ചൊ​രി​മ​ണ​ലി​ൽ സം​ഭ​വി​ച്ച​ത്
സം​സ്ഥാ​ന​ത്ത് പ​ച്ച​ക്ക​റി​യി​ൽ സ്വ​യം​പ​ര്യാ​പ്ത​മാ​യ ഏ​ക പ​ഞ്ചാ​യ​ത്ത് എ​ന്നു ക​ഞ്ഞി​ക്കു​ഴി​യെ വി​ശേ​ഷി​പ്പി​ക്കാം. അ​ര സെ​ന്‍റി​ൽ മു​ത​ൽ അ​ൻ​പ​ത് ഏ​ക്ക​റി​ൽ വ​രെ കൃ​ഷി ചെ​യ്യു​ന്ന​വ​ർ ഇ​വി​ടെ​യു​ണ്ട്. വ​ള​ക്കൂ​റോ കാ​ര്യ​മാ​യ ജ​ലാ​ശം​മോ ഇ​ല്ലാ​ത്ത പ​ഞ്ച​സാ​ര മ​ണ​ലി​ലാ​ണ് കൃ​ഷി എ​ന്ന​റി​യു​ന്പോ​ഴാ​ണ് അ​തി​ശ​യം തോ​ന്നു​ക. ക​ഞ്ഞി​ക്കു​ഴി, മാ​രാ​രി​ക്കു​ളം, മു​ഹ​മ്മ പ്ര​ദേ​ശ​ങ്ങ​ളി​ലെ എ​ണ്ണാ​യി​രം കു​ടും​ബ​ങ്ങ​ൾ ഒ​രു​ക്കു​ന്ന പ​ച്ച​ക്ക​റി വി​പ്ല​വം...

ചൊ​രി​മ​ണ​ൽ എ​ന്നു കേ​ൾ​ക്കു​ന്പോ​ഴേ പ​ല​രു​ടെ​യും മ​ന​സി​ൽ തെ​ളി​യു​ക, വ​ള​ക്കൂ​റോ കാ​ര്യ​മാ​യ ജ​ലാ​ശം​മോ ഇ​ല്ലാ​ത്ത പ​ഞ്ച​സാ​ര മ​ണ​ൽ പ്ര​ദേ​ശം. അ​വി​ടെ കൃ​ഷി ന​ട​ക്കു​മോ​യെ​ന്നു ചോ​ദി​ച്ചാ​ൽ അ​സാ​ധ്യ​മെ​ന്നാ​യി​രി​ക്കും പ​ല​രു​ടെ​യും മ​റു​പ​ടി. എ​ന്നാ​ൽ, അ​തു തി​രു​ത്തി​ക്കോ​ളൂ.. ചൊ​രി​മ​ണ​ലി​ൽ കൃ​ഷി ന​ട​ത്താ​മെ​ന്നു മാ​ത്ര​മ​ല്ല, അ​തൊ​രു വി​പ്ല​വ​മാ​യി മാ​റ്റാ​നു​മാ​കും.

വ​ള​ക്കൂ​റി​ല്ലാ​ത്ത ചൊ​രി​മ​ണ​ലി​ലെ വി​സ്മ​യ കൃ​ഷി കാ​ണ​ണ​മെ​ങ്കി​ൽ ആ​ല​പ്പു​ഴ ജി​ല്ല​യി​ലെ ക​ഞ്ഞി​ക്കു​ഴി, മാ​രാ​രി​ക്കു​ളം, മു​ഹ​മ്മ പ്ര​ദേ​ശ​ങ്ങ​ളി​ലേ​ക്കു പോ​രൂ. പ​ഞ്ച​സാ​ര മ​ണ​ലി​ൽ ക​ർ​ഷ​ക​ർ വി​ള​യി​ക്കു​ന്ന പ​ച്ച​ക്ക​റി​ക​ൾ ക​ണ്ടാ​ൽ നി​ങ്ങ​ൾ വി​സ്മ​യം​പൂ​ണ്ടു നി​ൽ​ക്കും. മ​റ്റി​ട​ങ്ങ​ളി​ൽ ന​ന​യ്ക്കു​ന്ന​തി​ന്‍റെ മൂ​ന്നി​ര​ട്ടി ന​ന​ച്ചാ​ലേ ഇ​വി​ട​ത്തെ പൊ​രി​വെ​യി​ലി​ൽ ചെ​ടി​ക​ൾ​ക്കു വേ​ണ്ട​ത്ര ജ​ലാ​ശം കി​ട്ടൂ.

