Sports News
ഫി​ഡെ 2025 വ​നി​താ ലോ​ക​ക​പ്പ് ചെ​സ് കി​രീ​ടം ദി​വ്യ​ക്ക്
ഫി​ഡെ 2025 വ​നി​താ ലോ​ക​ക​പ്പ് ചെ​സ് കി​രീ​ടം ദി​വ്യ​ക്ക്
Tuesday, July 29, 2025 3:25 AM IST
ബ​റ്റു​മി (ജോ​ർ​ജി​യ): ലോ​ക ചെ​സ് ഭൂ​പ​ട​ത്തി​ൽ ഇ​ന്ന​ലെ ഇ​ന്ത്യ​യു​ടെ ദി​വ്യ​ദി​നം. 2025 ഫി​ഡെ വ​നി​താ ലോ​ക​ക​പ്പ് ചെ​സി​ൽ ഇ​ന്ത്യ​യു​ടെ 19കാ​രി​യാ​യ ദി​വ്യ ദേ​ശ്മു​ഖ് ജേ​താ​വാ​യി.

ഇ​ന്ത്യ​ക്കാ​ർ ത​മ്മി​ൽ അ​ര​ങ്ങേ​റി​യ ച​രി​ത്ര​ത്തി​ലെ ആ​ദ്യ ഫൈ​ന​ലി​ൽ, കൊ​നേ​രു ഹം​പി​യെ ടൈ​ബ്രേ​ക്ക​റി​ലൂ​ടെ കീ​ഴ​ട​ക്കി​യാ​ണ് ദി​വ്യ ദേ​ശ്മു​ഖ് ലോ​ക​ക​പ്പ് സ്വ​ന്ത​മാ​ക്കി​യ​ത്. വ​നി​താ ലോ​ക​ക​പ്പ് ഫൈ​ന​ലി​ൽ എ​ത്തു​ന്ന ആ​ദ്യ ഇ​ന്ത്യ​ൻ താ​രം എ​ന്ന റി​ക്കാ​ർ​ഡി​നൊ​പ്പം ലോ​ക​ക​പ്പ് സ്വ​ന്ത​മാ​ക്കു​ന്ന ആ​ദ്യ ഇ​ന്ത്യ​ക്കാ​രി എ​ന്ന ച​രി​ത്ര​വും ദി​വ്യ​ക്ക് ഇ​തോ​ടെ സ്വ​ന്തം.

27, 28 തീ​യ​തി​ക​ളി​ൽ ക്ലാ​സി​ക്ക് ഗെ​യി​മാ​യി ന​ട​ന്ന ര​ണ്ട് ഫൈ​ന​ലു​ക​ളി​ലും ദി​വ്യ​യും 38കാ​രി​യാ​യ കൊ​നേ​രു ഹം​പി​യും സ​മ​നി​ല​യി​ൽ പി​രി​ഞ്ഞി​രു​ന്നു. ആ​ദ്യ ക്ലാ​സി​ക് ഗെ​യി​മി​ൽ വെ​ള്ള ക​രു​ക്ക​ൾ​കൊ​ണ്ട് ക​ളി​ച്ച ദി​വ്യ 40 നീ​ക്ക​ത്തി​നു​ശേ​ഷം സ​മ​നി​ല​യി​ൽ കൈ​കൊ​ടു​ത്തു പി​രി​ഞ്ഞു. ര​ണ്ടാം ക്ലാ​സി​ക് ഗെ​യി​മി​ൽ ക​റു​ത്ത ക​രു​ക്ക​ളു​മാ​യാ​ണ് ദി​വ്യ ദേ​ശ്മു​ഖ് ക​ളി​ച്ച​ത്. 34-ാം നീ​ക്ക​ത്തി​ൽ ര​ണ്ടാം ക്ലാ​സി​ക്ക​ൽ ഗെ​യി​മും സ​മ​നി​ല​യി​ൽ ക​ലാ​ശി​ച്ചു. ഇ​തോ​ടെ​യാ​ണ് ഇ​ന്ന​ലെ ടൈ​ബ്രേ​ക്ക​റി​ലൂ​ടെ ജേ​താ​വി​നെ നി​ശ്ച​യി​ക്കേ​ണ്ടി​വ​ന്ന​ത്.

