കൊച്ചി: തൊഴിലാളി ക്ഷേമനിധി ബോർഡിലെ വരിക്കാരായ തൊഴിലാളികളുടെ മക്കൾക്കു വ്യാവസായിക പരിശീലന വകുപ്പിന്റെ കീഴിൽ രജിസ്റ്റർ ചെയ്ത 11 ഐടിഐകളിൽ 12 ട്രേഡുകളിലെ പ്രവേശനത്തിന് അപേക്ഷ ക്ഷണിച്ചു. 240 സീറ്റുകളാണുള്ളത്. പത്താംക്ലാസ് പാസായവർ നിശ്ചിത ഫോറത്തിൽ അപേക്ഷ സമർപ്പിക്കണം. തെരഞ്ഞെടുക്കപ്പെടുന്നവർക്ക് പ്രതിമാസം 150 രൂപ സ്റ്റൈപ്പെൻഡ് നൽകും. അപേക്ഷാ ഫോറങ്ങൾ ജില്ലാ കാര്യാലയങ്ങളിൽനിന്ന് 20 വരെ 10 രൂപയ്ക്കു നേരിട്ടും 15 രൂപയുടെ മണി ഓർഡർ മുഖേനയും ലഭിക്കും. അപേക്ഷകൾ 25ന് മുന്പ് സമർപ്പിക്കണം.