എ​ല്ലാ പ​രി​മി​തി​ക​ളെ​യും മ​റി​ക​ട​ന്ന് എ​ണ്ണാ​യി​രം കു​ടും​ബ​ങ്ങ​ൾ പ​ച്ച​ക്ക​റി കൃ​ഷി​യി​ലൂ​ടെ ജീ​വി​തം ക​രു​പ്പി​ടി​പ്പി​ക്കു​ന്നു. കോ​ഴി​വ​ള​വും ചാ​ണ​ക​വും വേ​പ്പി​ൻ​പി​ണ്ണാ​ക്കും മ​ണ്ണും ചേ​ർ​ത്തു മ​ണ​ലി​ൽ വാ​രം കോ​രി, യു​വി ഷീ​റ്റ് പു​ത​യി​ട്ട് ഡ്രി​പ്പ് ന​ന​യും വ​ള​പ്ര​യോ​ഗ​വും ഒ​രു​മി​ച്ചു ന​ൽ​കി​യു​ള്ള ഫെ​ർ​ട്ടി​ഗേ​ഷ​ൻ രീ​തി​യാ​ണ് ഇ​വ​ർ അ​വ​ലം​ബി​ക്കു​ന്ന​ത്.

വ​ർ​ഷം എ​ണ്‍​പ​തി​നാ​യി​രം ട​ണ്‍ പ​ച്ച​ക്ക​റി​യാ​ണ് തീ​ര​ഗ്രാ​മ​ങ്ങ​ളി​ൽ വി​ള​വെ​ടു​ത്തു വി​ൽ​ക്കു​ന്ന​ത്. ദേ​ശീ​യ​പാ​ത​യി​ൽ ചേ​ർ​ത്ത​ല മു​ത​ൽ ആ​ല​പ്പു​ഴ വ​രെ യാ​ത്ര ചെ​യ്താ​ൽ പ​ച്ച​ക്ക​റി ഗ്രാ​മ​ങ്ങ​ളു​ടെ കാ​ർ​ഷി​ക​പ്പെ​രു​മ ക​ണ്ട​റി​യാം.

പാ​ത​യോ​ര​ത്ത് നി​ര​നി​ര​യാ​യി ജൈ​വ പ​ച്ച​ക്ക​റി​ക്ക​ട​ക​ളു​ള്ള മ​റ്റൊ​രു പ്ര​ദേ​ശം സം​സ്ഥാ​ന​ത്തി​ല്ല. ഇ​വി​ടെ എ​ല്ലാ വീ​ടു​ക​ളി​ലും പ​ച്ച​ക്ക​റി കൃ​ഷി​യു​ണ്ട്. ഒ​പ്പം ത​രി​ശു​ഭൂ​മി പാ​ട്ട​ത്തി​നെ​ടു​ത്തും കൃ​ഷി. അ​ലം​കൃ​ത​മാ​യ പ​ച്ച​ക്ക​റി​പ്പ​ന്ത​ലു​ക​ളി​ൽ നി​റ​യെ പാ​വ​ലും പ​യ​റും പീ​ച്ചി​ലും കോ​വ​ലും.

ചു​വ​പ്പു​പ​ട്ടു​പോ​ലെ ചീ​ര​കൃ​ഷി. നി​റ​യെ പൂ​വും കാ​യു​മാ​യി വെ​ണ്ട​ക​ളു​ടെ നി​ര. ഇ​തി​നി​ടെ​യി​ലൂ​ടെ വ​ള്ളി​വീ​ശി നി​റ​യെ കാ​യി​ട്ട മ​ത്ത​നും കു​ന്പ​ള​വും വെ​ള്ള​രി​യും. സം​സ്ഥാ​ന​ത്ത് പ​ച്ച​ക്ക​റി​യി​ൽ സ്വ​യം​പ​ര്യാ​പ്ത​മാ​യ ഏ​ക പ​ഞ്ചാ​യ​ത്ത് എ​ന്നു ക​ഞ്ഞി​ക്കു​ഴി​യെ വി​ശേ​ഷി​പ്പി​ക്കാം. അ​ര സെ​ന്‍റി​ൽ മു​ത​ൽ അ​ൻ​പ​ത് ഏ​ക്ക​റി​ൽ​വ​രെ കൃ​ഷി ചെ​യ്യു​ന്ന​വ​ർ ഇ​വി​ടെ​യു​ണ്ട്.