റാ​പ്പി​ഡ് ഫൈ​ന​ൽ

ക്ലാ​സി​ക് ഗെ​യിം രീ​തി​യി​ലു​ള്ള ഫൈ​ന​ലി​ലെ ര​ണ്ട് റൗ​ണ്ട് പോ​രാ​ട്ട​വും സ​മ​നി​ല​യി​ൽ ക​ലാ​ശി​ച്ച​തോ​ടെ ഇ​ന്ന​ലെ റാ​പ്പി​ഡ് ഗെ​യി​മി​ലൂ​ടെ​യാ​ണ് ടൈ​ബ്രേ​ക്ക​ർ ന​ട​ന്ന​ത്. ക്ലാ​സി​ക്ക​ൽ ഗെ​യി​മി​ൽ ആ​ദ്യ 40 നീ​ക്ക​ത്തി​ന് 90 മി​നി​റ്റു ം തു​ട​ർ​ന്ന് മ​ത്സ​ര​ത്തി​നാ​യി ആ​കെ 30 മി​നി​റ്റു​മാ​യി​രു​ന്നു. ഇ​തി​നി​ടെ ഓ​രോ നീ​ക്ക​ത്തി​നും 30 സെ​ക്ക​ൻ​ഡ് ഇ​ൻ​ക്രി​മെ​ന്‍റും ഉ​ണ്ട്. എ​ന്നാ​ൽ, റാ​പ്പി​ഡ് ഗെ​യി​മി​ന് 15 മി​നി​റ്റി​ന്‍റെ ദൈ​ർ​ഘ്യം മാ​ത്ര​മാ​ണു​ള്ള​ത്. ഓ​രോ നീ​ക്ക​ത്തി​നും 10 സെ​ക്ക​ൻ​ഡ് ഇ​ൻ​ക്രി​മെ​ന്‍റും.
ടൈ​ബ്രേ​ക്ക​റി​ലെ ആ​ദ്യ റാ​പ്പി​ഡ് ഗെ​യി​മി​ൽ ദി​വ്യ ദേ​ശ്മു​ഖും കൊ​നേ​രു ഹം​പി​യും സ​മ​നി​ല​യി​ൽ പി​രി​ഞ്ഞു. ഇ​തോ​ടെ ര​ണ്ടാം റാ​പ്പി​ഡ് ഗെ​യിം.

ര​ണ്ടാം റാ​പ്പി​ഡി​ൽ കൊ​നേ​രു ഹം​പി​യു​ടെ തു​ട​ർ​ച്ച​യാ​യ എ​ൻ​ഡ് ഗെ​യിം പി​ഴ​വ് മു​ത​ലാ​ക്കി ദി​വ്യ ദേ​ശ്മു​ഖ് ജ​യം സ്വ​ന്ത​മാ​ക്കു​ക​യാ​യി​രു​ന്നു. 1.5-0.5 എ​ന്ന പോ​യി​ന്‍റി​ലാ​ണ് ടൈ​ബ്രേ​ക്ക​ർ ദി​വ്യ ദേ​ശ്മു​ഖ് സ്വ​ന്ത​മാ​ക്കി​യ​ത്. 75-ാം നീ​ക്ക​ത്തി​നു​ശേ​ഷം കൊ​നേ​രു ഹം​പി തോ​ൽ​വി സ​മ്മ​തി​ക്കു​ക​യാ​യി​രു​ന്നു. ര​ണ്ടാം റാ​പ്പി​ഡ് ഗെ​യി​മി​ൽ ക​റു​ത്ത ക​രു​ക്ക​ളു​മാ​യി ക​ളി​ച്ചാ​ണ് ദി​വ്യ ജ​യം സ്വ​ന്ത​മാ​ക്കി​യ​ത്.

