന്ന അ​ൺ ഗാ​ർ​ബി​ൾ​ഡ്‌ 70,000 രൂ​പ​യെ ഉ​റ്റു​നോ​ക്കു​ന്നു.


വി​പ​ണി ചൂ​ടു​പി​ടി​ക്കു​മെ​ന്ന്‌ വ്യ​ക്ത​മാ​യി മ​ന​സി​ലാ​യ വ്യ​വ​സാ​യി​ക​ൾ ഇ​റ​ക്കു​മ​തി​ക്കും ശ്ര​മം ന​ട​ത്തു​ന്നു​ണ്ട്‌. ന​ട​പ്പ്‌ വ​ർ​ഷം ആ​ദ്യ പ​കു​തി​യി​ൽ വി​യ​റ്റ്നാം കു​രു​മു​ള​ക്‌ ക​യ​റ്റു​മ​തി​യി​ൽ വ​ർ​ധ​ന രേ​ഖ​പ്പെ​ടു​ത്തി. യൂ​റോ​പ്യ​ൻ രാ​ജ്യ​ങ്ങ​ളും മ​ധ്യപൂ​ർ​വേ​ഷ്യ​ൻ രാ​ജ്യ​ങ്ങ​ളു​മാ​ണു കൂ​ടു​ത​ൽ ച​ര​ക്ക്‌ അ​വി​ടെ​നി​ന്നും ഇ​റ​ക്കു​മ​തി ന​ട​ത്തി​യ​ത്‌, ഇ​തി​നി​ട​യി​ൽ വി​യ​റ്റ്‌​നാ​മി​ൽ മി​ക​ച്ച​യി​നം ച​ര​ക്കി​ന്‍റെ സ്റ്റോ​ക്ക്‌ ചു​രു​ങ്ങി​യെ​ന്ന ര​ഹ​സ്യ വി​വ​രം വി​ര​ൽചൂ​ണ്ടു​ന്ന​ത്‌ ജ​നു​വ​രി വ​രെ​യു​ള്ള കാ​ല​യ​ള​വി​ൽ അ​വ​ർ വി​ല ഉ​യ​ർ​ത്താ​നു​ള്ള സാ​ധ്യ​ത​ക​ളി​ലേ​ക്കാ​ണ്.

മി​ക​ച്ച കാ​ലാ​വ​സ്ഥ വി​ല​യി​രു​ത്തി​യാ​ൽ ലേ​ലകേ​ന്ദ്ര​ങ്ങ​ളി​ൽ കൂ​ടു​ത​ൽ ഏ​ല​ക്ക വ​രുംദി​ന​ങ്ങ​ളി​ൽ വി​ൽ​പ്പ​ന​യ്ക്ക്‌ ഇ​റ​ങ്ങു​മെ​ന്ന ക​ണ​ക്കു​കൂ​ട്ട​ലി​ലാ​ണ് ആ​ഭ്യ​ന്ത​ര വി​ദേ​ശ ഇ​ട​പാ​ടു​കാ​ർ. ല​ഭ്യ​ത ഉ​യ​രു​ന്ന​ത്‌ മു​ന്നി​ൽക്കണ്ട്‌ ഒ​രു വി​ഭാ​ഗം വാ​ങ്ങ​ലു​കാ​ർ ക​രു​ത​ലോ​ടെ​യാ​ണു നീ​ക്ക​ങ്ങ​ൾ ന​ട​ത്തു​ന്ന​ത്‌. ചി​ങ്ങ ഡി​മാ​ൻ​ഡ് മു​ന്നി​ൽക​ണ്ട്‌ പ്രാ​ദേ​ശി​ക ത​ല​ത്തി​ൽ ഏ​ല​ത്തി​ന് ആ​വ​ശ്യ​ക്കാ​രു​ണ്ട്‌. അ​ന്ത​ർ​സം​സ്ഥാ​ന വാ​ങ്ങ​ലു​കാ​രും ഏ​ല​ത്തി​ൽ താ​ത്പ​ര്യം നി​ല​നി​ർ​ത്തി​യെ​ങ്കി​ലും വാ​രാ​ന്ത്യം ശ​രാ​ശ​രി ഇ​ന​ങ്ങ​ൾ 2500 രൂ​പ​യു​ടെ താ​ങ്ങ്‌ ന​ഷ്‌​ട​പ്പെ​ട്ട്‌ 2398ലേ​ക്ക്‌ താ​ഴ്‌​ന്നു.

ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ലെ കൊ​പ്ര പൂ​ഴ്‌​ത്തി​വയ്പു​കാ​രും ഊ​ഹ​ക്ക​ച്ച​വ​ട​ക്കാ​രും ഉ​ത്പ​ന്നം ഏ​ത്‌ വി​ധേ​ന​യും വി​റ്റു​മാ​റാ​ൻ വാ​രാ​രം​ഭം മു​ത​ൽ മ​ത്സ​രി​ച്ചു. മാ​ർ​ച്ച്‌ മു​ത​ൽ വി​പ​ണി​യെ അ​മ്മാ​നമാ​ടി​യ അ​വ​ർ​ക്ക്‌ പ​ക്ഷേ പി​ന്നി​ട്ട​വാ​രം തി​രി​ച്ച​ടി​ നേ​രി​ട്ടു. വി​ലത്ത​ക​ർ​ച്ച​യു​ടെ ആ​ക്കം ക​ണ്ട്‌ ത​മി​ഴ്‌​നാ​ട്ടി​ലെ വ​ൻ​കി​ട മി​ല്ലു​കാ​ർ​ കൊ​പ്ര സം​ഭ​ര​ണം കു​റ​ച്ച​ത്‌ വി​പ​ണി​യെ പി​ടി​ച്ചു​ല​ച്ചു. എ​ന്നാ​ൽ, വാ​രാ​ന്ത്യം കാ​ങ്ക​യം ആ​സ്ഥാ​ന​മാ​യു​ള്ള വ​ൻ​കി​ട മി​ല്ലു​കാ​ർ താ​ഴ്‌​ന്ന വി​ല​യ്‌​ക്ക്‌ ല​ഭി​ച്ച കൊ​പ്ര പ​ര​മാ​വ​ധി വാ​ങ്ങി കൂ​ട്ടാ​ൻ കാ​ണി​ച്ച ഉ​ത്സാ​ഹം ക​ണ​ക്കി​ലെ​ടു​ത്താ​ൽ ചി​ങ്ങ​ത്തി​ൽ വെ​ളി​ച്ചെ​ണ്ണ വി​പ​ണി വീ​ണ്ടും ചൂ​ടു​പി​ടി​ക്കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.