എ​ല്ലാ​വ​രും കൃ​ഷി​യി​ലേ​ക്ക്

ക​ഞ്ഞി​ക്കു​ഴി​യി​ലും മാ​രാ​രി​ക്കു​ള​ത്തും വി​ദ്യാ​ർ​ഥി​യും ഉ​ദ്യോ​ഗ​സ്ഥ​നും ക​ച്ച​വ​ട​ക്കാ​ര​നും വീ​ട്ട​മ്മ​യു​മൊ​ക്കെ കൃ​ഷി​യു​ള്ള​വ​രാ​ണ്. ര​ണ്ടു നേ​ര​മെ​ങ്കി​ലും കൃ​ഷി​യി​ട​ത്തി​ലെ​ത്താ​ത്ത​വ​ർ വി​ര​ളം.

ഗ്രാ​മീ​ണ സ്ത്രീ​ക​ളു​ടെ ജീ​വി​തം​ത​ന്നെ മാ​റി​മ​റി​ഞ്ഞി​രി​ക്കു​ന്നു. ഇ​വി​ടെ എ​ല്ലാ സ്ത്രീ​ക​ൾ​ക്കും ജോ​ലി​യു​ണ്ട്, ഒ​പ്പം വ​രു​മാ​ന​വും. തൊ​ഴി​ലു​റ​പ്പു പ​ദ്ധ​തി​യി​ൽ​പെ​ടു​ത്തി​യും ഇ​വ​ർ പ​ച്ച​ക്ക​റി കൃ​ഷി ചെ​യ്യു​ന്നു. ഇ​തി​ലെ വ​രു​മാ​ന​വും തൊ​ഴി​ലു​റ​പ്പു കൂ​ലി​യും ചേ​രു​ന്പോ​ൾ വീ​ടു പോ​റ്റാ​നും മ​ക്ക​ളെ പ​ഠി​പ്പി​ക്കാ​നും വ​രു​മാ​ന​മാ​യി.

സ്വ​ന്ത​മാ​യി ഒ​ന്ന​ര ഏ​ക്ക​റി​ലും നാ​ലേ​ക്ക​ർ പാ​ട്ട​ഭൂ​മി​യി​ലും ജൈ​വ​കൃ​ഷി ന​ട​ത്തു​ക​യാ​ണ് ക​ഞ്ഞി​ക്കു​ഴി അ​ഞ്ചാം വാ​ർ​ഡി​ലെ ദി​വ്യ​യും ഭ​ർ​ത്താ​വ് ജ്യോ​തി​ഷും. സം​സ്ഥാ​ന സ​ർ​ക്കാ​രി​ന്‍റെ ഏ​റ്റ​വും മി​ക​ച്ച പ​ച്ച​ക്ക​റി ക​ർ​ഷ​ക​യ്ക്കു​ള​ള അ​വാ​ർ​ഡി​ന് ദി​വ്യ നേ​ടി​യി​ട്ടു​ണ്ട്. ക​ഞ്ഞി​ക്കു​ഴി​യി​ലെ വെ​ള്ള​രി​ക്ക അ​ച്ചാ​റി​നും മ​ത്ത​ൻ ഹ​ൽ​വ​യ്ക്കും പെ​രു​മ​യേ​റെ.

വി​ള​വു​ക​ൾ​ക്കു ചി​ല സീ​സ​ണി​ൽ വി​പ​ണി കു​റ​യു​ന്ന സാ​ഹ​ച​ര്യ​ത്തി​ലാ​ണ് മൂ​ല്യ​വ​ർ​ധി​ത ഉ​ല്പ​ന്ന​ങ്ങ​ളാ​ക്കാ​ൻ ശ്ര​മ​മു​ണ്ടാ​യ​ത്. ഒ​രു പ്ര​ദേ​ശം കേ​ന്ദ്രീ​ക​രി​ച്ച് സം​ഘ​ങ്ങ​ൾ രൂ​പീ​ക​രി​ച്ചു പ​ച്ച​ക്ക​റി മൂ​ല്യ​വ​ർ​ധി​ത​മാ​ക്കു​ന്നു. ഇ​ത്ത​ര​ത്തി​ൽ ചാ​ലു​ങ്ക​ൽ ഹ​രി​ത സം​ഘം വെ​ള്ള​രി​ക്ക സോ​പ്പ്, വെ​ള്ള​രി​ക്ക അ​ച്ചാ​ർ, മ​ത്ത​ൻ ഹ​ൽ​വ തു​ട​ങ്ങി വെ​ള്ള​രി​ക്കാ​നീ​രി​ൽ​നി​ന്നു സ്ക്വാ​ഷും ജാ​മു​മൊ​ക്കെ ത​യാ​റാ​ക്കി വി​ൽ​ക്കു​ന്നു.