‘ജെ​ൻ​സി’ ജ​യം

ജെ​ന​റേ​ഷ​ൻ Z, 80 ​കി​ഡി​നെ​തി​രേ ചെ​സ് ബോ​ർ​ഡി​ൽ നേ​ടി​യ ജ​യ​മാ​യും ദി​വ്യ​യു​ടെ ലോ​ക​ക​പ്പി​നെ വി​ശേ​ഷി​പ്പി​ക്കാം. കാ​ര​ണം, 2002ൽ ​ത​ന്‍റെ 15-ാം വ​യ​സി​ൽ ഗ്രാ​ൻ​ഡ്മാ​സ്റ്റ​ർ പ​ദ​വി സ്വ​ന്ത​മാ​ക്കി, ലോ​ക​ത്തി​ലെ ഏ​റ്റ​വും പ്രാ​യം കു​റ​ഞ്ഞ വ​നി​താ ഗ്രാ​ൻ​ഡ്മാ​സ്റ്റ​ർ എ​ന്ന ച​രി​ത്രം ആ​ന്ധ്ര​പ്ര​ദേ​ശു​കാ​രി​യാ​യ കൊ​നേ​രു ഹം​പി സ്വ​ന്ത​മാ​ക്കി​യ​തി​നും മൂ​ന്നു വ​ർ​ഷ​ത്തി​നു​ശേ​ഷ​മാ​യി​രു​ന്നു ദി​വ്യ​യു​ടെ ജ​ന​നം. 38കാ​രി​യാ​യ ഹം​പി​യു​ടെ നേ​ർ​പ​കു​തി പ്രാ​യം മാ​ത്ര​മാ​ണ് ദി​വ്യ​ക്കു​ള്ള​തെ​ന്ന​തും ശ്ര​ദ്ധേ​യം.

റാ​പ്പി​ഡ് ഗെ​യി​മി​ൽ ദി​വ്യ​യേ​ക്കാ​ൾ മു​ൻ​തൂ​ക്കം ഹം​പി​ക്കാ​യി​രു​ന്നു. നി​ല​വി​ലെ ലോ​ക റാ​പ്പി​ഡ് ചാ​ന്പ്യ​നാ​ണ് ഹം​പി. 2024 ഡി​സം​ബ​റി​ലാ​ണ് ര​ണ്ടാം ത​വ​ണ​യും ഹം​പി, ലോ​ക റാ​പ്പി​ഡ് ഗെ​യി​മി​ൽ ചാ​ന്പ്യ​ൻ​പ​ട്ടം സ്വ​ന്ത​മാ​ക്കി​യത്.

ഫി​ഡേ വ​നി​താ റേ​റ്റിം​ഗി​ൽ ദി​വ്യ​യേ​ക്കാ​ൾ (18) മു​ന്നി​ലാ​ണ് ഹം​പി (5). മാ​ത്ര​മ​ല്ല, റാ​പ്പി​ഡ് ഗെ​യിം​മി​ലും ഹം​പി​ക്കാ​ണ് (10) ദി​വ്യ​യേ​ക്കാ​ൾ (22) ലോ​ക റാ​ങ്കിം​ഗി​ൽ മു​ൻ​തൂ​ക്കം. ബ്ലി​റ്റ്സി​ൽ ദി​വ്യ 18-ാമ​തും ഹം​പി 10-ാം സ്ഥാ​ന​ത്തു​മാ​ണ്. എ​ന്നാ​ൽ, ഇ​തെ​ല്ലാം കാ​റ്റി​ൽ​പ്പ​റ​ത്തി ദി​വ്യ ലോ​ക​ക​പ്പ് സ്വ​ന്ത​മാ​ക്കി. 2024ൽ ​ന​ട​ന്ന 45-ാമ​ത് ചെ​സ് ഒ​ളി​ന്പ്യാ​ഡി​ൽ ഇ​ന്ത്യ സ്വ​ർ​ണം സ്വ​ന്ത​മാ​ക്കി​യ​പ്പോ​ൾ, ബെ​സ്റ്റ് പെ​ർ​ഫോ​മ​ർ​ക്കു​ള്ള സ്വ​ർ​ണവും ദി​വ്യ നേ​ടി​യി​രു​ന്നു.


ഇ​ന്ത്യ​യു​ടെ നാ​ലാം ഗ്രാ​ൻ​ഡ്മാ​സ്റ്റ​ർ

ചെ​സ് ക​ള​ത്തി​ലെ പ​ര​മോ​ന്ന​ത ബ​ഹു​മ​തി​യാ​യ ഗ്രാ​ൻ​ഡ്മാ​സ്റ്റ​ർ (ജി​എം) പ​ദ​വി​യും ഇ​തോ​ടെ ദി​വ്യ ദേ​ശ്മു​ഖ് സ്വ​ന്ത​മാ​ക്കി. ഗ്രാ​ൻ​ഡ്മാ​സ്റ്റ​ർ പ​ദ​വി സ്വ​ന്ത​മാ​ക്കു​ന്ന 88-ാമ​ത് ഇ​ന്ത്യ​ൻ താ​ര​മാ​ണ്. എ​ന്നാ​ൽ, നാ​ലാ​മ​ത് മാ​ത്രം ഇ​ന്ത്യ​ൻ വ​നി​ത​യും.

2002ൽ ​കൊ​നേ​രു ഹം​പി​യാ​ണ് ഗ്രാ​ൻ​ഡ്മാ​സ്റ്റ​ർ പ​ദ​വി സ്വ​ന്ത​മാ​ക്കി​യ ആ​ദ്യ ഇ​ന്ത്യ​ക്കാ​രി. ഡി. ​ഹ​രി​ക (2011), ആ​ർ. വൈ​ശാ​ലി (2023) എ​ന്നി​വ​രും ഗ്രാ​ൻ​ഡ്മാ​സ്റ്റ​ർ പ​ദ​വി​യി​ലെ​ത്തി. ഇ​വ​ർ​ക്കു പി​ന്നാ​ലെ നാ​ലാ​മ​ത് ഇ​ന്ത്യ​ൻ വ​നി​താ ഗ്രാ​ൻ​ഡ്മാ​സ്റ്റ​ർ ആ​യി​രി​ക്കു​ന്നു നാ​ഗ്പു​ർ സ്വ​ദേ​ശി​യാ​യ ദി​വ്യ എ​ന്ന 19കാ​രി.

ചുരുക്കം

ഫൈ​ന​ലി​ലെ ആ​ദ്യ മ​ൽ​സ​രം 41 നീ​ക്ക​ങ്ങ​ൾ​ക്കൊ​ടു​വി​ലും ര​ണ്ടാം മ​ൽ​സ​രം 34 നീ​ക്ക​ങ്ങ​ളി​ലും സ​മ​നി​ല​യി​ൽ അ​വ​സാ​നി​ച്ച​തോ​ടെ ക​രു​ക്ക​ൾ നീ​ക്കു​ന്ന​തി​ന് സ​മ​യ​നി​യ​ന്ത്ര​ണ​മു​ള്ള റാ​പ്പി​ഡ് റൗ​ണ്ടി​ലേ​ക്ക് നീ​ണ്ടു. ഫൈ​ന​ലി​ൽ ദി​വ്യ ആ​കെ 2.5 പോ​യി​ന്‍റ് നേ​ടി​യ​പ്പോ​ൾ ഹം​പി​ക്ക് 1.5 പോ​യി​ന്‍റ് ല​ഭി​ച്ചു.

നാ​ഗ്പുർ സ്വ​ദേ​ശി​യാ​യ ദി​വ്യ​ക്ക് 50,000 ഡോ​ള​റും സ്വ​ർ​ണ മെ​ഡ​ലും ആ​ന്ധ്ര​പ്ര​ദേ​ശി​ലെ ഗു​ഡി​വാ​ഡ​യി​ൽ നി​ന്നു​ള്ള 38കാ​രി ഹം​പി​ക്ക് 35,000 ഡോ​ള​റും വെ​ള്ളി മെ​ഡ​ലും ല​ഭി​ച്ചു.