പ​ച്ച​ക്ക​റി ക്ലി​നി​ക്

ക​ഞ്ഞി​ക്കു​ഴി സ​ർ​വീ​സ് സ​ഹ​ക​ര​ണ ബാ​ങ്ക് ആ​വി​ഷ​ക​രി​ച്ച നൂ​ത​ന ആ​ശ​യ​മാ​ണ് പ​ച്ച​ക്ക​റി ക്ലി​നി​ക്. ചെ​ടി​യു​ടെ​യും കാ​യ​യു​ടെ​യും കേ​ടു വ​ന്ന ഭാ​ഗം ക്ലി​നി​ക്കി​ലെ​ത്തി​ച്ചാ​ൽ രോ​ഗം ക​ണ്ടെ​ത്തി ചി​കി​ത്സ നി​ർ​ണ​യി​ക്കും.

വ​ലി​യ തോ​തി​ൽ കൃ​ഷി​യി​റ​ക്കു​ന്ന​വ​ർ​ക്കു കൃ​ഷി​നാ​ശ​ത്തി​ൽ​നി​ന്നു ര​ക്ഷ​പ്പെ​ടാ​ൻ മാ​ർ​ഗ​മാ​ണ് ഈ ​ക്ലി​നി​ക്. കാ​ർ​ഷി​ക പു​സ്ത​ക​ങ്ങ​ളും കാ​ർ​ഷി​ക പ്ര​സി​ദ്ധീ​ക​ര​ണ​ങ്ങ​ളു​മു​ള്ള ലൈ​ബ്ര​റി​യും വെ​ബ്സൈ​റ്റും ബാ​ങ്കി​ലു​ണ്ട്. പോ​ളി​ഹൗ​സ്, മ​ഴ​മ​റ കൃ​ഷി തു​ട​ങ്ങി​യ​വ​യും ന​ട​പ്പാ​ക്കു​ന്നു. അ​ടു​ക്ക​ള​ത്തോ​ട്ടം നി​ർ​മി​ച്ചു ന​ൽ​കു​ന്ന സം​ഘ​വും യ​ന്ത്ര​സ​ഹാ​യ​ത്തോ​ടെ കൃ​ഷി ചെ​യ്യു​ന്ന കാ​ർ​ഷി​ക ക​ർ​മ​സേ​ന​യും പ്ര​വ​ർ​ത്തി​ക്കു​ന്നു​ണ്ട്.

ആ​ക​ർ​ഷ​ക​മാ​യ മ​റ്റൊ​രു പ​ദ്ധ​തി​യാ​ണ് സെ​ലി​ബ്രി​റ്റി കൃ​ഷി​ത്തോ​ട്ടം. കൃ​ഷി​യി​ൽ താ​ത്പ​ര്യ​മു​ള്ള ഏ​താ​നും പേ​ർ ചേ​ർ​ന്നു കാ​ർ​ഷി​ക ക​ർ​മ​സേ​ന രൂ​പീ​ക​രി​ക്കു​ക​യും ഭൂ​മി പാ​ട്ട​ത്തി​നെ​ടു​ക്കു​ക​യും ചെ​യ്യും. സെ​ന്‍റി​ന് ആ​യി​രം വീ​തം കൊ​ടു​ത്താ​ൽ മ​തി ഈ ​ഭൂ​മി​യി​ൽ ക​ർ​മ​സേ​ന ന​മു​ക്കു വേ​ണ്ടി കൃ​ഷി​യി​റ​ക്കും.

കൃ​ഷി​ക്കു മു​ൻ​പു​ത​ന്നെ പ​ണം കി​ട്ടു​ന്നു എ​ന്ന​താ​ണ് കൃ​ഷി​ക്കാ​രു​ടെ നേ​ട്ടം. ആ​യി​രം രൂ​പ മു​ട​ക്കി​യാ​ൽ ഒ​രു സെ​ന്‍റി​ൽ വി​ള​യു​ന്ന ജൈ​വ പ​ച്ച​ക്ക​റി വി​ള​വെ​ടു​പ്പ് കാ​ലം മു​ഴു​വ​ൻ വീ​ട്ടി​ലെ​ത്തു​മെ​ന്ന​ത് പ​ണം മു​ട​ക്കു​ന്ന​വ​രു​ടെ നേ​ട്ടം.