ഹം​പി ഗ്രാ​ൻ​ഡ് മാ​സ്റ്റ​റാ​കു​ന്പോ​ൾ ജ​നി​ച്ചി​ട്ടി​ല്ലാ​ത്ത ദി​വ്യ

2002ൽ 15-ാം ​വ​യ​സി​ൽ ഗ്രാ​ൻ​ഡ് മാ​സ്റ്റ​ർ പ​ദ​വി നേ​ടി ച​രി​ത്ര​മെ​ഴു​തി​യ ചെ​സ് താ​ര​മാ​ണ് ഇ​ന്ത്യ​യു​ടെ കൊ​നേ​രു ഹം​പി. ഹം​പി ഈ ​ച​രി​ത്ര​മെ​ഴു​തി മൂ​ന്ന് വ​ർ​ഷം കൂ​ടി ക​ഴി​ഞ്ഞാ​ണ് ദി​വ്യ ദേ​ശ്മു​ഖ് എ​ന്ന താ​ര​ത്തി​ന്‍റെ ജ​ന​നം. ത​ന്‍റെ 19-ാം വ​യ​സി​ൽ അ​തേ ഹം​പി​യെ കീ​ഴ​ട​ക്കി ഫി​ഡെ ലോ​ക വ​നി​താ ചെ​സ് ലോ​ക​ക​പ്പി​ൽ കി​രീ​ടം സ്വ​ന്ത​മാ​ക്കി​യി​രി​ക്കു​ക​യാ​ണ് ദി​വ്യ.

ഏ​ഴാം വ​യ​സി​ൽ ക​രു​നീ​ക്കം

ഏ​ഴാം വ​യ​സി​ലാ​ണ് ദി​വ്യ ചെ​സ് ബോ​ർ​ഡി​ൽ ക​രു​നീ​ക്കം ആ​രം​ഭി​ച്ച​ത്. ഡോ​ക്ട​ർ​മാ​രാ​യ ജി​തേ​ന്ദ്ര ദേ​ശ്മു​ഖി​ന്‍റെ​യും ന​ർ​മ​ദ​യു​ടെ​യും മ​ക​ളാ​യി 2005 ഡി​സം​ബ​ർ അ​ഞ്ചി​ന് നാ​ഗ്പു​രി​ലാ​യി​രു​ന്നു ദി​വ്യ​യു​ടെ ജ​ന​നം.

അ​ച്ഛ​നാ​ണ് ദി​വ്യ​യെ ചെ​സ് നീ​ക്ക​ങ്ങ​ളു​ടെ ബാ​ല​പാ​ഠ​ങ്ങ​ൾ പ​ഠി​പ്പി​ച്ച​ത്. 17-ാം വ​യ​സി​ൽ ഇ​ന്ത്യ​ൻ ചെ​സ് ചാ​ന്പ്യ​ൻ​ഷി​പ്പ് നേ​ടി. ഇ​ക്കാ​ല​യ​ള​വി​ൽ ഏ​ഷ്യ​ൻ ചാ​ന്പ്യ​ൻ​ഷി​പ്പും ലോ​ക ജൂ​ണി​യ​ർ ചാ​ന്പ്യ​ൻ​ഷി​പ്പും സ്വ​ന്ത​മാ​ക്കി​യ​തോ​ടെ ദി​വ്യ ചെ​സി​ന്‍റെ പു​തി​യ വാ​ഗ്ദാ​ന​മാ​യി വി​ശേ​ഷി​പ്പി​ക്ക​പ്പെ​ട്ടു തു​ട​ങ്ങി.

2021ൽ ​വ​നി​താ ഗ്രാ​ൻ​ഡ്മാ​സ്റ്റ​റും 2023ൽ ​ഇ​ന്‍റ​ർ​നാ​ഷ​ണ​ൽ മാ​സ്റ്റ​റു​മാ​യി. 2022 ചെ​സ് ഒ​ളി​ന്പ്യാ​ഡി​ൽ വ്യ​ക്തി​ഗ​ത വെ​ങ്ക​ലം. 2020ൽ ​ചെ​സ് ഒ​ളി​ന്പ്യാ​ഡി​ൽ വെ​ള്ളി നേ​ടി​യ ടീ​മി​ൽ അം​ഗം. ഏ​റ്റ​വും ഒ​ടു​വി​ലാ​യി ഇ​താ ലോ​ക​ക​പ്പും ഗ്രാ​ൻ​ഡ്മാ​സ്റ്റ​ർ പ​ദ​വി​യും... പു​രു​ഷ വി​ഭാ​ഗ​ത്തി​നു പി​ന്നാ​ലെ വ​നി​താ വി​ഭാ​ഗ​ത്തി​ലും ഇ​ന്ത്യ​ൻ ചെ​സ് ലോ​ക​ത്തി​ന്‍റെ നെ​റു​ക​യി​ൽ...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.