ഓ​ണ്‍​ലൈ​ൻ വി​ല്പ​ന

പൂ​ന ടി​സി​എ​സി​ലെ ഉ​യ​ർ​ന്ന ജോ​ലി രാ​ജി​വ​ച്ചു കൃ​ഷി​യി​ട​ത്തി​ലേ​ക്കി​റ​ങ്ങി ബം​ബ​ർ വി​ള​വെ​ടു​പ്പി​ലാ​ണ് ചേ​ർ​ത്ത​ല പു​ത്ത​ന​ന്പ​ലം ബി. ​ഭാ​ഗ്യ​രാ​ജ്. 80 സെ​ന്‍റ് ത​രി​ശു​ഭൂ​മി പാ​ട്ട​ത്തി​നെ​ടു​ത്താ​ണ് ചീ​ര​യും പ​ച്ച​മു​ള​കും കൃ​ഷി തു​ട​ങ്ങി​യ​ത്.

പി​ന്നീ​ട് ഒ​ന്ന​ര​യേ​ക്ക​റി​ൽ നെ​യ്ക്കു​ന്പ​ള​വും വെ​ണ്ട​യും കൃ​ഷി ചെ​യ്തു. ഇ​പ്പോ​ൾ പ​തി​നൊ​ന്ന് ഏ​ക്ക​റി​ൽ പ​ച്ച​ക്ക​റി കൃ​ഷി​യു​ണ്ട്. സു​ഹൃ​ത്തു​മാ​യി ചേ​ർ​ന്ന് അ​ഞ്ചേ​ക്ക​റി​ൽ പ​പ്പാ​യ​ക്കൃ​ഷി​യു​മു​ണ്ട്. ഒ​പ്പം പ​ച്ച​ക്ക​റി വി​ൽ​പ​ന​ശാ​ല​യും. ആ​റു വാ​ട്സ് ആ​പ് ഗ്രൂ​പ്പു​ക​ളി​ലാ​യി ര​ണ്ടാ​യി​ര​ത്തി​ലേ​റെ ഉ​പ​ഭോ​ക്താ​ക്ക​ൾ സ്വ​ന്തം.

മി​നി സൂ​പ്പ​ർ മാ​ർ​ക്ക​റ്റ് ഉ​ൾ​പ്പെ​ടെ ചേ​ർ​ത്ത​ല​യി​ലും എ​റ​ണാ​കു​ള​ത്തും ന​ട​ത്തു​ന്ന നാ​ലു പ​ച്ച​ക്ക​റി സ്റ്റാ​ളു​ക​ളി​ൽ ആ​വ​ശ്യ​ക്കാ​രെ​ത്തു​ന്നു. വെ​ജ് ടു ​ഹോം വാ​ട്സാ​പ്പി​ലൂ​ടെ വ​ന്ന വി​സ്തൃ​ത വി​പ​ണി​യാ​ണ് ഭാ​ഗ്യ​രാ​ജി​ന്‍റെ വി​ജ​യ​ഘ​ട​കം. വ​ർ​ഷം മു​ഴു​വ​നും വി​ഷ​ര​ഹി​ത പ​ച്ച​ക്ക​റി​ക​ളും പ​ഴ​ങ്ങ​ളും മു​ട്ട​യും ഇ​റ​ച്ചി​യും വീ​ട്ടി​ലെ​ത്തി​ക്കാം എ​ന്ന​താ​ണ് ഇ​ദ്ദേ​ഹം ന​ൽ​കു​ന്ന ഉ​റ​പ്പ്.

ആ​ല​പ്പു​ഴ ജി​ല്ല​യി​ൽ ആ​ഴ്ച മു​ഴു​വ​നും ഉ​ത്പ​ന്ന​ങ്ങ​ളെ​ത്തി​ക്കു​ന്പോ​ൾ എ​റ​ണാ​കു​ള​ത്ത് ര​ണ്ടു ദി​വ​സ​മാ​ണ് വി​പ​ണ​നം. സ്റ്റോ​ക്കു​ള്ള പ​ച്ച​ക്ക​റി ലി​സ്റ്റ് വാ​ട്സ് ആ​പ്പി​ൽ ഇ​ടേ​ണ്ട താ​മ​സം ആ​വ​ശ്യ​ക്കാ​ർ ഓ​ർ​ഡ​റു​ക​ൾ ന​ൽ​കു​ക​യാ​യി.

ശു​ഭ​കേ​ശ​ൻ ഒ​രു വി​സ്മ​യം

ക​ഞ്ഞി​ക്കു​ഴി​യി​ലെ വി​ത്ത് ഫാ​ക്ട​റി​യാ​ണ് ക​ഞ്ഞി​ക്കു​ഴി പ​യ​ർ വി​ക​സി​പ്പി​ച്ചെ​ടു​ത്ത ശു​ഭ​കേ​ശ​ന്‍റെ വീ​ട്. എ​ണ്‍​പ​തു ഗ്രാം ​തൂ​ക്ക​വും 37-38 ഇ​ഞ്ച് നീ​ള​വും വ​രു​ന്ന പ​യ​ർ ക​ണ്ടു​പി​ടി​ച്ച​താ​ണ് ക​ഞ്ഞി​ക്കു​ഴി പോ​ള​ക്കാ​ട​ൻ ക​വ​ല​യി​ലു​ള്ള കു​ട്ട​ൻ​ചാ​ൽ​വെ​ളി ശു​ഭ​കേ​ശ​ന്‍റെ ജീ​വി​ത​ത്തി​ൽ വ​ഴി​ത്തി​രി​വാ​യ​ത്.

നാ​ട്ടി​ൽ പ​ലേ​ട​ങ്ങ​ളി​ലാ​യു​ള്ള ഏ​ക്ക​ർ ക​ണ​ക്കി​ന് പ​ച്ച​ക്ക​റി വൈ​വി​ധ്യം ഒ​രു കാ​ഴ്ച​ത​ന്നെ​യാ​ണ്. നീ​ള​ൻ പ​ച്ച​പ്പ​യ​ർ വി​ൽ​ക്കു​ന്ന​തി​നേ​ക്കാ​ൾ ശു​ഭ​കേ​ശ​ന് ലാ​ഭം വി​ത്തു വി​ല്പ​ന​യാ​ണ്. വി​വി​ധ​യി​നം പ​ച്ച​ക്ക​റി വി​ത്തു​ക​ൾ ശു​ഭ​കേ​ശ​ൻ വീ​ടി​നോ​ടു ചേ​ർ​ന്ന ഒൗ​ട്ട്ല​റ്റി​ലും കൊ​റി​യ​റി​ലും ത​പാ​ലി​ലും വി​ൽ​ക്കു​ന്നു.

പ​യ​റി​ലൂ​ടെ ക​ഞ്ഞി​ക്കു​ഴി​യു​ടെ പെ​രു​മ അ​റി​യി​ച്ച ഈ ​ജൈ​വ​ക​ർ​ഷ​ക​ൻ ഓ​രോ വ​ർ​ഷ​വും ഉ​ത്പാ​ദി​പ്പി​ക്കു​ന്ന​ത് നാ​ല​ര ക്വി​ൻ​റ്റ​ൽ പ​ച്ച​ക്ക​റി വി​ത്തു​ക​ൾ. ഇ​തി​ൽ 250 കി​ലോ ക​ഞ്ഞി​ക്കു​ഴി പ​യ​ർ​ത​ന്നെ. ല​ക്ഷ​ങ്ങ​ളാ​ണ് വ​രു​മാ​നം. 1995 ലാ​ണ് ശു​ഭ​കേ​ശ​ന്‍റെ ജീ​വി​തം മാ​റ്റി​മ​റി​ച്ച ക​ഞ്ഞി​ക്കു​ഴി പ​യ​റി​ന്‍റെ പി​റ​വി. ലി​മാ​ബി​ൻ പ​യ​റും വെ​ള്ളാ​യ​ണി ലോ​ക്ക​ലും പ​രാ​ഗ​ണം ന​ട​ത്തി​യാ​ണ് ക​ഞ്ഞി​ക്കു​ഴി പ​യ​ർ വി​ക​സി​പ്പി​ച്ച​ത്.

ചിത്രം: ജോൺ മാത്യു
Copyright @ 2018 , Rashtra Deepika Ltd.